اي حق وعداله وتضحيات الله يهديك
بدون وظيفه عسكري بالجيش الكويتي
صارت حرب شنو تبيه يسوي ؟
لاتقول تضحيات بالغزو ولا تسويها عذر . اهو اخذ راتب و سكن من الدوله وطيبه عمله تتطلب حمايه البلد , غصب ياخذ جنسيه ؟
وانا اتحدى اي بدون يثبت انه مسك سلاح ايام الغزو , ولكن تم القبض عليهم في منازلهم متخفيين يريدون الخلاص ولو كانوا يستطيعون الخروج لخرجوا افواجا
انا مااعاير بالتموين ولكن اللي يسمع كلام البدون يقول انهم ميتين من الجوع , والوظيفه ماقصروا الحكومه حتى بوزاره الداخليه افتحوا المجال , في القطاعات الخاصه وياكثر القطاع الخاص عندنا
اما تقول عن اشخاص ماعندهم شهادات ويبون يتوظفون مو صحيح , حتى الكويتي مايقدر يتوظف بدون شهاده وروح ديوان الخدمه بنفسك وتأكد , واذا توظف ياخذ راتب 220 , 220 شنو يسوي للكويتي بالله عليك ؟
المعاهد الخاصه مفتوحه على مصراعيها وكل الناس تروح وتاخذ شهادات يتوظفون فيها
لاتقولي التعليم ممنوع , انا اشوف واسمع كل يوم عنهم عايشين احلى من عيشه غيرهم اللي عندهم جنسيات
الحكومه مو انت او انا احسن منها , الحكومه عارفه كل شي وعندها كل المعلومات اللي تحتاجها عن البدون , انا مااوجه كلامي لك انت شخصيا , يمكن انت من ال10% اللي اقول عنهم و ان شاء الله تكون منهم
انا اتكلم عن اللي راحوا اخذوا جنسيات ثانيه مثل جنسيات بعض الدول الافريقيه عشان يعدلون وضعهم , غير اللي تدري الحكومه عنهم متى دخلوا الكويت , ولكن من طيبها ساكته عنهم
انا اعرف بدون موظفين بكل مكان ويدرسون ومافي اي مشاكل عليهم , شنو فرقهم وفرق غيرهم من البدون ؟ يااخي مو كل واحد قط جنسيته قال انا بدون ونصدقه ونجنسه
انت تدري ان زوجه الكويتي ان كانت غير كويتيه تقعد 15 سنه عشان تاخذ الجنسيه ؟ الحين يمكن تعدل الوضع شوي , ليش ماقالت اقط جنسيتي واقول بدون واتجنس كويتي ثاني يوم
الحكومه مو غبيه لهدرجه عشان تمشي عليها , انت يمكن تجهل بعض الامور اللي تقوم فيها الحكومه , يمكن انت ماتدري ان بعض البدون يقولون ابونا وجدنا كانوا بالكويت ولكن في سجلات الدوله ان ابوه مادخل الكويت الا سنه 70
بس مايقولك دخلنا سنه 70
اما بخصوص هدى حسين وايراج ونوال وغيرهم انا مااتدخل بشغل الحكومه , ولا انت لك الحق تنتقد الحكومه ان جنست شخص وتركت شخص , لأن الحكومه هي الحكومه الشرعيه للكويت ولها الحق بفعل اي شي من صالحها , وانت ماتنتقدها ولا لك الحق لأنك بدون , ان صرت كويتي انتقد الحكومه لأنها تمثلك , اما كونك بدون فأنت ضيف عند الحكومه وتعمل ما تأمرك فيه , الحكومه تعطي وتاخذ كيفها , تعطي شخص معين كيفها
اعمال جليله اعمال حضيضه مالي شغل فيهم , لكن تقولي جنسوا البدون عن بكره ابيهم ؟ لا
وانا مو ضد البدون لاتفكر اني احقد عالبدون او ضدهم ولكن انا مابي يتم تجنيس شرار البدون واللي المخافر وادارات المباحث تزخر بكشوفاتهم الاجراميه المتنوعه
انت على عيني وراسي وكل بدون شريف ولا افرق بين واحد واحد بل في من البدون الالاف احسن وافضل مني ان كان كويتي بدون او توه جاي ويقول بدون
فيهم الزينيين مااختلف معاك , لكن انا ماارضى ان يتم تجنيسهم كلهم , فقط اللي موثق عند الحكومه وبسجلات الحكومه ان كان من سنه 65 وقبلها , كثير من البدون عندهم احصاء 65 ولكن في منهم من ظلم نفسه بالتعاون الخارجي وفي منهم اللي حفظ نفسه
اللي سجله في احصاء 65 وانسان ماعليه اي تهمه خيانه انا معاك اطالب بتجنيسه , اما اللي ماعنده احصاء 65 يتوكل على الله
انا مو ضد البدون كلهم , انا ضد شرار البدون واللي حتى البدون انفسهم يتبرئون منهم و ضد اللي ماعندهم احصاء 65 , واحصاء 65 كم صارلها هالسنه 40 سنه ؟ معقوله ولا بدون ابوه عنده احصاء سنه 65 ؟
يعني لو عمرك 25 سنه الحين ابوك وقتها نقول عمره 30 سنه عام 65 , يعني رجل عاقل ويعرف الامور , ليش ماعمل معاهم بالاحصاء , كل بدون وقتها عملوا احصاء ولكن تدري اللي ماعملوا منو ؟ اللي دخلوا الكويت عام 70 وفوق
امثال محمود حيدر واللي نفسه , ولكن هؤلاء عندهم ظهر ومدعومين من الخارج اكيد يتجنس , اما تقولي عن ناس مايعرفون احد وغالبيتهم بالصليبيه والجهراء والفردوس وتقول مايتجنسون بسرعه اكيد ماراح يتجنسون لأن بينهم اللي مايستاهل
بل الغالبيه مايستاهلون , ولكن اختلط الحابل بالنابل وتداخلوا البدون الاصليين والمستوردين وابتلشت فيهم الحكومه
مـا رأي الأخـوة الأعضـاء ؟؟
المشاركة الأصلية كتبت بواسطة )(FanTasy)(
