رسمه لم تكتمل .. ولا نية لتكملتها ..

[ODIN]

سلام .. كيف حالكم يا يااخوان ؟!

احم احم .. نعود لكم برسمه فوتوشوبية اودنية ..

طبعا هذي الرسمه فوتوشوبيه .. رسمتها بادوات الفوتوشوب . من دون الاستعانه بخامات خارجيه ( الا الزخرفه على قاعده العامود )

صراحه الرسمه تقريبا خلصت .. لكن ماني مقتنع انها انتهت .. فيها بعض العيوب (( المعضله ))

وبصراحه زهقت وانا انقش فيها .. صارلي اسبوع كامل ( 20 ساعه ) من العمل عليها وكل مرة يطلعلي عيب (( فاااحش )) وارجع اعيد جزئ كبير من الرسمه بسببه .!

والى الان احس اني انتهيت .. خاصه اني من هذا الاسبوع راح انشغل عن الرسم لمدة شهر كامل.. لذلك قررت اعرضها ..




اتمنى لو / تعلقون على الرسمه ومحتواها..

ماذا فهمت من هذا المنظر ؟! وماذا يعنيلك ؟!

كذلك ما استغني عن ملاحظاتكم ..

[ODIN]

### شكر خاصه لشاهين وايسوز وفطوم على مساعدتهم لي بنصائحهم .. حتى وصلت للنتيجة التي ترونها ###

[Rex]

أهلا بالأخ أودين ^^

الرسمه أدهشتني جدا !! خاصة الزاوية اللي تخيلتها فيها!! وظلال الفرسان أو الحراس أظن !!!

متتاااز !!!
عمل رهيب بالفعل!! والزخارف عجيبه ^^ ....
تحسها قلعة كبيرة فخمة!!

لكن في أخطاء بقواعد الأعمده القريبة ... أما البعيدة فهي تتضبط كل ما تبعدنا!!
يعني لاحظ الخطوط اللي تشكل قاعدتي العامودين قدامنا ... وقارنها مع زاوية خطوط السجادة اللي جنبها !! أو حتى الفواصل اللي بالأرضية ...
لو ركزت بتلاحظ أن الخطوط مش موازية بشكل صحيح..

الظلال اللي أشوفها توحي بأنه مش ضوء صادر من الشمس ... صح؟
لعلها نار كبيرة ممكن...


على العموم الشغل رائع جدا وتسلم ايدك !!

على فكره ... الشعار اللي على الأعمده يذكرني بشعار الNod بTibrian sun

[ESOZ]

هههههههه عرضتها أخيرا
رايي ماتغير...

فففففففففففففظيييعه هههههه

بس أنا حاب أتخيل انه الجنود جايين يحتلون المكان..مب يحرسونه
بهالطريقة تعطي الرسمه شعور قوي كخخخخ
(صج مالي داعي لووووووووول)

مثل ماتعرف أخوي أودين أنا وايد معجب بهالرسمه
وياريت تتابع الابداع

سلام

(ريفلكس: اتصدق حتى أنا تذكرت كوماند أند كونكر هههههههه)

[MeMe CHaaN]

هلا والله يا أودن....

صراحة.....
الرسمة قمة في الروعة
وايييييييد عجبتني...

و أول شي لفت إنتباهي في الرسمة النور الي في آخرها...
أحس هناك في شي وايييد حلوو.. لوول..
ذكرني يوم تمشي في مغارة و فجأة تلقى نور.. يعني إجتزت
المغارة بسلام...;-)

لا صراحه الرسمه كلا على بعضها تلفت الإنتباه.. الزوليه الحمرة..
العمدان.. الزخارف الي في العمدان.. لا رسمه متقنه و لا عليها كلام..;-)

تحياتي..
ميمي.......

[Touya]

السلام عليكم والرحمة...

يالله حي أودين

صراحة الرسمة عجيبة.. خصوصاً الزخارف والتلوين.. والسجادة @@

والظل...@@


بس زي ماذكر ريفليكس.. المشكلة في الأعمدة...
المشكلة أن الأعمدة صايرة عمودية مع الرسمة... بيمنا سطحية الرسمة مائلة...

اعتقد انك تحتاج تعديل بسيط في الأعمدةشوي... وبتحصل على التأثير.. اعتقد ان في اداة خاصة بهالشي @@

لكن اعتقد اللي معقد السالفة هي الزاوية... عشان كذا عرفت ليه مدرسنا دايم كانيقول خل ثلث للأرض والباقي للسما @@

[Neo Cid]

امممممممممم

الأخوان و الأخوات ما قصروا طلعوا كل شي فيها ..

بس أنا لاحظت شي مادري لو أحد علق عليه ..

او تشوف أخوي بدر العمود اللي على اليسار .. الباين من الانتقال من النظر

إلى العامود إلى الممر .. احس أن الممر بارز أكثر من العامود .. و المفروض

أنه يكون العكس ..

و النظرة النهائية تكون لك ..

بالتوفيق ..

[hawk]

صج شغل حلو اودين .. اعتقد ان المشكله في ضلال العمدان كيف جايه
انا شخبط عليها شوي (اذا ماكان عندك مانع :0)) اتمنى انها تعجبك
استمر بالعمل المبهر!

[-][HaNa Sun][-]

رهييييييييييييييييبه الرسمه ماشاالله عليك أخ أودين:واو:

التلوين ياي واقي واايد:-) كنا نتمنى نشوف اكثر من إبداعك ..بس شكلك مشغول إنشاالله يوم ترجع:0)


على فكره أخ أودين ظهر أسمك لي في موضوع تهادو تحابوا و رسمتلك رسمه كهديه أتمنى تعجبك;-)



بااي

[رجل الحاسوب]

اخي ODIN
ماشاء الله
انا ان و صلت لهذا المستوا اقول عن نفسي حريف (ليست مجامله )
و السلام

[Neo Cid]

لمساتك حلوة يا هاوك ..

[The Werewolf]

هاي جميعا أبو الشباب الرسمه روعه بس الخطء واضح وأزا عدلتو بتكون تمام
روح شوف العامو الأول الأقرب للشاشه شو قاعدتو مالها ظابطه ابدا بتحس كأنها طايره بالهوا يعني الخط غير ماوازي لباقي الخطوط واظن أنو هي المشكله مع باقي الأعمده أما التلوين فالصراحه خارق والى الامام;-)

[ODIN]

يعطيكم العافيه يا اخوان على ملاحظاتكم الحلوة ..

خاصه ملاحظة العامود وتوازيه مع سطح الارض ..

راح احاول اعدلها .. (( بالمستقبل البعيد ههه ))

..............


طيب هذي رسمه رسمتها بالمدرسه من الفضاوة ..

عرضتها بموضوع اخر .. لكن لا مانع من عرضها هنا حتى اسمع الانتقادات ..

المشكله بالرسمه ان انكب عليها كاس شاي :" وتقريبا خربت .. الرصاص تداخل مع بعضه وانمسح .. لكن ما يمانع اني اعرضها وهي محيوسه

[assassin]

وااه صدق رسمة عجيبه واييييد

الجرافيكس تمام

كل شي حلو فلرسمة وخصوصا التلوين

..

حتى اخر رسمة حلو ..

[Sara Sama]

و الله الرسماااات حلوه ...

الأوووولى رهيبه بالنسه لي .. :0) ماشالله ... حركه عجيبه و رهيبه..
و حلو شغل hawk فيها بعد ....

--------

الثانيه حلوه ... أنا يعجبني تظليلك بالرصااااص... أحسه غريب و حلو وايد
في نفس الوقت...


نتريا رسوووومااات زيااده .^_^. ما وصيك