الرابط العجيب .. بين Wild Arms 1 & FF7

[Angel whisper]

مسا الخير ..
كيف الحال ؟
ان شاء الله تكونون بالف خير وعافية ..

حصلت في سايت متخصص بسلسلة وايلد آرمز صفحة .. حاطين فيها العلاقات بين WA1 و FF7 ..

وهاذي هي العلاقات :

1- موجود كائن غريب انثوي يحاول تدمير الكوكب ..
WA1 : Mother ..
FF7 : Jenova ..

2- الرجل اللي مفروض يكون الشرير الاساسي يطلع انه " مجنون تقريبا " وانه يسيطر عليه كائن غريب ..
WA1 : Zeikfried
FF7 : Sephiroth

3- الكائن الغريب هاجم قبل فترة طويلة من الزمن .. واعتقدو انه مات ..
لكنه يرجع ويهاجم مرة ثانية ..
WA1 : 1st.Demon war
FF7 :Jenove vs. Cetra

4- بطل اللعبة .. "او احد شخصياتها الرئيسية" تتدمر مدينته او قريته .. ومحد يبقى حي غيره وغير صديقته .. وهو ما يدري او مب متأكد من انها حية ..
WA1 : Jack & Elmina
FF7 : Cloud & Tifa

5- موجودة ساحة قتالية تربح فيها items نادرين ..
WA1 : Ancient Arena
FF7 : Golden Saucer

6- تظهر قصص عن سلالات قديمة اختفت ..
WA1 : Elw
FF7 : Ancient

7- المجموعة تقابل آخر فرد من هالسلالة ..
WA1 : Mariel
FF7 : Aeris

8- هالسلالات كانت متصلة بالكوكب بطريقة من الطرق ..
WA1 : الـ Elw كانو مرتبطين بالكوكب والطبيعة ..
FF7 : الـ Cetra كانو يقدرون على انهم يتكلمون مع الكوكب ويسمعون صوته ..

-----------------------------------------------------------------------------------

هذا هو موضوعي ..
واتمنى انه يكون عجبكم ..
سلام ..

[BlAcKy]

شوكرن اختي انجل ويسبر
بس ماكن في بالي انو يكون كذا ولا حتى وصلت في بالي اي شي بينهم

ماشاءالله عليك بعد نظر موهب صاحي

[blank]

thank you:-)

[احلامو ادوماتو]

يعطيكي العافيه

But U Know

[FF Expert]

مشكور ه على الموضوع

أنا ما لعبت WA1 و لا كان جبت كل هذي الملاحظات و زياده>>>>>أقول إلفقها و اسكت ما وراك إلا الدجه

أنا يوم قريت الموضوع رح بالي للرابط العجيب الي يجي بسبيس تون
قلت بس شكله بيصير استهبال بس غريبه حطته إنجل هنا
آخرتها صار جد

[الدكتور زحفان]

مشكور اخوي

[سـارق القلوب]

مشكوره اختي انجل على الموضوع الأكثر من روعه

[Guilty Gear X]

واغلب هذة الاشياء تنطبق مع وايلد ارمز 3 ايضا

[Angel whisper]

العفو جميعا

وترى هالاشيا ماخذتنها من سايت لا تتحسبوني عبقرية

واغلب هذة الاشياء تنطبق مع وايلد ارمز 3 ايضا

انا بعدني ما خلصت اللعبة ..
بس انا لاحظت ان سالفة الelws والdemons والحرب اللي ابادت الديمونز ممكن تكون رابط بينهم ..

[هوارانج]

السلام عيلكم...
انا عضو جديد رحبوا فيني<----غصب هي؟



مشكور على الموضوع

و في بعض اشياء متشابه بين فف9 وليجند اوف ليجيا....
قريت عنها في مجله بس ما اذكر منها الا الضباب في الاثنين وهو اللي ينشر الوجوش وثاني شي اسمOzmaمو جود في فف9 وهو زعيم وفي ليجايا ......مدري ....

[Altacia]

مشكوره إختي على الموضوع ..

نفس الشي تلقينه في وايلد آرمز 3 ..

وفعلا فاينل فانتسي 7 تشبه كثيييييييرا وايلد آرمز 1 ..

بس عندي إضافة وهو أن كرونو تريجر أيضا يشبههم ..

1- موجود كائن غريب يحاول تدمير الكوكب ..
Lavos ( بس هالفرق إنه مب اثنوي ^_^)

2- الرجل اللي مفروض يكون الشرير الاساسي يطلع انه " مجنون تقريبا " وانه يسيطر عليه كائن غريب ..

اهنه ممكن اقول ماجوس او حتى والدته سشالا ..

3- الكائن الغريب هاجم قبل فترة طويلة من الزمن .. واعتقدو انه مات ..
لكنه يرجع ويهاجم مرة ثانية ..
اعتقد إنها الاحداث في عصر امبراطورية زيل المشكله إنه اللعبه قديمه فنسيت :":

4- بطل اللعبة .. "او احد شخصياتها الرئيسية" تتدمر مدينته او قريته .. ومحد يبقى حي غيره وغير صديقته .. وهو ما يدري او مب متأكد من انها حية ..
فروج او ماجوس ..

5- موجودة ساحة قتالية تربح فيها items نادرين ..
المهرجان اللي ببداية اللعبه ..

6- تظهر قصص عن سلالات قديمة اختفت ..
امبراطورية زيل

7- المجموعة تقابل آخر فرد من هالسلالة ..
ماجوس او سشالا ..

8- هالسلالات كانت متصلة بالكوكب بطريقة من الطرق ..
ها صعبه لازم اراجع اللعبه ?:


هاللي اتوقعه إنها اللعبه نوعا ما تشبههم أيضا ..
وشكرا ..:-)

[Angel whisper]

هلا فيك هوارانج وشكرا على اضافتك

العفو ألتاسيا
ومشكووورة على اضافتج القيمة ..

[BOY_THING]

فعلاً .. اشياء .. ما لاحظتها الا .. من هذا الموضوع ..

مشكوره انجل ...

وترى هالاشيا ماخذتنها من سايت لا تتحسبوني عبقرية

لا تحرمينا من مواضيعك

[أبومروان]

اخيرا بدأنا نشوف مواضيع محترمة في المنتدى بعد الركود اللي ساد آخر يومين<..... مسوي نفسه مراقب

مشكور أخوي على الموضوع ، و نفس الشي أنا لاحظته في فاينال فانتاسي 9 و ليجند أوف ليجايا

[Sparta Ghost]

ملاحظة دقيقة ..............