وش اكثر دعاية تكرهها في رمضان ؟؟

[Rory]

لاااا لا تحاولووون .. حاير طاير مقرف يعني مقرف .. يعني تعرفون كيف تحسون يوم تشوفون شي تقزون منه على طووول؟ حتى لو بدون سبب؟ أنا نفس الشعور إذا شفته ..
يرفع لي الضفط وخاصه عاد الممثلين إلي فييييه .. أحس بلوعه منهم والله .. -.-

الإغنيه مال دعاية سانسيلك أول ما طلعت .. كل حد استوت عنده رنه .. لدرجة إني أتنرفز كل ما أسمعها الحين ..

[sT]

جدو .. عبالك فتة ؟؟ ايش ؟ لا والله ما عبالي فتة .. يا جدو كفتة ؟ ايش ؟ ايش جبت يا ابني ؟؟ << يا عمي وش تبي انت اخلص علينا بس !!

هع والله حالة ..

خخخخخخخخخخخخخخخخخخخخخخ ايه صح ذا الدعاية بعد يا هي سخيفة !!!

[NsaN]

ويسبر و اسف

الاغنية اللي تطرونها اسمها Gasolina..يغنيها Daddy Yankee...

طبعاً الدعاية سارقة الاغنية..

اخس الدعايات..اللي تحطها قناة قطر..خاصة مال المجوهرات..اللي بدايتها ااهاا...وععع..
و لا دعاية حليمة بولند..باربي..
اصلاً دعايات عبد الخالق مادري شو كلها ارف..

بس دعاية MTC حلوة..افكارهم حلوة..

[Angel whisper]

امس شفت اخواني يتريون قطعة 13 على قناة مادري شسمها ..
المهم انهم كانو يحطون ربع ساعة دعايه .. وعقب حلقتين بينك بانثر .. وعقب ربع ساعة دعايه @@
قرف الصراحه ..

روري:
انزين خلاص T.T
لو ابويه سمعج الحين جان ذبحج ..

انسان:
ثانكس!!
المهم انه عطيتنا اسم الاغنية .. ما عليي سارقينها ولا XD

[][-][Mr.ZeNoN][-][]

دعاية ford الي تجي على mbc4

ضغطي يوصل مليون منها

حرام عليك دعايات الفورد حلوة مرة ((حبيت الفوكس بسببها شكلي بكتب تقرير بمنتدانا))

ولا دعاية فورد موستينج..الصغير لما يكبر يسرق سيارة أبوه ((راعي السبايكي)) بعدين تجي الموستينج الجديدة

شغل عدل ...

وفي دعاية بايسون كلك حركااات .. تصدع وتطفش ..

تقهرني البنت إللي راكبة فراري

مسوية متحجبة وتتشخص على غيرها

ولا البنات إللي بالسوق يتصورون..متحجبااااات ويتصورا







===========


وش رايكم بدعايات تويوتا

فورتشنر؟؟ مرة رهيبة سيارة تنقسم لنصفين تتمشى بالشوارع بعدين ترجع لمكانها

دعايةالهايلكس..يشد الشجرة ويشد البلدة معاه

واللاندكروزر..وحش رملي يحاول يبتلعه مايقدر..أحس إن الدعاية بمساعدة خبراء

أحب الدعايات اللي زي كذا

[smigle]

ويسبر و اسف

اخس الدعايات..اللي تحطها قناة قطر..خاصة مال المجوهرات..اللي بدايتها ااهاا...وععع..

بسم الله على دعاياتكم أنتو عاد.....ولا هذا أندوك أنته يفقع مرارتي.

بس مسلسل حاير طاير أتابعه بس علشان اسمع رمستكم...حلوه. أحلى حلقة هي حلقة البلوش (بلوشي يرمس أماراتي) قمة الوناسه.

بس أنا اللي صج صج صج ترفع ضغطي هذي حليموه يوم تقول .........ساااااادوه للمره الثالثه..

خاطري آخذ مسدس وبوم في راسي.

[عبيس]

دعايات الرآى باااااااايخ

واحلى دعايه واضحك عليها دائما

دعاية ماكنتوش الولد الصغير لما يلف الماكنتوش على ابوه

هههههههههههههههههههههههههههههههههههههه

واللي احب اسمعها يبيله

[fyuhlkryuryu]

صراحة انا بطران شوية عندي art

[Lena]

اعتقد السؤال :

وشو الدعاية الي ما تكرهها

كان بيكون اسهل بكثير

[][-][Mr.ZeNoN][-][]

اعتقد السؤال :

وشو الدعاية الي ما تكرهها

كان بيكون اسهل بكثير

دعايات التويوتا والفورد

دعايات صابون دوف ((حقت إختبار الوردتين البيضاء))

دعايات المستشفى السعودي الألماني

دعايات نوكيا ((الأجهزة الحديثة بشكل عام ))

[ashraf_2003]

دعايات المستشفى السعودي الألماني

كيف صارت صحيك ....
اوف مريت على كل اطباء الدنيا .....بس ماني مرتا
مالك الا مكان(ن) واحد ........سعودي الالماني

[Angel whisper]

كنت اكلم استاذي عن سالفة الاعلانات هاذي ..
وكان يقولي ان هاذي استراتيجيه تتبعها شركات الاعلان ..
يعني الواحد اسهل انه يتذكر شي ينرفزه او يكرهه عن انه يتذكر شي يحبه
فيوم بتشوف هالدعاية بتتذكرها بتفاصيلها وبتتذكر المنتج نفسه ..
حتى اذا لاحظتو .. الاكثرية متذكرين حتى الحوارات اللي تستوي في الدعايه
فبالتالي يزيد فضول المستهلك -على الرغم من كراهيته للدعاية- ويشتري المنتج ..

[Lena]

l

كنت اكلم استاذي عن سالفة الاعلانات هاذي ..وكان يقولي ان هاذي استراتيجيه تتبعها شركات الاعلان ..يعني الواحد اسهل انه يتذكر شي ينرفزه او يكرهه عن انه يتذكر شي يحبهفيوم بتشوف هالدعاية بتتذكرها بتفاصيلها وبتتذكر المنتج نفسه ..حتى اذا لاحظتو .. الاكثرية متذكرين حتى الحوارات اللي تستوي في الدعايه فبالتالي يزيد فضول المستهلك -على الرغم من كراهيته للدعاية- ويشتري المنتج ..

ولو .. برضو نظرية .. حلو تفكيره استاذكم يعني شي واقعي..

[Angel whisper]

l

ولو .. برضو نظرية .. حلو تفكيره استاذكم يعني شي واقعي..

مب نظرية
هي فعلا تطبقت في كم دولة .. وعندهم في بريطانيا طبعا

[عبودي]

بس انا من يطلع اعلان اكرهه اغير القناة ..( بختصار)
بدون عوار راس الان الاعلان كثرتة تصير ممله