مشكلة البطن

[veto100]

السلام عليكم ،

مشكلة البطن عندي اذا شديت العضلة توضح ويكون شكله صغير مع انه في دهون بنسبه بسيطة حوله انا شغال عليها ،، لكن اذا ما شديته يصير كبير وكاني ابو كرش مادري وش السبب هل هو انتفاخ او ايش؟ هل في حل ام هو امر عادي

[.hamad.]

هلا فيك اخوي..

الموضوع عادي جداً وفي ناس كثار عندهم نفس هالشي وانا منهم وماينشف بطني عدل إلا اذا كنت استعد لبطولة مثل صورتي في التوقيع ...

[ابو ذراع]

احمد ربك الاغلبيه كروشهم متر قدام وهم يعبلو لهم سنين ويبغاله سنين كمان عشان تروح

العب تمارين بطن وان شاء الله بتروح

[veto100]

اخوي حمد :

والله شي غريب احس اني مكرش وبطني كبير حتى اذا كنت جالس اخوياي يقولون وقف حديد واشتغل على بطنك ،

ابو ذراع :

اخذت علبتين وسوت نتيجة وبينت بعض عضلات البطن لكن نفس المشكلة اذا ما شديته يصير كااااني مكرش

[Heartbeat]

أخوي اليوم اللي تلعب فيه بطن
اول ماتخلص من تمارين الحديد العب كارديو لمدة لاتقل عن 20 ولا تزيد عن 45 دقيقة
ثم العب تمارين البطن انا اتبع هذه الطريقه ولله الحمد اختفى الكرش مع العلم ان وزني كان 115

[ابو مهاا]

ممكن تكون عضله البطن ضخمه وهل شي يسبب ظهور الكرش كما حصل معاي ... والحمد لله بينت التقاسيم لما اشد حاول تلعب بجدول بو راشد واهتم بالتكرار بالمعده ونظم الاكل لانه اهو الاساس
وتذكر انه اي اكل فيه دهون او سكريات بيتحول على طول لأول منطقه اهي البطن وحاول تلعب خواصر لانه سمعت الدكتور عبد الله المطوع اخصائي تغذيه يقول بعض الناس تكون له كرشه ظاهره مع انه ماله كرش فقط العضله ضخمه وحلها انه تلعب خواصر عشان تسحب العضله وتضبط امورها ولله اعلم انا اللعب خواصر لانه فيني شحوم خفيفه جدا فيها فحبيت اني اقضي عليها وتعدلت الامور الحمد لله موفق عزيزي وان شاء الله توصل للي يرضيك