@_@ الطريق إلى فاينل فانتسي 11 @_@

[Neo Cid]

السلام عليكم و رحمة الله وبركاته ..

ليديز أند جنتلمن .. توداي .. نيو سيد هاف هاز أ بيج سوبرايز فور أول أوف يا ..

يو هاف لو وايت فور ايت اباوت 4 دايز .. دونت بي سيلفيش ..

عالعموم .. ان شاء الله تكونون بأحسن احوالكم خاصة الحين موسم الامتحانات ..

و في هذي الأيام يكرم المرء أو يهان ( للحين أول امتحان اهنت فيه ) .. :":

و ان شاء الله تشدون حيلكم كلكم علشان نشوفكم جميعا بالمتفوقين .. و ترفعون

راس المنتدى في المحافل الدولية .. :6

موضوعي اليوم وما فيه اني ماني مطول عليكم وايد .. العنوان باين من كتابة .. :6

من فترة قصيرة قررت أني اشتري فف11 .. و بعد أقل من اسبوع راح يكون

جهاز الكمبيوتر بو مواصفات خيالية عندي .. و المواصفات هي :

Intel Pentuim 4 2.4 G.H

512 SD Ram

Geforse 4 Ti 4200

DVD/Writer CD

Creative 3D Sound Blaster

40 G.B

.. بعد شنو .. هذي المواصفات المهمة ..

و دام أن أول خطوة للحصول على اللعبة خطيتها .. جدامي الحين الخطوة الثانية ..

و الحمد لله الثانية عديتها و اللي هي انك لازم يكون عندك فيزا أو ماستير كارد

أو اي شي من هذا القبيل .. :6 ... حلت ..

و الخطوة الثالثة .. هي اني اشتري اللعبة .. ماني شاريها إلا لمن اتاكد من

ان الكمبيوتر ببيتنا موجود ... يمكن لا سمح الله تصير لنا ظروف قاسية ما راح

تسمح بشراء الجهاز .. لكن ان شاء الله و بإذنه راح نشتريه ..

فقبل ما أبدي باللعب .. قلت أسولف معاكم شوي .. و آخذ القليل من آرائكم ..

يمكن بعضكم بينصحني .. و البعض الآخر يمدح لي اللعبة .. المهم هذا الشي

عائد لكم ..

=========================================

و قبل كل هذا .. قلت افكر بالاسم ..

اشرايكم باسم جيفونيسكي .. Chevonisky .. اسم يوغسلافي إلى ايرلندي

بعض الشئ .. بنكهة روسية .. يناسب اللعبة ..

مادري احس اني مليت من Neo أو Cid .. كان ممكن نيو بروحة.. لكن الاسم

مستخدم ... فقلت Neo2 ( يعني طالع بالحركة ) :6 ... و حتى ما ينفع لأن

الأرقام غير مسموحة بالاستخدام بالاسماء .. فما أدري الحين متحير للاسم ..

و غير اني مو متأكد من شروط الاسامي .. فما ادري .. رأيكم هو الأهم ..

لا تبخلون علينا ولو بقحصة بالموضوع .. المهم وجودكم .. و نسمع صوتكم ..

و نشم ريحتكم يالطيبين ..

==========================================

تراني الحين قاعد أكتب لكم الموضوع هذا و وراي بعد 5 ساعات امتحانين ..

دراسات تجارية و صناعي ( كهربة و الكترونيات ) .. بنفس اليوم .. :": مادري

شمقعدني على النت .. هذا مشاري قص عليا .. ":" .. يا مشاري صرت

صديق سوء على آخر الزمن .. اخس يا ولد اخس .. :6 ( ان شاء الله تتقبلها

كمزحة ) .. حبيب و غالي ..

المهم .. شكلي طولت عليكم .. لازم ألحين اهدكم و ادرس شوي .. و يقولكم ..

الطلب : هو الرغبة في الحصول على السلعة مع وجود قوة شرائية .. :6

سلام ..:6

[العراقي17]

مبرووك مقدما

بس وين بتشتري نسخة الpc?

[SanjiyaN]

DVD/Writer CD?

ليش؟ مو لازم للعبة...الا اذا لاحتياجات ثانية غير اللعبة ,الاشرطة تي على سيدي روم و على 4 اشرطة مش شريط دي في دي

و بعدين انا انصحك ب ddram 512 x 2

حط اثنين..وشوف السرعة بس

و geforce ti 4200 مش بطال بس همش احسن وحدة...الا من فتر قريبة نزلت geforce fx 5200

و تعتبر الاقوى فالعالم يعني فظيييييييعة

ما اظني تحتاج اكثر

اووه ليش ما اتحط 3.06 ghz ؟ ياخي خذه مرة وحدة دام انك بتاخذ جهاز جديد;-)

اما انا فقررت اني انتظر النسخة الامريكية....عندي فانتسي ستار اونلاين لانهيها و العاب وااااايد....و بتنسيني فاينل فانتسي 11 بعض الوقت so it's ok ^_^

اما الاسم هذا اذا ما كان حد غيرك ماخذه:6
مثل الهوتميل تحط اسم مستحيل تتخيل احد ماخذه ويطلعون ماخذينه...يعني كل شي فوقته حلو":"

[العراقي17]

SanjiyaN

اقوى كرت من انفيديا هو Geforce FX 5800

بس اقوى كرت على مستوى العالم حاليا هو Ati Radeon 9800 Pro

وبالنسبة للمعالج فخله على 2.4 احسن لانه ماشي سوقه وراح يلقاه بسعر رخيص جدا اما 3.0 فغالي جدا مقارنة بالفرق البسيط بالسرعة .


Neo Cid

اهم شي رام DDR


وانتظر تقولي من وين بتييب نسخة البي سي؟

[Mesharey]

هههههههههه !!!!!
العنوان عجيييييييييب ..!!!!
ذكرني بـ...
الطريق إلى كأس العالم !

عندي تعليق على الاسم ^^

اشرايكم باسم جيفونيسكي .. Chevonisky ..

طويل ..وبعدين تعرف شنو معناه ؟!

امم على ما اعتقد قبل كان في موضوع لأختيار الاسامي لفف11 ..
يمكن يفيدك ^^
اسمك صعب :":

الرسالة الأصلية كتبت بواسطة Neo Cid
.. هذا مشاري قص عليا .. ":" .. يا مشاري صرت
صديق سوء على آخر الزمن .. اخس يا ولد اخس .. :6

ههههههههه ..
على الأقل انا رحت الساعة 2 وربع ":" ..
مو أنت :6
المهم , بالتوفيق بإمتحاناتك ^^

وإنشاء الله تدخل شبكة فف11 ..
بالتوفيق نيو ^_^

[THE_ZODIAC]

الرسالة الأصلية كتبت بواسطة العراقي17
SanjiyaN

اقوى كرت من انفيديا هو Geforce FX 5800

بس اقوى كرت على مستوى العالم حاليا هو Ati Radeon 9800 Pro

وبالنسبة للمعالج فخله على 2.4 احسن لانه ماشي سوقه وراح يلقاه بسعر رخيص جدا اما 3.0 فغالي جدا مقارنة بالفرق البسيط بالسرعة .


Neo Cid

اهم شي رام DDR


وانتظر تقولي من وين بتييب نسخة البي سي؟

تفضل

الرسالة الأصلية كتبت بواسطة Guilty Gear X
المواقع التي ممكن ان تطلب منها فف11:-
www.ncsx.com

www.buyritegames.com

www.lik-sang.com

www.gamechoice.com.hk

www.ebay.com (مزاد)

www.shop.himeya.com

هذي المواقع تقدر تشتري منها نسخة البي سي

سلام

[NsaN]

اووووووووووه :واو:


كللللللللللللللللوووووووووووووووووووش

و الله و كبر ولدنا :"

و راح يلعب Online :":

(واحد يتابع حكم البشر واااايد )

يالله بالمبااااااااااااااااااااااارك و ان شاء الله تتهني باللعب

عقباااالنا ياا رب :"

[SanjiyaN]

الرسالة الأصلية كتبت بواسطة العراقي17
SanjiyaN

اقوى كرت من انفيديا هو Geforce FX 5800

بس اقوى كرت على مستوى العالم حاليا هو Ati Radeon 9800 Pro

وبالنسبة للمعالج فخله على 2.4 احسن لانه ماشي سوقه وراح يلقاه بسعر رخيص جدا اما 3.0 فغالي جدا مقارنة بالفرق البسيط بالسرعة .


Neo Cid

اهم شي رام DDR


وانتظر تقولي من وين بتييب نسخة البي سي؟

ما ادري شقولك ياخوي انا اللي شفته فكذا مجلة كمبيوترات تيقولون انفيديا هي الاحسن

و بعدين انفيديا هي كرت الشاشة الرسمي لفاينل فانتسي 11...

افكر اخذ كرت يديد اقوى من ال geforce ti 4200 اللي عندي...برايك اي واحد اخذ؟

و مثل ما قلت ال ddr اهم شي لان سرعته عي ضعف ال sdr ^_^

[Flanteus]

مبروك
بس تقريبا لك ...324435 مرة تذكر مواصفات جهازك
مافي موضوع ولا رد ولا شيئ الا ذكرت فيه مواصفات جهازك الخارق ....
تبغى الواحد يعطيك (عين) بس منت عارف :6

والاسم .........جيد
يعني مو مرة :6

بس ما قلت اي سيرفر راح تدش ؟؟؟
لأنه يمكن يكون الاسم واحد ماخذه في سيرفر معين

مثل الهوتميل تحط اسم مستحيل تتخيل احد ماخذه ويطلعون ماخذينه

الا ..اسمي ":"
ايش تعرف ..... أنا موصي فيه :6
سلام;-)

[النسر الأسود]

مبروك أخوي سلفا بس معقول تلعب اللعبة يابانية ?:

[Flanteus]

اي والله نسيت ذا الشيئ ?: .........
( يا رب تطلع النسخة الإنجليزية ...بعد ما يشتر سيدوه النسخة اليابانية بيوم واحد ):6
عشان تنقهر .........بقوة

[SanjiyaN]

هههههههههههههههههههههههه

و بعدين مو على كيفه يختار السيرفر(تكلمنا عن هالموضوع من قبل) بس اكيد بيعطيه جلتي ورلد باس و بيدخل راجناروك

[Neo Cid]

مشكورين جميعا على ردودكم .. ابتداء من اللي حطم معنوياتي .. و انتهاء

باللي حفزني أكثر ..

العراقي17 :

مشكور أخوي العراقي على نصايحك .. بالنسبة لكرت الشاشة و الرام .. خلني

أبدي معاك بكرت الشاشة .. أنا اخترت الكرت هذا لأنه فيه كذى شخص يعلبون

كاونتير ( من طقتك ) بالانترنت و نصحوني بهذا .. خاصة يقولون أن الراديون

فيه مشاكل .. و قالوا أنه الفريق بالقوة بسيط بين 4200 و 4600 و 4800 ..

و لكن الفرق بالسعر أكثر .. فنصحوني ب4200 ..و هذا مناسب بالنسبة لاستخداماتي ..

وبالنسبة للرام .. أول مرة اسمع عن DDR .. بشوف أسأل العالمية ( وكيل

كمبيوترات Dell ) .. و أنا بحاول أقلل من سعر الجهاز قدر الامكان لأن الفلوس

الموجودة عندي محدودة .. وما اقدر ازيد مواصفات أكثر من جذي .. :":

اشوف اسال عنه .. ان شاء الله يكون الفرق قليل بالسعر ..

مشكور أخوي عراقي .. إلا ان مفكر اشتري كاونتير حتى .. :6

و بالنسبة للشراء .. مثل ما عطاء الزودياك .. مواقع يابانية ..


SanjiyaN :

يا اخوي شنو هالمواصفات الصعبة اللي انت حاطها .. تراها تكلفني وايد .. :":

تقول اللي عندك جيفورس 4 4200 ؟ .. لو هذا اللي عندك ممكن لو تعطينا

صورة من أي لعبة عندك .. مثل ستار وورز أو شي ثري دي ؟ ..

و الديفيدي رايتير أدري اني ما راح استفيد منه في فف11 .. بس بعض المواصفات

هو اخوي اللي حطها مو أنا نفسي .. يعني لو بأيدي جان شلته ..

و بشوف اسال عن الرام ..

و السيرفير .. بحاول ادخل مع دومز داي و كويت نايت و سول باد جاي و جيلتي ..




Mesharey :

خخخخخخخخخخخخخخخخخخخخخخخخخخ

تصدق .. كنت ناوي اكتب العنوان The Road To FFXI .. بس قلت نبعد شوي

عن الثقافة الانجليزية و نكتبه بالعربي .. :6

الاسم هذا قصته طويلة .. شوف .. أنا أحب الاسامي الروسية و اليوغسلافية

و البولندية .. و جيفونيكسي له شقين .. Chevy معناه بالانجليزي معناه يعدو

بسرعة و يطارد و يسرع .. و حتى اسمي ميثم معناه الشخص المتعجل السريع

و ما إلى آخرة .. لو تشوف نفس المعنى .. و نيسكي nisky هو تكملة إضافية

للاسم علشان أعطيه نوع من الطابع الروسي أو اليوغسلافي او البولندي ..

وما يهمني طويل ولا قصير .. تراه أقصر من اسم دومز داي أو كويت نايت .. :6

ابشرك .. بكل امتحان امتحنته امس نقصت بس نص درجة .. ":"


THE_ZODIAC :

شكرا على المساعدة يا زودياك ..


Magenta :

الله يبارك فيك .. تراه تو الناس علينا ..

ان شاء الله ألعبها و اعطيكم طابعي تجاه اللعبة .. بس بالبداية خلني أحصل

على الجهاز .. بعدين يصير خير ..

و عقبالك عيالكم ان شاء الله .. :6


flanteus :

الله يبارك فيك يا فلنطس .. 324435 مرة ؟ .. غلطان .. شكلك زودتها مرتين .. :6

تصدق .. عطوني عين .. :": .. فيه واحد بيننا عيونة حارة .. صدقوني

لو أعرفه أطلعه من الموضوع .. :6

ممكن أدخل سيرفير رانجاروك .. اسمي مستعمل ؟ .. والله غلطان .. محد

يتجرأ انه يطلع مثلة .. و اللي يطلعه أسحبه من خشمة باللعبة .. ":"

اسمك ؟ .. و شنو اسمك هذا أذيتنا عليه .. كل 324435 مرة تعيده لنا .. ذكرنا

فيه ..

ويا رب .. يا رب .. يا رب ان دعائك ما ينقبل .. و بقوة .. ":"


النسر الأسود :

الله يخلي اللي يلعبونها الحين ..و أخوي الكبير .. ":"

[AL_7RBY]

عندي سؤال واحد :

وهو شنو راح تسوي اذا ماحبيت اللعبة وكرهتها بعد كل هذا الشوق ؟

لا تخاف سؤالي بس علشان ارفع من معنوياتك

[Neo Cid]

الرسالة الأصلية كتبت بواسطة AL_7RBY
عندي سؤال واحد :

وهو شنو راح تسوي اذا ماحبيت اللعبة وكرهتها بعد كل هذا الشوق ؟

لا تخاف سؤالي بس علشان ارفع من معنوياتك

بعد هذا الرد .. معنوياتي ارتفعت توب توب توب .. ===

لا بس ان شاء الله تعجبني .. و إذا ما عجبتني .. بدفع جيلتي سعرها .. :6