بسم الله الرحمن الرحيم
السلام عليكم ورحمة الله وبركاته
حياكم ياوحوش كلٍ باسمه
الكل يعرف ان اللعبة تعتمد على التمرين والراحة والتغذيه , ولايخفى عليكم انه يجب الاهتمام بالتغذيه كماً وكيفاً ومن هذا المنطلق حبيت اطرح لكم وجبة حلوة والكل يقدر يسويها بس يوسع صدره شوي.
وانا احب الطبخ وغالبا وجبتي للعشاء انا الي اسويها بالاستراحة بعد ما اطلع من التمرين واخذ المكمل,,,, المهم
الوجبة عبارة عن قطع الدجاج او مايسمى بالروست او استيك مقطع.
نجي للمكونات كما في الصورة :
1- صدر دجاج
2- فلفل اخضر رومي
3-فلفل احمر متوسط الحرارة
4- ثوم
5- بصل
6- بطاطس مسلوقه
7- بهارات وملح حسب الرغبة
8- خبز بر
9- جبن شرايح
نجي الحين للطريقة: تحط الدجاج والبصل والثوم والفلفل الاحمر وتقلبهن على نار هاديه مع اضافة زيت الزيتون(لاتكثر) تقلبهن لمده عشر دقايق او قبل الاستواء بشوي وتصير بنفس الوقت مجهز البطاطس المسلوقه وهارسها كما في الصورة:
قبل الاستواء بشوي تضيف الفلفل الرومي والبطاطس المهروسه وتضيف الملح والبهارات وتقلب خمس دقايق مثل ماتشوفون بهالصورة
والشكل النهائي يكون بهالشكل
وتحط شرايح الجبن بالخبز وتحشًي
الملقاط فضحنا
والحين جاء وقت التقديم
وحط شطه يامعلم
واخيرا سم الله وكُل وادع على من ظلمك
ملاحظة تكفي لشخصين
وبالختام تقبلوا مودتي وصحة وهناء على قلوبكم
اخوكم بريداوي
المشاركة الأصلية كتبت بواسطة العاشق M
