بانت اثار السنين
على شاب ببداية العشرين
شاب ضاع حلمه
ومن الزمان..زاد همه
بعز النهار
ما يشوف…دنياه عتمه
ما في عيونه غير
دموع وسواد وظلمه
شاب
ضاع بين الناس
وانظلم رغم وفاه والاخلاص
و بالاخير
شاب..مايعرف كيف الامور بالزمن تنقاس
ولهذا السبب
تلقاه تحت الرجلين ينداس
شاب
يفيض باحاسيس
تحولت احلامه لكوابيس
يمشي على شوك ودبابيس
شاب
رغم اللي جرى له …تحمل
رغم الظلم والضيم…بالصبر تجمل
ودوم بهالدنيا يفكر…ولناسها يتامل
يمكن يلقى بعض الاجابات
تشفي قلب يتململ
والجواب عاده يكون
مقدر و مكتوب
مو لازم تحس الفرق بين الشروق والغروب
دام المكروه بفطرة الانسان
صار بهالزمان محبوب
محتار
كي الغدر صار طبع المحبين؟
وكيف الجفا صار دوا للشوق والحنين؟
وكيف يحصد الشر..وهو يزرع الخير؟
وكيف المخادع يلقى لفعلته الف تبرير؟
وكيف وهو بين ربعه يحس بضعف؟
وكيف ما يبادر القريب بوقف النزف؟
يأشر عليه الصاحب
ويبكي قدامه
يجوز انه تاثر صحيح
لكن الغالب
ان يبي ايهامه
ويكون سلاحه…دوم التماسيح
ويزيد الاحتيار..لا زارته الهواجيس
وتكاثرت الافكار
ليه سيئ النية دوم تتحق اهدافه؟
عشق الشر والخطا..والخير عافه
كيف الناس تحب الحقير وتبيه؟
ولا كلمهم الخسيس قالوا له لبيه؟
وده اجابة لسؤال واحد….. ليه؟؟
ليه اللئيم للمعالي وصل؟
وليه الطيب الطاهر..ماله بهالدنيا أمل؟
يتعجب…ويتالم…ويتامل
كيف الزمان..واهله واصحابه
اصبحوا حيوانات
تحكمهم قوانين الغابه؟
الكلمة للقوي
ما للضعيف مكان
ماله غير الاحزان
وهم وياس وحرمان
وبدا يسال
شلون اصير زيهم؟
انا مهما كان..اظل انسان
لي….
وهو بحالته ذي
جت عينه على المراية
وقبل لا يكمل التبرير
عرف كل الحكايه
عرف ان الزمان دايم بحال تغيير
وان الانسان..اللي الاسم فقط انسان
اصح للمطامع وللمتعه اسير
وعرف كل الاساب
عرف سبب الشيب في راسه
وسبب الياس باحساسه
وسبب الخوف من جلاسه
وسبب غدر ناسه
وبالاخير
عرف انه
سبق سنه
والسبب حزنه
