قليل هو الوفاء في هذا الزمان .....

[شـوق]

قليل هو الوفاء في هذا الزمان ..فقد أصبح سلعة رخيصة يتداولها كبار وصغار ..حتى في أقل أنواع الوفاء كوعدك لصديق أو زميل كأن
تقول له :
أنت : وينك يا فلان من زمان ما شفناك ..؟؟
هو : والله كنت مشغول هالأيام
أنت : يا أخي اشتقنا لك وللربع ودي نجتمع مرة ثانية
هو : خلاص سوى لي تلفون باكر وبنتلاقى
أنت : هذا أعتبره وعد ؟؟
هو : إي والله وعد إنت بس كلمني ها لا تنسى

ويمضي يوم تم اثنان ثم أسبوع ..
وهكذا أصبح الوعد والذي هو أقل صورة للوفاء مجرد كلمة عابرة القصد منها التخلص والتملص من الآخرين ... رعاك الله يا زمان الوفاء...


إنت لو تبغي على وعدك وفيت بس ما توفي على ساعة وعد
في خمول الظن بالرجوى ضنيت أحسبك تقرب ومني تبتعد


مع تحياتي



أختكم شوووووق

[يارا]

صدقت ياشوق
وين بنلقى الوفاء بالزمن هذا
ناس نتصورهم قريبين وبادنى موقف او ظهور حاجه لهم ينقلبون وندورهم مانلاقيهم
لان علاقتهم اصلا قامت على مصلحه ولما انتهت المصلحه
انتهت العلاقه
مشكوره مواضيعك دائما تمس الحس الانساني الي يفتقده الكثيرين

[شـوق]

العفو ...

[الأسيرة]

شكرا إختا شوووق على الموضوع الحلو هذا

شنو نسوي بهالزمن إله ماله أمان لا من قريب ولا من بعيد

تلقى أعز أصدقائك يتخلى عنك وبعد صداقه دامه زمان

سنوات طويله بس للأسف خانت كل شي خانت الصداقه

مدري كيف طاوعها قلبها وبعد هالمدة تتركني وبسبب أتفه

من التفاهه نفسها ما وفت للصداقه نفسها عقت كل شي

بينا خلقها مثل أي شيي ينعق كأني لعبه ملت منها وبغت

تتخلص منها بالذمه شنو راح يكون مو قفكم شو السبب

القوي إلي خلاها تسوي جذيه والله لو عرفتوا جان ولا

بطيقونها من إلي سوته فيني ما وفت بالصداقه إلي ربطت بينا

مدة طويله وما حسبت للأيام إلي كنا فيها مع بعض في الحلوه

والمره بغت ترجعلي بعد سنه من يوم تركتني بس منو أنا

مالي كرامه ما لي إحساس أحلف إنها ما راح ترد مثل أول ما يربطني بها

غير إني السلام وبس مالي كلام مهاها أبدا بعد ما سوت فيني إلي سوته

أرد لها وبكل بساطه هذا أبعد من عينها ومن خيالها إني أرد لمثل

هالإنسانه إلي ما عندها لا حس ولا ضمير بديت أتأكد إنها بنت هالصداقه

لمجرد مصلحه لا أكثر هددتني لما خذت مصلحتها وردت تبي شي ثاني

لكن بعدها إني أرجع لها كبعد السما عن الأرض




للأسف مالي غير أقووووول


(( ياااااااا زمن مالك أمان ))


تحياتي : الأسيرة ( بمعناها )

[إماراتية و النعم]

صـــــــــــــــــــح لسانج يا شوق و كل الشكر و القدير لج على هذا الموضوع الحلو و ما قصرتي :0)



ســــــــــــــــــوالــــــــــــــــــــم;-)