ظهور الفايروس من جديد (*لمن يهمه الامر*)

**MZM** · 30-03-2003, 09:58 AM

السلام عليكم و رحمة الله و بركاته

كيف حالك اخوي/ اختي

هذي الرساله مختصره جدا هدفها التحذير من عودة الفيروس المشهور W32/Yaha.k@MM

يمكن مر عليك ها الفايروس و تعرفه زين ... هذا هو الفايروس اللي يرسل نفسه بأسماء أصحابك بالماسنجر و ينسخ نفسه بالرساله كملف مرفق على شكل عرض Screen Saver ترفيهي اسمه Be_Happy.scr مثل ماهو موضح بالصوره تحت بالتفصيل داخل التظليل الاحمر

كيف تتعامل مع رسالة الفايروس ؟
امسح الرساله مباشره إذا عرفة انها هي رسالة الفايروس .. و فيه علامات و دلالات كثيره من أهمها حجم الرساله .... دائما حجم الرساله يكون بحدود الـ 45k و أيضا يكون عنوان الرساله غريب مثل الدعايه بعنوان الصداقه

لا تعمل بلوك للرساله .. لإنك لو عمل بلوك لعنوان بريد صاحب الرساله راح تعمل بلوك لصاحبك ^^ لإن الفايروس كتب بريده و خلاه بالصورة على انه هو صاحب الرساله

امسح الرساله فقط و الله يعينك لإنها راح تجيك بشكل شبه يومي و مزعج و ممكن تترس إيميلك لإن حجمها مو بسيط

اصبر عليها لما تختفي مع الأيام

هل فتح الرساله يأثر على جهازي ؟
فتح الرساله و قرائتها من دون تخزين ملف الـ Screen Saver (الفايروس) ما يضرك بأي شي ... تقدر تفتح الرساله بكل امان و تشوف من وين وصلتك و تتبع مسارها ... و حط في بالك دائما دائما ان المسار تظهر فيه ايميلات اشخاص مالهم اي علاقه او قصد لنشر الفيروس

إذا كنت مهتم بمعرف اخبار هذا الفيروس ابحث عن هذا الإسم W32/Yaha.k@MM

انتهى مضمون الرساله المختصر ^^ و لزيادة التفصيل تابع الموضوع

**MZM** · 30-03-2003, 10:10 AM

هذا هو شكل الرساله بالإيميل .. مع العلم انها اخذة اسم ( السراب المكسور broken_mirage ) و هو واحد من الاسماء الموجوده عندي بالماسنجر
و من الممكن انها تجي بإسم اي شخص ثاني مثل ما جتني بأسماء اعضاء كثير ( منهم خمس اعضاء معروفين ) قبل ثمان شهور مع بداية ظهور الفايروس و انتشاره لأول مره بشهر 7 من السنه الماضيه

**MZM** · 30-03-2003, 10:18 AM

هذي هي معلومات الرساله بعد تتبعها ببريد الهوت ميل

لاحظ جملة المعلومات عن مصدر الرساله بالتظليل الاصفر و الملف المرفق للفايروس بالتظليل الاحمر

و لاحظ ايضا عنوان صاحب الرساله (السراب المكسور<broken_mirage@hotmail.com>) اللي ماله اي علاقه بالموضوع

**MZM** · 30-03-2003, 10:27 AM

من أهم صفات الفيروس هو نشر نفسه بشكل متكرر و مزعج لجميع الأشخاص المحفوظين عندك بالماسنجر و تلقا في يوم من الايام رساله بإسم شخص تعرفه عدل و يكون محتوى الرساله فايروس مع العلم ان صاحبك مثل ما ذكرنا سابقا ماله اي علاقه بالامر و ممكن تجي الرساله بإسمك انت بعد ^^ و تلقى نفسك ارسلة لنفسك فيروس هههههههههههه

هذي رساله اللي فوق للفايروس وصلة لي بإسم ( السراب المكسور broken_mirage ) و هو واحد من الاسماء الموجوده عندي بالماسنجر
بعد فتح الرساله طلع ان صاحبي ماله اي علاقه فيها و ان الرساله جت من شخص عنوانه mx3.hotmail.com مثل ما هو واضح بالصوره تحت بعد تتبع مصدر الرساله و رقم الجهاز اتضح انه كويتي و هو من مستخدمين اشتراك شركة FASTTELCO الكويتيه

هذا مو معناته ان mx3.hotmail.com هو صاحب الفايروس لكن الرساله انتقلة بإسمه مثل ما تنتقل بإسم اي شخص و بعدين تحولة لإسم broken_mirage

و الفايروس اجنبي واضح من تشفير الرساله بلغه اجنبيه من موقع الهوت ميل و هذا هو سطر تشفير اللغه
Content-Transfer-Encoding: quoted-printable
charset="iso-8859-1"
هذا السطر يكتب للرسائل أجنبية المصدر

المهم في حال وصول رساله من هذا النوع امسحها مباشره ^^ و تأكد انها أخذة اسم صاحب من اصحابك للتظليل و لا تعمل للرساله بلوك لإنك بها التصرف تكون عملة بلوك لصاحبك اللي ماله ذنب و كان الله في عون الجميع

فمان الله ^^

**Madoka** · 30-03-2003, 10:53 AM

مشكووور اخوي ام زد ام عالتحذير

و الله هالفيروسات كل يوم موديل ?: ... الحمدلله ليلحين ما وصل لي ^^ و ان شالله ما يوصل

على فكره .. عجبتني الصوره الشخصيه اللي حاطها ;-)

سلام

**orange road** · 30-03-2003, 11:10 AM

اوف من هالفايروس.. اذكر انه اذاني لوا ما طلع..

شكرا على التحذير مزمز ^^

**MeMe CHaaN** · 30-03-2003, 12:05 PM

مشكووووور والله يا MZM ....:0)
فيك الخير والله..

ميمي جان..

**Sara Sama** · 30-03-2003, 01:20 PM

تسلم أخوووووويه :0)

زين حذرتناااا .....

مثل هالموااااضيع مهمه للكل .... :0)

**لوجــــــين** · 30-03-2003, 01:56 PM

سلالالالالالالالالالالالالالالالالالالالالالالالالالالالالالالالالالالالالالالالالالالالالالالام

يعطيك العافيه اخوي mzm

و مشكور على المعلومه .. ما تقصر

أذكر هل فايروس أذاني من فترة بعدين اختفى من حاله

أذكر إيميلات غريبه تجيني و تتكرر بألحاح و مثل ما قلت حجمها كبير

مشكور مرة ثانية على الأفادة

سلالالالالالالالالالالالام

**Neo Cid** · 01-04-2003, 02:05 PM

مشكور أخوي مزم ويعطيك العافية ..

أنا لاحظت الفايروس و الحمد لله ما انقص علي ..

بس تهاوشت مع واحد بالمسنجر بسبة الرسالة هذي ..

**-][HaNa Sun][-** · 02-04-2003, 07:44 PM

مشكور أخ م ز م على موضوعكة المهم الله يبعد عنكم و عنا هاي الفيروسات

عاد كله و لا كمبيوتري:" و كمبيوتركم طبعا":6

إنشاالله رسالتك تبلغ للجميع:-)

**assassin** · 04-04-2003, 12:45 AM

مشكووور ...

الحمدلله ما وصلي هذا الفايروس وانشالله ما يوصل

ومشكوور على التحذير

**هـداف** · 04-04-2003, 06:31 AM

أهلا إم زد^^

تسلم والله عالتحذير وماقصرت

انا دايما اذا شفت ان الرساله حجمها كبير . وفيها بعد سكرين سـيـفير.....علطول أمسحها

شكرا مره ثانيه....الى اللقاء;-)

**Tidus** · 04-04-2003, 10:18 AM

الفايروسات هذي منتشره بشكل فظيع و تعقد الواحد ما تندز الا باسم اقرب الناس لك ?:

مشكور :6 >>> صج و الله ؟

الموضوع: ظهور الفايروس من جديد (لمن يهمه الامر)

أدوات الموضوع