السلام عليكم ورحمة الله وبركاته
قصة آآآه راح العريس
فى يوم من الايام ( لا ماعجبتنى ) في احد الايام ( ايه هذى حلووه ) اللي هو يوم الجمعه صحوت من النعاس ( ماتوقعتها تطلع منى ) .. وصليت طبعآ الفجر والظهر ( ياويلي من رب العالمين )
كالعاده كديت شوشتى الطايره اللي كنها ليف دلال ولبست هندامى ( مايمديكم عليها )
نزلت ادراجى ( ياولد J)وتوقعت امى تستقبلنى بالجمله المعتاده اللي هي ( توتس تقومين تقطعت عصبتس وتثنت ركبتس )
وتوقعت اخوى يطير عيونه علي وهو يستمع للحن الحياة ( وحده مسطله )) قصدى لحن امى طبعآ هو مايقصر يحط البهارات وهى ( ايييه ماتنام الا نص الليل علي هالاغانى والفيديو <<< === ياقدمها خهخهخهخ) بس أنا معطيته طناش اذا صرت توني قايمه نفسي في قمة هرم مناخيري مالي خلق شئ بس هذاك اليوم غيــــر شكل
اللي هو يوم الجمعه بحيت ( ياسلاام ) شافتنى امى ماقالت شئ وبيده الريموت وتغير بهالقنوات وتلعب يوم دخلت المجلس قالت لي :: هلا ومرحبا بالعروسه خهخهخهخهخهخهخهخهخهخهخ ( ابد ترا امى مو متاثره بالافلام خهخهخهخهخهخ) وش تشربين شاهي ولا قهوه ولا حلييب (خهخهخهخهخهخه) استغربت اكيد فيه شئ ودخل اخوى واشوي عيونه موب طايره وشكل بهارات خلصت كخخخخخخخ وفعلا قعدت وتقهويت ( وحده ماصدقت خبر احد يعزمنى ) بدات مـــامـــا ( كخخخخخ مايمديكم حتى لو جمعتوا عفش بيتكم ) بالبكاء وجا دورى انا الحين اطير عيونى وش بتس يمه ليه تبتسين قامت تقول امى:: خلاص يابنيتى بتروحين انتى مثل خواتس وتتركون بلحالي وقلت انا :: وين بتركتس غاثتكم بالبيت وش هذا الهرج يمه ومسحت دميعاتها ابشرك خطبتس سلوم ها وش رايتس انا قام قلبي يمشي تريلون ( للمعلوميه للناس الفاهيه التريلون اكبر من البليون ) قلت لأ ماابيه
( مسويه تتغلي ) اهئ مادروا اهلى ان قلبي مشغول بسلوم الاصلع ( تراه موببب سلوم حداد ) ولد الجيران وقلبي ينبض بحبه ( وحده عاشقه ) صلعته عندى باهل الرياض والقصيم ووصاخته وطمالته عندى باهل حايل والدمام وسيارته المقربعه ( سوبارو 50) بكل سيارات لbmwوالفياجرا والشبحات واللكززات هذا الحب يضرب شوو بيذل وامى :: ليش ماتبينه من زينتس الحين احمدى ربتس حدن خطبتس خلاص تراهم بيجون الخميس الجاى شفت القصه جد رحت لصومعتى يعنى كهفى يعنى قبرى أي غرفتى وانا طايره ورحت اشغل مدرى من هى يادبلت الخطوبه عقبالنا كولنا ونبنى طوبه طوبه بعيشت حوبنا وطايره من الفرحه يوم جا الخميس ولبست فستان الفوشى والكعب الفوشي بعد الي تتوارثه الاجيال الي طلعوا فيه خواتى يوم تزوجو والروج الفوشي لا يفوتكم شاريته جديد ومجدله شعرى وحاطه الورده الفوشيه الي طايحين فيها دحين ( ابوك يالفوشي ) وجتنى امى ويلليها بودى قاردها ( اخوى ) وطبعآ قلبي يمشي مئات التريلونات مادرى ليه ؟؟؟؟؟؟؟؟؟؟؟؟؟؟؟؟ وقعد تقولى سمى واقرى المعوذات ترى عيون البنيات عليتس وخاصه صيته بنت خالتس ونزلت وتعطينى امى البخور عشان ادخله معى وامى جالسه بالصاله مادرت الا انى راجعه وش بتس رجعتى خلاص يمه ماابي اتزوج خلاص ماابي ماابي اطلع واقعد ابتسي امى : ليش وش صارتس هذى اكيد عيون صيته قريتى المعوذات واقعد اقرا المعوذات وترجع امى تجيب عود حق البخور جديد وتحطه واروح عشان ادخل ويوم جيت بددخل ولا ارجع وتشوفنى امى وتدفنى لين مالقيت نفسي بوجه سلوم ومن الربكه طيحت الدخون عليه ويقوم ويعطينى كف ضيع شمسي وقمت انا عاد فصخت الكعب لاارادى يعنى لا شعورى يعنى ترانى مادرى عن نفسي وعلي راسه بعدين وسقط ضريحا وتوفى وذهبت انا للسطح ورميت نفسى علي ملحق سلوم واطيح علي لارض ضريحة ولكن ليس علي ملحقه علي ارضية غرفتى
اتمنى تجوز لكم
منقووووووووووووووووووووول
