كيف تصيد لك ضب !!!!
كيف تصيد لك ضب !!!!
نظرا لما يتمتع به الضب من ذكاء فطري (امحق !!)لابد انك تخطط وتفكر بحيله عشان تطبقه باسرع وقت
................المحباه
هذه طريقه سهله وجهنميه وهي تحط حبل بلون قريب من البيئه.----شي البيئه هذه.
بعدين جمع لك كم حطبه وشب الضو وقرب دلالك وازبط لك فنجان ومخمخ عليه
ولم القدر والبصل لان الضب اذا شم ريحة البصل جاك مهوي وسافط الطبلون والحباله طبعا تنتظره
ثمن بيقعد يرافس ويصيح...انت سو نفسك ما تدري عن السالفه...كمل القهوه ولاتعطيه وجه
امر الله بسعه..طبعا بيترجاك وينخاك وماعليك منه...طلع السكين والعده وحطها قدام خشمه عشان يموت بجلده
وبا انه ذكي (انت يالضب )يبي يسوي نفسه ميت ..لا تفوت عليك هالحركات....تقهو وخذ لك زقيره واذا خلصت قط عليه القطفه خله ينقهر
الضب اذا انقهر ينتحر....نفسه عزيزه اذا قام يلوي عكرته ويحك بها خشمه اعرف انه ناوي الانتحار
الحق عليه بالسكين وحلله والقدر يبيه وبالهنا والعافيه
تعليمات هامه
1ـ اذا كان الضب متأهل لا تذبحه على طول...اصبر لين تجتمع العيله وقل به قدامهم لانهم زباين محتملين لكشته تانيه....ياخذوا مناعه من الحين
2ـ لحم الضب يحتوي على منشطات قويه لذا لا تاكلهلذا انت عزوبي...
3ـ عكرة الضب انواع ...افضلها الذهبيه...في حاله ان المضبب شاف بقع سوداء فمعتاه ان الضب لاعب بذيله من ورا الضبه...لا نضمن عدم وجود مواد سامه بالعكره ...يمكن شايف عقربه ولا شي
4ـ اذا لاحظت لون الضب مخوضر او املس لا تاكله..لانه ضب خكري متربي على الهامبورقر..
وافونا باخر النتائج اذا احد صاد بهالطريقه.... لاني الن الحين ما شفت نتيجه
