الساتالايت

[sul911]

الحين اذا اشتركت في الستالايت ذهاباً وإياباً ما يصلح العب فيه على النت ولا لا؟

طيب وإذا كان استقبال ساتالايت وارسال DSL وش رايكم يصلح ولا لا

[Master X]

في الحالتين , ايه اكيد يصلح

مو أهم شي ماينقطع الخط ;-)

[sul911]

بس الي عارفه إن البنج دايماً يصير مرتفع

[Master X]

البنج يعتمد على مكان السيرفر وليس سرعة الاتصال بس ..

مثلا , اشتراك الستالايت حق اوربت , وين السيرفر الرئيسي حقة لما تشبك؟ راح يكون في ايطاليا , طيب لما يكون السيرفر في ايطاليا راح يكون البنج تمام , بس لما يكون في اليابان او امريكا فطبيعي بيكون مرتفع ..

[salman f o]

متاكد من كلامك يا Master X
طيب تعرف احد مركب نظام اوربت وجرب لعب علي النت وخاصة جنرل C&C

لاني كنت مركب وخلص الاشتراك او ممكن بالاصح خلص حجم التنزيل عشان كذا قفل اشتراكي

المهم انا ما جربت العب علي النت عشان شباب كثار قالوا ان البنج يكون ضعيف نفس الاتصال العادي
مافي فرق ونصحوني اركب DSL
----------
اذا البنج تمام حق نظام اوربت بكرة اجدد اشتراكي
او اذا البنج كان تعبان
شكلي ابركب DSL بس ما اعرف كل يوم انس او انشغل

بس ممكن خيرة عشان ما اركب --

وشكرا

[COMMANDOSSS]

الستلايت حق تنزيل البرامج for downlad only
dsl for access and games online


i play genrals online and my ping -150

انصحك حق العب انترنت DSL

وحق تنزيل البرامج الستلايت

[salman f o]

يعني تبي تقولي يا COMMANDOSSS انسي اجدد اشتراكي مع اوربت
واركب DSL
طيب اي شركة تنصح
والف شكر

[MAX-PAYNE]

هلا أخوي sul911 أولاً أنا أنصحك أنك تشترك بـDSL وأنا الحين مشترك مع
سعودي نت و ماشاءالله لين الحين ما شفت أي مشكلة منهم وصار لي معاهم أكثر من 6 شهور تقريباً يعني ممتازين.

و أول شيء لازم تتأكد من أنه خدمة الــdsl شتغل عندك و إلا لا ...
أولاً
إدخل على هذا الموقع وبعدها أدخل على سعودي داتا وبعدها راح تلقى رابط في أسفل يسار الصفحة (هل خدمة الـdsl متوفرة في موقعك) وبعد ما تفتح الرابط .. أختار مفتاح المدين مثلاً زي الرياض 1 وجدة2 ... والباقي بتعرفه;-)

و إذا كان صالح عندك الـDSL لازم أول شيء تدفع رسوم تأسيس للإتصالات 300 ريال (أكثر من كذا نهب ونصب على العالم) وبعدين تصير تدفع لهم 220 ريال شهريا يعني الـ220 شاملة شهر كامل لإستخدامك للإنترنت (يعني ما يحسبون الساعات علي يعني يصير الشهر مفتوح) وأخيراً تشتري مودم حوالي بـ700 ريال راح يكون خارجي طبعاً وراح يكون في ميزة أنك تشبك أكثر من جهاز وهذا الزين فيه...

وبالنسبة للإشتراكات
فسرعة 64 إرسال و 128 إستقبال بــ350 ريال بالشهر
و سرعة 128 إرسال و 256 إستقبال بـ560 ريال بالشهر

وسلام...

[COMMANDOSSS]

والله ماعرف الاسعار لاني من الكويت بس بل الكويت السعر 25 دينار

يساوي 300 ريال سعودي

شامل تاتركيب والموديم يعني ادفع واشبك

وانا عندي genrals والعب online ping -100 and counter strike -50

انصحك تشترك dsl وتوكل على الله

[باهاموث]

اللي سمعته ان اشتراك اوربت الفضائي مررررررررة تعباان

مدري اذا هذا من خطأ من اللي قال كذا او من الشركة ؟

انت كم كانت سرعة التنزيل عندك يا سلمان ؟!!

مع اني انصحك بـDSL

[احمـ 9000 ـد]

في البحرين 40 دينار شهريا 256
:"

السعودية والكويت ارخص

:"

[salman f o]

هو من ناحية تعبان والله ما اعرف
بس احيانا يقول السيرفر رفض او الشبكة رفضت
وما اقدر ادخل

لازم اتصل علي الفني علي التلفون الرقم 4790345 التحويلة 1100
تقوله المشكلة احيانا يقولك كم خطوة تسوية او عد تشغيل الكمبيوتر
مرة او مرتين بعدين يشتغل

علي العموم انا اشتركت لمدة 3 اشهر
وما دخلت الا 5 مرات
وكلها انواع التنزيل
الفرق بين الدايل اب و نظام اوربيت
اذا كانت الصفحات مثل الساحة او ياهو او البريد الاكتروني -- يكون مثل بعض الفرق بسيط
اما اذا كانت الصفحة فيها صور كثيرة في فرق كبير نظام اوربت اسرع بكثير
او شخبيط كثيرة تكون بلغة ثانية
---------
بخصوص تنزيل الملفات سريع بالنسبة لي
لاني ما شفت نظام ثاني الا الاتصال العادي و اوربيت
وما جربت غيرهم
بس انا ما انصح تشترك بــ اوربيت لان في واحد من الشباب يقولي لا تجدد اشتراكك في شركة ثانية احسن و اغلي شوي
بس نسبة تنزيل الملفات غير محدودة مو مثل اوربت يعطيك نسبة
ويشتغل علي نفس ادوات اوربيت الا وهو :
1- الصحن ( الطبق )
2- قطعه ما اعرف اسمها لونها ازرق توصل منها سلك الدش ومنها توصله الي جهاز الكمبيوتر عن طريق ال يو اس بي
3- وبرنامج يشغل النظام
--------
قبل فترة حاولت ادخل بس ما قدرت ممكن الاشتراك انتهي يعني عدي 3 شهور او عشان انا ما بقيت في رصيدي شي انواع التنزيل
بس تنزيل الملفات سريع بنسبة لي وما شفت عيوب
علي فكرة النظام حقهم يعدي مدينة الملك عبدالعزيز
يعني كل شي مفتوح ---
كلمة ((( هذه الصفحة لا يمكن الوصول اليها ))) ما تشوفها ابد

----------------------------------

واتمني اكون الصورة واضحة

واذا في استفسار اتصل علي نفس الرقم الي موجود فوق
بس تبي نصيحتي اشترك بس ثلاث شهور بعدين اجحد وجدد اشتراك مع شركة ثانيه

[باهاموث]

اممممم طيب في شركات اقدر اشترك فيها !!
اكتب لي الزين منها اذا كنت تعرف عنها


والأوربت كم تجيك الفاتورة أو كم تدفع بآخر الشهر ؟!
ويحسبون على كثر الجلوس على النت ؟


عارف غثيتك بس تحمل

[sul911]

انا عندي DSL من أثير بسرعة 128 بس الألعاب كثير البنج يصير 300 إلى 500 و ريد اليرت دايماً 999

[skilled]

الرسالة الأصلية كتبت بواسطة Master X
البنج يعتمد على مكان السيرفر وليس سرعة الاتصال بس ..

مثلا , اشتراك الستالايت حق اوربت , وين السيرفر الرئيسي حقة لما تشبك؟ راح يكون في ايطاليا , طيب لما يكون السيرفر في ايطاليا راح يكون البنج تمام , بس لما يكون في اليابان او امريكا فطبيعي بيكون مرتفع ..

هذا الكلام ينطبق على الDSL
لكن الساتالايت؟ لا اعتقد لان الساتالايت دايما بنجه مرتفع