وش اختـار وش الأنسب لي ؟ بروكومبلكس غينر او سوبر قينر فيول

[متمرس حديد]

والله لو تشوف السكوب اللى مع فويل جينر ماتشترية
اعوذبالله من شكلها حقت حيوانات مهيب حق بشر
انا من رايي تأخذ البروكمبليس جينر
.
.
والشباب ماقصروا الله يعطيهم العافية

ويعطيك العافيه وخلاص راح آخذ البروكمبلكس قينر إن شاء الله

[THE CAST]

خلاص ذا كاست انا بإذن الله بآخذ الأمينو 10000 بعد ماقريت عنه
لكن طريقة استخدامه ماوصلت لي صح البعض يقول ست حبات باليوم قبل التمرين وبعده ثلاث قبل وثلاث بعد
وش رايك انت ؟

4 حبات مع الفطور+4 بعد التمرين + 4 مع العشا
وتقدر تزيدل5-6 حبات فكل مره

بالتوفيق

[متمرس حديد]

يعني وانا آكل الفطور اوقف كذا

وابلع الأمينو ؟

ياخي بيني وبينك صعبه كذا مع العشاء وانا قاعد مع الأهل اطلع حبوب وآكلـهـا

اخاف انجلد من الوالد لا تحرجنا

اخليها بعد العشاء الأربع حبات

طبعا مافي قبل النوم اي حبوب ؟

[THE CAST]

يعني وانا آكل الفطور اوقف كذا
وابلع الأمينو ؟
يعني خذ الحبوب ثم افطر
ياخي بيني وبينك صعبه كذا مع العشاء وانا قاعد مع الأهل اطلع حبوب وآكلـهـا
اخاف انجلد من الوالد لا تحرجنا
اخليها بعد العشاء الأربع حبات
طبعا مافي قبل النوم اي حبوب ؟

ماعندك مشكلة استعملها كالتالي
4 قبل التمرين بربع ساعه على الاقل + 4 بعده مباشره +4 قبل العشا
اما قبل النوم يكفيك البروتين

[متمرس حديد]

يعطيك العافيـه يالغالي وإن شاء الله مايجي العام الجديد إذا الله احيانا وعافانا

إلا وزنـي وزل 75

عاد وابدااء اغثك من جديد بأسئلتي وعندي دهوون ومنطقة البطن مليانه دهوون وش لون انشف

لكن نتنمـي الضخامة بدون دهون حتى مع القينر والأمينو

[متمرس حديد]

THE CAST

اخوي انت تقول الأمينو 10000

آخذه اربع قبل التمرين بربع ساعه+بعد التمرين مباشره+اربع قبل العشاء

وانت كاتب بالإقتباس

خذ الحبوب ثم افطر

يعني ع الريق

لكن كاتب بعد الإقتباس هالتوزيع إلي كتبتـه اخوووي

معليش THE CAST ثقلت عليك بس الحين كيف آخذه

وش رايك

4 على الريق (اول ما اصحى) +4 قبل التمرين بربع ساعه+4 بعد التمرين مباشره

وش رايك وماهو الأفضل طبعا

[THE CAST]

THE CAST
اخوي انت تقول الأمينو 10000
آخذه اربع قبل التمرين بربع ساعه+بعد التمرين مباشره+اربع قبل العشاء
تمام
وانت كاتب بالإقتباس
خذ الحبوب ثم افطر
هذا لوكنت تبغا تستعملها مثل ماقلت لك بردي السابق بالموضوع لكن حاليا
معليش THE CAST ثقلت عليك بس الحين كيف آخذه
عادي واناخوك
وش رايك
4 على الريق (اول ما اصحى) +4 قبل التمرين بربع ساعه+4 بعد التمرين مباشره
صحيح وهذي افضل
وش رايك وماهو الأفضل طبعا

سواءا اخذته بالطريقه الاولى ام بالثانيه كلها صحيحه

[متمرس حديد]

شكرا بالنسبة للعظلات الصغير الباي والتراي

كاتب عدد الجلسات انت 12-10-8

ثلاث جلسات فقط
حلو

طيب كم تمرين ؟

ثلاث تمارين اشوف إنها مناسبه

لكن المشكله تلعب مستوي بارثلاث جلسات

تلعب دنابل همر

تلعب كرسي مسكه ضيق بالبار المتعرج

طيب وتمرين التكوير


استغنى عنـه ؟
وإلا يكفون ذولا ؟

[THE CAST]

شكرا بالنسبة للعظلات الصغير الباي والتراي
كاتب عدد الجلسات انت 12-10-8
ثلاث جلسات فقط
حلو
طيب كم تمرين ؟
ثلاث تمارين اشوف إنها مناسبه
ايه ثلاث تمارين كافيه للعظله الصغيره كالباي والتراي
لكن المشكله تلعب مستوي بارثلاث جلسات
تلعب دنابل همر
تلعب كرسي مسكه ضيق بالبار المتعرج
طيب وتمرين التكوير
نوع وشكل في التمارين كل اسبوع ولاتعتمد على ثلاث تمارين فقط فتمارين الباي والتراي كثيره
يعني كل اسبوع اخترثلاث تمارين لكلا العظلتين...
استغنى عنـه ؟
وإلا يكفون ذولا ؟
تم التوضيح

.............

بالتوفيق