فكرة الجامعة الخاصة : هل أنت مؤيد أم معارض ؟؟

[سانوسوكى]

السلام عليكم

اولا اشكر اخوى محمد على الموضوع

ثانيا , و معلش هتلاقونى داخله شمال ^^

انا مش بحب الجامعات الخاصة بالمرة , و كرهت طلابها كمان من اللى بيعملوه فينا ايام تدريبهم فى القصر العينى

طبعا فكرة الجامعة كفكرة ممتازة , لانها تعطى فرصة تانية لمن لم يحالفه الحظ بدخول كليته المرغوبة و لو بفارق نصف درجة

و لكن الواقع انها اصبحت مكان ( للفشلة ) و سامحونى فى الكلمة , الا من رحم ربى

يعنى مجموعة طلبة معتمدين على فلوس بابا و ماما و مش بيذاكروا و لا عايزين اصلا يذاكروا هو بس عاوز يتخرج و يبقى اسمه دكتور او مهندس

بالنسبة لللى كنت بقول عنهم بيدربوا فى القصر , تلاقى معاملة قمة قلة الادب , ياخدوا منا الادوات و المرضى و بعد مانعترض يقولوا

اصل احنا دافعيين فلوس يعنى احنا بنفيدكم !!!

ده غير الفضائح لما تشوفهم و هما بيشتغلوا , مش فاهميين حاجة فى الدنيا , طبعا الا من رحم ربى

عشان كده وضع الجامعات دلوقتى سئ جدا فى رائى , و لو كان فى ضوابط اكثر اعتقد الوضع كان احسن

[محمد السيوطيM.S]

السلام عليك

و عليكم السلام و رحمة الله و بركاته أختي سانوسوكي

اولا اشكر اخوى محمد على الموضوع

العفو أختي و جزاك الله خيراً

طبعا فكرة الجامعة كفكرة ممتازة , لانها تعطى فرصة تانية لمن لم يحالفه الحظ بدخول كليته المرغوبة و لو بفارق نصف درجة

أنا معاك أختي في أن فكرة الجامعة الخاصة ( بشكلها الصحيح و ليس كما عندنا ) فكرة ممتازة
و ليس فقط لأنها تتيح فرصة أخرى للطلاب و إنما لأنها - من المفترض - أنها تحمل لنا التعليم المتطور

انا مش بحب الجامعات الخاصة بالمرة , و كرهت طلابها كمان من اللى بيعملوه فينا ايام تدريبهم فى القصر العينى

و لكن الواقع انها اصبحت مكان ( للفشلة ) و سامحونى فى الكلمة , الا من رحم ربى

يعنى مجموعة طلبة معتمدين على فلوس بابا و ماما و مش بيذاكروا و لا عايزين اصلا يذاكروا هو بس عاوز يتخرج و يبقى اسمه دكتور او مهندس

بالنسبة لللى كنت بقول عنهم بيدربوا فى القصر , تلاقى معاملة قمة قلة الادب , ياخدوا منا الادوات و المرضى و بعد مانعترض يقولوا

اصل احنا دافعيين فلوس يعنى احنا بنفيدكم !!!

ده غير الفضائح لما تشوفهم و هما بيشتغلوا , مش فاهميين حاجة فى الدنيا , طبعا الا من رحم ربى

اعتقد أختي أنك تقصدين طلاب جامعة 6 أكتوبر لأنهم "مربطين" مع القصر العيني
بالنسبة لفساد الطلاب هناك فحدث و لا حرج طبعاً لأسباب كثيررررة يطول شرحها
و اعتقد أختي أن ما ذكرتيه فيه تأييد لكلامي في أن بعض الطلاب يدخلون كليات أعلى من قدراتهم و مستواهم

لكن أنا عاوز أقولك أختي أن فساد الطلاب في جامعة خاصة لا يعتبر مقياس لبقية الجامعات , أنا لا استطيع أن أقول أن طلاب بقية الجامعات مجدون و مجتهدون لكن استطيع أن أقول لكِ أن هناك الكثير من الطلاب الممتازون علمياً و أخلاقياً في هذه الجامعات
يعني اقصد أن قياس بقية الجامعات الخاصة على جامعة 6 أكتوبر فيه بعض ظلم لهذه الجامعات , باعتبار أن جامعة 6 أكتوبر - في نظري - من أسوء جامعات مصر أخلاقياً , فتفائلي ببقية الجامعات خيراً

عشان كده وضع الجامعات دلوقتى سئ جدا فى رائى , و لو كان فى ضوابط اكثر اعتقد الوضع كان احسن

في المشاركة 27# اجتهدت في وضع ضوابط للجامعات الخاصة , يمكنك أختي الاطلاع عليها و مناقشتنا برأيك مرة أخرى

و جزاك الله خيراً أختي
و بانتظار عودتك

[hossam gabr]

بي يامحمد بالنسبة لمصاريف 8 و10 موجودة
ولو عايزيني أذكرهم بالأسم ماعنديش مشكلة
منهم الشروق والمودرن اكاديمي والعاشر ومهد طيران إمبابة
أنا بكلم عن الهندسة لأن هو دا إلي أعرفه
.............................................
وبخصوص الخصومات برضه هتلاقي نفس الحكاية وهتلاقي كتير
..................................
إحنا دخلنا المباشر 2500 دا غير المعاش والحاجات التانية ومرتبات أخواتي
فأعتقد أن إحنا مش بعيد عن الطبقة المتوسطة أو أننا مش حاسين بالمعيشة
وبخصوص إلي أنت بتقول عليه أن الأسرة إلي دخلها 2000 جنيه مش عارفة تتدخل أبنها جامعة خاصة
إيه رأيك في موظفة حكومية مرتبها 500 وأبوه كذالك وهو في معهد طيران إمبابة
(( هو أسمه معهد ولكن يعامل معاملة الكليات ومعترف بيه في النقابة ونقابة العرب كمان))
...................................
لو أنت ما شفتش أباطرة الدروس الخصوصية في الحكومية يبقى أنت لسه ما شفتش حاجة
أنا ليا أخين أتخرجوا من علوم بنها كانوا بيدفعوا 500 مقابل ورقة الإمتحان
وكمان قريبتي اتخرجت من طب القاهرة كانت بتدفع 2000 جنيه في ورقة الإمتحان
والأمثلة كتيررررررررررررررررررررررر
.........................................
أنا عرفت ليه عندك النظرة دي أنتا عارف لو كان والدك شغال في شركة أو ماشابه
كنت عرفت مين دلوقتي بقى بيشتغل ومين لا
أنا بكلم عن الهندسة
لو عندك قريب في النايل سات اسأله عندكوا كام واحد من الجامعات الحكومية ؟؟
هيقولك يتعدوا على الصوابع مع أن النايل سات حكومة
وكمان في شركات الإتصالات المحمول فودافون وموبينيل وغيرهم
وشوف بيأخدوا مين
وبخصوص السلك الجامعي فدلوقتي ممكن لطلاب الجامعات الخاصة تحضير الدراسات العيا في الجامعات الحكومية
وأنا ليا أصدقاء أتخرجوا وبيحضروا ماجيستير في القاهرة وعين شمس
..........................................
وبخصوص نشر الجامعات الخاصة كالروسية وكدا لأفكارها المذهبية والطائفية و الإجتماعية
فدا كان في فيلم صعيدي في الجامعة الأمريكية
وغير موجود بالمرة على الطبيعة
وأنا عندي أصحابي في الألمانية والأمريكية وماشاء الله الأولاد دماغتهم أتغيرت للأحسن بكتير بعد دخولهم الجامعات ولافيها الأفكار إلي أنت بتقول عليها دي

[hossam gabr]

طيب ايه رأيكم تشركوني معاكم؟

(أعتذر لو كان كلامي هيكون بالعامية وموجه للمصريين دوناً عن غيرهم كوني هتكلم عن أحوال دراسية خاصة بمصر وحدها)
الصراحة كلام محمد واضافات بالما كان فيها كلام كتير معجبنيش فحبيت أشارك
شوفوا يا جماعة واسمعوني كويس
أولاً
الثانوية العامة مش مقياس واللي يقول انها مقياس يبقي مش بيفهم حاجة
الملخصات والدروس والمراكز وطريقة حفظ قواعد النحو بأغنية لا تميز الطالب المجتهد عن الطالب الغير مجتهد
ده غير اللي بالما قالته .. مش معقولة واحد يكون في الرياضيات مقترب من الدرجة النهائية لكنه يكون واقع في الاقتصاد والعربي مثلاً ونقوله مع السلامة مجموعك مش جايب هندسة!
دي طريقة متخلفة ولازم تتفور
قولتم ان الجامعات الخاصة محتاجة لاختبارات .. طب ليه مقولتوش والحكومية كمان؟
مهي المشكلة واحدة .. مش أي حفيظ أو حظيظ أدخله طب أو هندسة وأي واحد يكون متميز في العلوم أو الرياضيات أقوله سامحني أصلك في العربي مكنتش كويس مثلاً فمش هدخلك طب أو هندسة!
يبقي الحل اننا ننهي حاجة اسمها التنسيق خالص ويبقي قبول الجامعات بالاعتماد علي درجات مواد معينة أو اختبارات معينة .. خاصة كانت أو حكومية
أنا عن نفسي دراستي كانت خاصة في الجامعة .. يعني من الفئة اللي بتسموها داخلة بفلوسها وطلعت في الأخر مش فاهمة حاجة!
ايه رأيكم ناخدها واحدة واحدة؟
أنا في دراستي الابتدائية والاعدادية كنت في فصل اسمه فصل المتفوقين وكان مجموعي في الغالب لا يقل عن 95% .. ذنبي اني كنت بدي الحاجة حقها .. وده اللي سببلي مشاكل في الثانوية العامة اللي مكنتش أعرف انها في مصر لها طقوس خاصة تختلف عن باقي السنوات
يعني مثلاً تاخد درس كذا في المادة الفلانية ومتاخدش في المادة العلانية .. تفتح المادة الفلانية في أخر شهرين والمادتين كذا وكذا تفضل تذاكر فيهم طول الوقت .. قصة العربي خليها للأخر الخ
منهج الثانوية العامة أكبر من ضعف المناهج في السنوات العادية وكوني بحب أدي كل حاجة حقها ده اللي ضيعني .. وصدقوني لما أقولكم اني فاكر اني دخلت امتحان الكيميا من غير ما أراجع كل أبوابه.
يعني كوني مجبتش مجموع مؤهل لكليات القمة مكنش سببه اني ضعيف بشكل عام أو مش من النوع اللي بيذاكر .. فيه احتمالات دايماً خلوها للناس من سوء الحظ وسوء التوفيق
مش عايز أحكي قصص كتير بس هكتفي بانه كان ليا زميل جايب 97% في تانية ثانوي لكنه جاب درجة سيئة جداً في الاقتصاد في تالتة فقل عن ال 85% وكان لا طال بلح الشام ولا عنب اليمن!
دخلت كلية الهندسة في أكاديمية الشروق واتخرجت منها كمان .. لما دخلت كانوا بيقبلوا من 80% يعني مرتبطة بمجموع مش زي ما بتقولوا .. ودلوقتي بتقبل من 90.6% !
لسه برضه هنقول انهم فشلة وداخلين بفلوسهم؟
خلوني أحكيلكم حاجة كمان
أنا لما كنت بتدرب في مركز التحكم في النايل سات كنت أنا من الشروق ومعانا ناس من الأكاديمية البحرية ومعهد العاشر والجامعة الأمريكية وناس من جامعات مصر كلها .. كنا جروب ممتاز .. أحد المحاضرين اتكلم عن الجامعات الخاصة فمحدش رد عليه ولا راجعه في كلامه .. يوميها سألته وقولتله حضرتك أولادك في مدارس حكومية ولا خاصة؟
قالي خاصة
قولتله .. طيب بيدوهم اجابات الامتحان قبل ما يخشوا امتحاناتهم أو بيحطولهم كتب الوزارة في الحمامات أو بيغششوهم؟
قالي لأ
قولتله والجامعات الخاصة كمان مبيغششوهاش .. المواد اللي بتتاخد في جامعة القاهرة أو عين شمس هي هي اللي بتتاخد فيها والأساتذة اللي بيدرسوا فيها بيكونوا هما هما أو أحسن كمان ومستوي الامتحانات في الغالب واحد .. قولتله بعدين طالب الجامعة الخاصة بيبقي مميز عن طالب الجامعة الحكومية في حاجة
قالي ايه هي
قولتله التدريب العملي بيبقي ليه أكبر
ثم المدارس الخاصة اللي دلوقتي مش مشكلة واللي هتستغرب قوي لو لقيت حد بيعترض عليها كانت مثار جدل زمان وده نفسه اللي بتمر بيه الجامعات الخاصة في مصر
قالي عندك حق في كل اللي قولته
النهاردة كمان كنت في ITI بقدم طلب التحاق بالمنحة بتاعتها وقابلت واحد من جامعة عين شمس .. سألني فقولتله اني من الشروق قالي احنا سامعين انكم مميزين عملياً
ده جميل بس للأسف فيه نوعين من الناس .. ناس كبيرة مش مستوعبة اللي بيحصل اتخرجت من أيام الستينات ومهما شرحتلها مش هتفهم وشباب الغرور راكبهم مبينكسروش الا لما بيتحط قدامهم طالب الجامعة الخاصة المجتهد في شغل واحد ويقدر يثبتله انه أحسن منه أو انه زيه علي الأقل
مش عايزكم تكونوا لا زي دول ولا دول .. خلاص يا Palma ويا محمد؟
ثانياً
مصر دولة ضخمة وطلب العيش فيها مش رغد زي دول الخليج أو غيرهم من دول .. اللي قادر يحارب وحده اللي بيقدر يعيش فيها
أعداد الطلاب ضخمة جداً والجامعات مش كافية وسوق العمل من بعد الجامعات مش كافي
الدولة اتجهت للتعليم الخاص بشكل قوي .. دلوقتي جامعة أمريكية وبريطانية وكندية وفرنسية وألمانية وفي الطريق لروسية وصينية بالاضافة للجامعات والمعاهد المصرية الخاصة .. ده غير الكلام اللي بيتنشر دلوقتي عن التعليم المميز اللي بتعتزم الدولة تطبيقه!
الحكومة محتاجة انها ترفع عن كاهلها مشاكل التعليم وتتيحه للاستثمار وفي النهاية بيبقي فيه خبرات أفضل وتعليم مريح للناس ومفيد للدولة.
علشان كده بكره هتضحكوا علي الكلام اللي بتتناقشوا فيه ده لما تشوفوا حال البلد بعد كام سنة.

تحياتي ومتنسونيش من دعواتكم علشان داخل امتحانات هتفرق معايا كتير قوي لو نجحت فيها

مش هزود عليك حرف واحد
ودا الكلام إلي كنت عاوز أوصله ولكن كنت واخدها واحدة واحدة
أنت جيت جبت الخلاصة على طول
ياعيني عليك يابني

[محمد السيوطيM.S]

اهلاً حسام مرة أخرى

بي يامحمد بالنسبة لمصاريف 8 و10 موجودة
ولو عايزيني أذكرهم بالأسم ماعنديش مشكلة
منهم الشروق والمودرن اكاديمي والعاشر ومهد طيران إمبابة
أنا بكلم عن الهندسة لأن هو دا إلي أعرفه

أوكي ماشي هندسة ( رغم أن هذه المصروفات مازالت أضعاف دخل الطبقة الوسطى)
ما زال هناك الطب و الصيدلة و الأسنان و غيرها من كليات القمة

وبخصوص الخصومات برضه هتلاقي نفس الحكاية وهتلاقي كتي

أنا قلتلك حسام عاوز أمثلة على الخصومات التي تصل إلى 75 %
أنا عارف أن هناك خصومات و لكنها بنسب قليلة , و أنا جبت لك أمثلة على طلاب حصلوا على مجاميع مرتفعة و لم يحصلوا على نسبة تليق بمجموعهم

إحنا دخلنا المباشر 2500 دا غير المعاش والحاجات التانية ومرتبات أخواتي
فأعتقد أن إحنا مش بعيد عن الطبقة المتوسطة أو أننا مش حاسين بالمعيشة

اعتقد أن 2500 جنيه + المعاش + الحاجات التانية + مرتبات أخواتك بعيد شوي عن الطبقة الوسطى

وبخصوص إلي أنت بتقول عليه أن الأسرة إلي دخلها 2000 جنيه مش عارفة تتدخل أبنها جامعة خاصة
إيه رأيك في موظفة حكومية مرتبها 500 وأبوه كذالك وهو في معهد طيران إمبابة
(( هو أسمه معهد ولكن يعامل معاملة الكليات ومعترف بيه في النقابة ونقابة العرب كمان))

يا أخي احنا نحسبها بالعقل و بالإحصاءات و ليس بالقياس على حالات فردية
يمكن الراجل معاه حته أرض و باعها ... يمكن وارث... يمكن أي شيء

لو أنت ما شفتش أباطرة الدروس الخصوصية في الحكومية يبقى أنت لسه ما شفتش حاجة
أنا ليا أخين أتخرجوا من علوم بنها كانوا بيدفعوا 500 مقابل ورقة الإمتحان
وكمان قريبتي اتخرجت من طب القاهرة كانت بتدفع 2000 جنيه في ورقة الإمتحان
والأمثلة كتيررررررررررررررررررررررر

الحمد لله جامعتنا ما فيهاش لسه أباطرة دروس خصوصية
بالنسبة لعلوم بنها فأنا لا اعرف عنها شيء و لذلك لا استطيع أن قول عنها شيء
بالنسبة لطب القاهرة فاعتقد أن هذا صعب التصديق , اعتقد أن سانوسكي لها أخت في طب القصر العيني و ممكن تسألها بنفسك
لكن على أية حال هذا لا يعني فساد الجامعات الحكومية , هذه حالات قليلة و لا نقيس عليها

أنا عرفت ليه عندك النظرة دي أنتا عارف لو كان والدك شغال في شركة أو ماشابه
كنت عرفت مين دلوقتي بقى بيشتغل ومين لا
أنا بكلم عن الهندسة
لو عندك قريب في النايل سات اسأله عندكوا كام واحد من الجامعات الحكومية ؟؟
هيقولك يتعدوا على الصوابع مع أن النايل سات حكومة
وكمان في شركات الإتصالات المحمول فودافون وموبينيل وغيرهم
وشوف بيأخدوا مين
وبخصوص السلك الجامعي فدلوقتي ممكن لطلاب الجامعات الخاصة تحضير الدراسات العيا في الجامعات الحكومية
وأنا ليا أصدقاء أتخرجوا وبيحضروا ماجيستير في القاهرة وعين شمس

و هو يعني الشركات و النايل سات و فودافون و موبينيل هم التخصصات المجودة في مصر فقط ؟
أين العيادات و الصيدليات و مكاتب المحاماة و المصالح الحكومية و بقية الوظائف ؟
أنا قلتلك حسام الشهادة مهمة في تخصصات و الدورات مهمة في أخرى

أما طبعاً عن القاهرة و عين شمس فذلك لأن كلاً منهم عاملة تعاقد مع جامعة خاصة و بالتالي فلازم يسمحوا لطلاب هذه الجامعات بالدراسة عندهم

وبخصوص نشر الجامعات الخاصة كالروسية وكدا لأفكارها المذهبية والطائفية و الإجتماعية
فدا كان في فيلم صعيدي في الجامعة الأمريكية
وغير موجود بالمرة على الطبيعة
وأنا عندي أصحابي في الألمانية والأمريكية وماشاء الله الأولاد دماغتهم أتغيرت للأحسن بكتير بعد دخولهم الجامعات ولافيها الأفكار إلي أنت بتقول عليها دي

بالعقل كده روسيا فتحت جامعة في مصر ... بريطانيا فتحت جامعة في مصر ....أمريكا طبعاً فاتحه
ليه يعني لرغبتهم الشديدة في فتطويرنا أم لأنهم لم يجدوا مكان يستثمروا فيه نقودهم سوى مصر ؟
حسام هذه سياسة دولة , و لو تذكر أول فقرة في هذا الموضوع أني قلت أن الجامعة الأمريكية أسست بواسطة منظمة تبشيرية

بس حسام أنت لم تخبرني رأيك في الفكرة التي عرضتها عليك

يعني حسام أنا عاوز أحط أيدك على حاجة , هو أنه من المفترض على الجامعات الخاصة أن تجري مثل هذه الاختبارات – ما دامت لا تريد الاعتراف بالثانوية العامة – لتكون مقياس خاص بها , بدلاً من الاعتماد على المال فقط , موافق حسام على هذا الاقتراح

و الأهم من ذلك أنا أريد رأيك عن الرد في المشاركة 27 # , يعني اقراءه و شوف الاقتراحات و بعد ذلك يمكننا مناقشته

و شكراً حسام على متابعتك المستمرة للموضوع
و بانتظار آراءك

[palma]

السلام عليكم ورحمة الله وبركاته ..
عودة مرة أخرى ^_^ ...

أولا بالنسبة لموضوع النجاح بفلوسهم الكلام ده مش من عندي
دي حكايات بسمعها من صحباتي وقرايبي .. يعني ما شوفتش حاجة بعيني ..
علشان أكون صريحة معاكم أنا معلوماتي عن الحياة الجامعية مش كتير لأن السنة الجاية ح تكون ان شاء الله أول سنة ليا ..
يعني تجربتي الشخصية في الموضوع ده زيروو بس طبعا بسمع من صحباتي ..
وكتبت ردي اللي بيعبر عن وجهة نظري اللي كونتها عن طريق المعلومات جايز تكون قليلة عن الجامعات الخاصة اللي أعرفها ..
وأكييد مش بعمم الكلام جايز يكون خانني التعبير وموصلتش الفكرة صح أكيد في برضه حالات فردية ولو قليلة في بعض الجامعات سواء كانت حكومية ولا خاصة اللي بيبقى فيها فساد اداري مش خاصة بس فعلا الحكومية والخاصة في الموضوع ده زي بعض ...
بس دا كان انطباعي عنها
لحد دلوقتي بس جايز أغيره >>> منكم نستفيد ..

قولتم ان الجامعات الخاصة محتاجة لاختبارات .. طب ليه مقولتوش والحكومية كمان؟

يبقي الحل اننا ننهي حاجة اسمها التنسيق خالص ويبقي قبول الجامعات بالاعتماد علي درجات مواد معينة أو اختبارات معينة .. خاصة كانت أو حكومية

هو صح فعلا لازم كل جامعة تعمل اختبار قدرات ...
والنظام ده متبع في دول عربية كتير ..

عندنا إختبارين بعد التخرج من الثانوية .. يسموها قياس ..

الأول قدرات عامة .. وهذا لجميع الكليات ..

الثاني التحصيلي .. للكليات العلمية وبعض الكليات الأخرى ..

الأول يعطيك أشياء مادرستها .. يعني أسئلة منطقية وحسابية كذا ..

الثاني .. يعطيك أسئلة من الثانوي .. وهو الإختبار الزفت ..

بعض الجامعات تاخذ .. 35% ثانوي 35% تحصيلي 30% قدرات .. أو 40% ثانوي 40% تحصيلي 20% قدرات .. ~_~

أنا كنت عايشة في السعودية وهناك بيطبقوا النظام ده وما عندهمش تنسيق ..
هو نظام كويس فعلا ..
مع انه صعب وبنات كتير صحباتي بيشتكوا منه >_< ...
بس عادل برضه ..

أنا عن نفسي دراستي كانت خاصة في الجامعة .. يعني من الفئة اللي بتسموها داخلة بفلوسها وطلعت في الأخر مش فاهمة حاجة!
ايه رأيكم ناخدها واحدة واحدة؟
أنا في دراستي الابتدائية والاعدادية كنت في فصل اسمه فصل المتفوقين وكان مجموعي في الغالب لا يقل عن 95% ..

مش معنى أنك في جامعة خاصة تبقى من الفئة اللي داخلين بفلوسهم
وطلعت مش فاهمة .. ماحدش عمم الكلام طبعا ..
أكيييد في ناس ناجحين وجديرين بأنهم يدخلوا الجامعات دي ..
بس في المقابل في ناس ما تستاهلش أصلا فرصة دخول جامعة من أساسه ..

وعلى فكرة ..
أنا مش بشكك في قدرات الخرجين من الجامعات الخاصة كلهم ..
أكيد في كفاءات برضه ...

مش عايزكم تكونوا لا زي دول ولا دول .. خلاص يا Palma ويا محمد؟

يعني أنا مش زي دول ولا دول ^_^ ..

بس لازم نعترف ان في جامعات خاصة فيها دكاترة بيحددوا للطلاب ايه بالظبط اللي ح يجيبوا منه الامتحان ومش بيذاكروا كل حاجة ..
والموضوع ده بالذات أنا واثقة منه لأن في واحد قريبي في جامعة سينا وكلية طبية الدكتور بتاعهم بيقولهم الامتحان من صفحة كذا لصفحة كذا .. حبة صغنين جدا بيذاكروها .. طيب ازاي يبقوا ناجحين لو كان في امتحان متحدد بالشكل ده ..
وابن خالتي في أكاديمية هندسية في اسكندرية وعنده نفس الموضوع في تسهيلات بيعملوها بعض الدكاترة ليهم ..
ده طبعا ممكن يأثر على المستوى التعليمي بتاعهم برضه ...

واذا قولتولي ان الكلام ده مش موجود عندكم في جامعاتكم ...
يبقى جايز في جامعات ثانية ..

تحياتي ومتنسونيش من دعواتكم علشان داخل امتحانات هتفرق معايا كتير قوي لو نجحت فيها

يلا ربنا يوفقك في امتحانك ان شاء الله ..


وعموما زي ما قلت منكم نستفيد ح تابع الموضوع ^_^ ..

[hossam gabr]

أنا هأسف لوقفي عن النقاش
وهذا سوف يكون ردي الأخير وذلك لعدة أسباب :
1_ الموضوع أخذ أكثر من وجه غير الوجه الظاهرعليه وإذا كان الموضوع عن تأيديها من عدمه
فأنا أيدها
وأسباب مكتوبة
2_ عدم وجود خبرة كافية بخصوص الجامعات الخاصة لبعض الأراء ولا الحكومية حتى
3 _ كل ما كتبته من ردود من قبل + رد الأخ شاب مصري يلخص المراد قوله
4 _ كل سنة وأنتوا طيبين رمضان على الأبواب

[محمد السيوطيM.S]

السلام عليكم و رحمة الله و بركاته

اهلاً بعودتك الأخيرة أخي الحبيب حسام جابر

1_ الموضوع أخذ أكثر من وجه غير الوجه الظاهرعليه وإذا كان الموضوع عن تأيديها من عدمه
فأنا أيدها
وأسباب مكتوبة

في المواضيع النقاشية كل عضو يضع رأيه و يستمع إلى أراء الآخرين
لهذا سُمي بالنقاشي
و كنت أتمنى أخي أنه كما استمعت لرأيك و ناقشته معك نقطة نقطة أن تستمع أنت أيضاً لرأيي في المشاركة 27 # و تناقشه معي

2_ عدم وجود خبرة كافية بخصوص الجامعات الخاصة لبعض الأراء ولا الحكومية حت

إذا كانت هناك آراء تفتقر إلى الخبرة فهذا طبيعي و متوقع في أي موضوع نقاشي لأنه مؤكد وجود الآراء الصحيحة و الآراء الخاطئة, و قد كان بإمكانك أن أخي التعليق عل هذه الآراء و تزوينا بالخبرة

3_ كل ما كتبته من ردود من قبل + رد الأخ شاب مصري يلخص المراد قوله

كما تحب أخي

4_ كل سنة وأنتوا طيبين رمضان على الأبواب

و أنت طيب يا غالي .. و كل عام و أنت بخير و صحة و سعادة دائماً يا رب

و شكراً على مشاركتك و تفاعلك مع الموضوع
و دمت سالماً

[majidd]

أتفق مع رد اخوي .. شاب مصري

[محمد السيوطيM.S]

اهلاً أخوي الحكواتي

أتفق مع رد اخوي .. شاب مصري

يا جماعة رد أخوي شاب مصري قمت بالرد عليه و إذا تبون أرد بشكل أكثر تفصيلاً مو مشكلة
لكن هناك نقاط تم الرد عليها من قبل و أكثر من مرة
+
هناك نقاط جديدة و قد رددت عليها
+
هناك نقاط اتفقنا عليها
+
- و هو الأهم - لماذا تنظرون للموضوع من طرف واحد فقط, أنا كتبت ردي تفصيلاً في المشاركة 27# فلماذا لا تعلقون عليها و تذكرون لي ما الخطأ فيه ؟

و شكراً حكاوتي
و بانتظار عودتك
و دمت سالماً

[محمد السيوطيM.S]

أعيد و أكرر من فضلكم أخواني الذين شاركوا في الموضوع من قبل :
فكما أني استمعت إلى ردودكم و ناقشتها معكم رداً برد و نقطة بنقطة فاطلب منكم رجاءاً أن تناقشوني حول الرد في المشاركة 27# لتخبروني ما الصواب و الخطأ فيه
و ذلك حتى نصل إلى اتفاق و بالتالي نحصد الفائدة من الموضوع

و لا تحرموني رجاءاً من وجه نظركم

و دمتم سالمين

[majidd]

شكرا لك اخي العزيز .. محمد السيوطي

و انا قرأت ردك رقم 27 و اقتنعت لبعض النقاط ..

---------------------
و انا أدرس في جامعة خاصة في مصر .. و لكني فلسطيني أعيش في الخارج

و لو كنت غني و أملك مال لما درست في دولة عربية من الأصل ..
لأنه العلم و الجامعات في الدول الأجنبية متقدم أكثر من الدول العربية ..

و المصاريف في الجامعات الخاصة في مصر مثلاً لا تقارن بمصاريف الجامعات الخاصة في الدول الاجنبية ..
-------------------
لا اختلف معك .. فعلاً هذه الجامعات الخاصة همها الأول الربح المادي قبل اي شيء ..

و لكن المثل يقول .. ( ايه اللي رماك على المر ,, الأمر منه ))

يعني احنا لسنا اغنياء
1/ لأنه التكاليف ليست باهظة مقارنة بالجامعات في الخارج .
2/ لا نملك البديل بنفس السعر
-------------------
و كأي شباب لدينا طموح نريد تحقيقها ..

و أعترف أني لم أولد ذكياً .. و لم أطلع من المتفوقين في حياتي ..

لكني أدرس في كلية الهندسة في جامعة خاصة في مصر و بأخذ تقدير جيد في كل سنة
و جيد جدا لمرة واحدة ..
و أتدرب في كل عطلة الصيفية في شركة
و بشتغل على برامج الكومبيوتر ..

و مستعد ان اتعب و أكافح للوصول الى الهدف الذي أريده ..
و سوف أصل بإذن الله