السلام عليكم
كيفكم شباب
كيف الحال ؟
هذا ثاني موضوع أحطه في الترفيهي من فترة طويييييييلة
على فكرة <<< لا يكثر ... خلاص فكنا ليش حطيت الموضوع ؟
أوكي أوكي خلاص ... خلينا ندخل في الموضوع على طول
أذكر مرة كنت في المدرسة ... وأبوي يشتغل مُدَرّس في المدرسة الي أدرس فيها
ساعتها كانت حصة كمبيوتر ... وطبعاً أستاذ الكمبيوتر مثل العادة أول ربع ساعة من كل حصة يكون قاعد على كمبيوتره يشتغل ويحضر شوية أشياء
وخلال هذي الربع ساعة طبعاً الأولاد يتكلمون مع بعض .. لكن كل واحد قاعد مكانه شيء أكيد ترا نحن عاقلين
المهم ....
أنا قمت من مكاني ورحت لسلة الزبالة عشان أرمي فيها كلينيكس ( منديل ورقي ) ، رميته في السلة ورجعت لمكاني ... وأنا في طريق العودة إلى الكرسي واحد من الأولاد مد رجله قدامي عشان يعرقلني وأقع على الأرض ... لكن أنا انتبهت له قبل ما أصل له ... فقمت حطيت رجلي قدام رجله ومثلت أني راح أصطدم فيها وأتعرقل فيها ... لكن أنا كنت مخطط لشي ثاني ..
تعرفون شو سويت ؟
بكل بساطة وباستخدام رجلي جرّيت رجله لقدام ولفّيتها على رجل الطاولة على أساس أني ألويها له :naughty2:
الولد ما أثر بالحركة الي سويتها عشان هو متين شوية وقوي ...
لكن فجأة ... لقيت الولد بدأ يصرخ !! .. وكان شكله متوجع كثير !! ... أنا شكيت أنه كان يمثل عشان الأستاذ ينتبه ويقول له أني ضربته والأستاذ يعاقبني عشان الولد يريد يسوي المقلب ...
بصراحة هو كان يمثل فعلاً ... لكن مش عشان الأستاذ ...
الي صار هو أن باب الغرفة كان خلفي ... بينما الولد كان ينظر للأمام ...
والولد بدأ يصرخ لأن أبوي كان فتح الباب ودخل الغرفة بدون ما أشوفه .. وبالصدفة كان وقت دخوله هو نفس الوقت الي سويت فيها هذيك الحركة للولد ... والولد أوّل ما شاف أبوي جته فكرة أنه يسوي فيني مقلب ثاني غير المقلب السابق الي فشل .
أنا بصراحة خفت كثيييييييير وانحرجت قدام الأولاد !!
لكن شو أسوي ... الولد انتصر علي
المرجع :
الميموري كارد الاحتياطي الي زرعته في راسي جنب الدماغ عشان أتذكر المواقف بشكل أوضح
ما يستفاد من القصة :
- حاول التقليل من استخدام المناديل الورقية
- حاول تقعد في مكان قريب من سلة الزبالة عشان لو احتجت ترمي أي شي ترميه من بعيد وأنت جالس
- إذا كان عند أستاذ الكمبيوتر شغل روح ساعده عشان تسوي مصلحة ويعطيك درجات زيادة
- إذا حد حاول يسوي فيك مقلب أعطيه بكس في أنفه وأشرد قبل ما يوصل أبوك لمكان الحدث
- اشرب حليب ، ونام بكير وقوم بكير ... وشوف الصحة كيف بتصير
.
بس الأبتسامة أكبر من ذي بشوي^^
المشاركة الأصلية كتبت بواسطة Dark Watch