المشاركة الأصلية كتبت بواسطة Yusuke Urameshi
http://www.youtube.com/watch?v=z0LEj8IPHGU
شوف الفيديو و ركز من الدقيقه 3:03 و ساعتها تعرف اجابة الهرمونات
نرجع لكلامك انا صارلي شهرين موقف و في شي اسمه PCT
post cycle therapy هذا ترجع هرموناتك الطبيعيه تشتغل مره ثانيه تستخدم pregyel 5000 و Clomid 50 و nolvadex خلال شهر كامل
على الاقل انا ما اوهم نفسي في مكملات مالها اي صحه من النتايج و ارمي فلوسي بالشمس و تقولي مع الوقت يطلع جسمك و يبرز لانه قاعد تمشي ورا وهم و اكذوبه اسمها supplements تدفع فلووس و اخرتها ينصب عليك بدون اي نتيجه و يزيد وزنك على الفاضي بدون عضل و كله بسبة استخدام المنتجات الوهميه و تعال اسمع انواع التأليف من البائع الي ولا يعرف شي عن الحديد و اكثر شي يكررون كلمة يبرز العروق من خلال ضخ الاوكسجين و كمل الباقي انت
ما احتاج اناقش طبيب لانه صديقي صيدلي يكفي و يوفي و كافي الفيديو يرد على الف طبيب و مصداقية معلوماته
عموما هذي وجهة نظرك ياعزيزي .. وانا احترمها ..
وبعد انا لي وجهة نظري الخاصه ومتمسك بها جداً .. انت قاعد تتعاطى الهرمونات وتمشي ورائها ولاتدري وين بتوديك .. وعلى حسب كلامك ان ماصار لك شي او اي ضرر لكن انت ماتعلم انها تضرك بالمستقبل تبني جسمك من الخارج وتهدمه من الداخل انا لااتدخل في شؤونك الخاصه بل انصحك لوجه الله تعالى ابتعد عنها اذا ماضرتك الآن راح تظرك في المستقبل .. ولا اعتقد ان كلام الأطباء والخبراء اتى من فراغ او من عدم دراسه لهذي الأشياء ..
ونرجع لسالفة المكملات انا راح اسألك سؤال واحد فقط .. لو تعتقد ان مافيها فايده ولاتعطي نتائج لماذا روني كولمان وغيره من الأبطال ياخذ مكملات ؟؟
والحمد لله انا لي فتره طويله امارس هذي الرياضه بدون منشطات او هرمونات والحمد لله جسمي من احلى مايكون ..
انا امارس اللعبه لأنها هوايتي ولا انتظر اي نتائج سريعه لأنها هوايه وستستمر معي في السنوات القادمه ان شاء الله فلامانع عندي اني اهتم بصحتي واخذ مكملات مستخلصه من مواد طبيعيه واحفظ صحتي حتى لو تأخرت النتائج ..
ولكن كلٍ يمارس هذي الرياضه بحسب رغبته او لغرض معين في نفسه .. وبعضهم ليس له غرض بل يمارسها لأنها هوايته .. واعتقد ان اكثر من يتعاطى الهرمونات والمنشطات داخل هذي الرياضه لغرض في نفسه
وفي النهايه عندي كلمه اخيره محاطه ببرواز من ذهب :
(( الرياضه فن وهوايه .. وليست تهور جنوون ..! ))
وارجو انك ماتزعل من كلامي ولكل شخص وجهة نظره الخاصه واختلاف وجهات النظر لايفسد للود قضيه ..
شاكر لك مرورك وتعليقك اخوي وبالتوفيق لك