سعد مين؟!! ~2~
سعد مين ؟!! ~1~
معليش طولت من جد لكن وش أسوي ماش ما كان فيني حيل أكتب شي
المهم وقفنا يوم سعد كان يتمشى في أرجاء المطار وأبوه مع الشرطه
المهم أبو سعد كانوا يحققون معه ليش؟ ولماذا؟؟ وسعد مين!!؟؟؟<<<أهم سؤال
قام يقولهم القصه بسرعه وأن ولده هج وهو كان عند حق الجوازات...إلخ
ومن ناحية سعد وهو يتمشى زبن بشنطه
وأصحاب هالشنطه ركبوا الطياراه ومعهم سعد
وأقلعت الطياره والمطار يأج بأسم سعد
بدل ما كانوا يعلنون عن موعد الطيران صاروا يعلنون عن سعد
وسعد بالطياره مهب لمهم المهم طلع من الشنطه وراح يتمشى بأنحاء الطائره
وهو يدور يسمع العالم يتكلمون عن أبوه وهو يصرخ ويناديه
مر عند عجوز تسأل ولدها
العجوز: سعد مين يا وليدي؟
ولدها: والله مدري ياميمتي
العجوز: والله أن تقولي ولا معد أسافر معك <<طبعاً قامت تصارخ
ولدها:خلاص يمه بقولتس خلاص
العجوز: أيه ولدي
ولدها: هذا يقولتس أن الرجال يحتري واحد يقاله سعد
ويوم قام يدور على سعد قالوله أنهم مسكوه لأن كان معه بلاوي
وذاك يوم عرف أنهم مسكوه راح وطق ذاك الشرطي المسكين ومسكوه وقام يصارخ ويقول سعد
العجوز: أييه أثر هذي هي الحتسوه وأنا أقول ذاك الرجال المتين الأسود اللي طولك مرتين أسمه سعد أنا شايفته
ومن يوم شفته وأنا عارفه أن وراه بلوه داري يا وليدي أنا اللي مبلغتن عنه
ولدها : أيه أعرفتس يمه ذهينه
وسعد يسمع وهو فاق ثمه
(مسوي نفسه مهب لمهم )
وقامت العجوز تقول للي جنبها سمعتي عن ذا البلوه اللي يقاله سعد تراههم "يقولون" أنه يسرق البزارين ويذبحهم
أنتبهي لولدتس ذا وتأشر على سعد
شالته الحرمه قالت ذا مهب ولدي
والعجوز قامت تدعي جسبي الله على سعد حساب شديد الله يفنيه من الأرض الله يجعل يومه قبل يومي (وقامت تدعي على سعد مسيكين )
وسعد شاف الدعوه كذا عطاها ذيك النظرة
(هالنظره شايفها مره بالتلفزيون وقلدها على هالعجوز)
العجوز أرتاعت وأغمى عليها وسعد فرك
واللي جنب العجوز قالت لزوجها وزوجها قال للي جنبه مع زيادة يقولون في كل مره وما طلعو من الطياره ألا وسعد صاير رئيس عصابات وأتال أتلا علقولت أخونا المصريين
المهم سعد ذرق يوم سمع كل ذا وراح للشنطه وزبن مره أخرا
وصلت الطياره ونزلو العالم وسعد كان في الشنطه وأنتبه اللي كان شايل الشنطه أن فيه شي يتحرك وطل ولقا سعد
قال وش جاب ذا هنا وشافته حرمته وهو يطلق النظرات البريئه قالت يا حليله خل ناخذه معنا قال يا بنت الحلال وش تاخذينه وش يدريك منهو ولده
قالت يالله أذا لقيت بلاغ عنه خلاص حطه ولا بناخذه
قال طيب
راح يشوف فيه بلاغ ولا لا ما لقا شي وأخذوه معهم
هذي العائله غنيه وعندهم بنت
وصلو البيت وسعد مستانس يوم شاف كبر البيت ويوم دخل غرفت بنتهم اللي كلها ألعاب
المهم فكرو يعطونه أسم فسموه صلفيد<<<<طبعاًلا تستغربون لأن أسم بنتهم زولافه
المهم أخينا بالله سعد ما صدق يشوف الألعاب ألا وأنطلق وراح يحوس فيها ويلعب بذي ويرمي ذي
شافته زولافه قالت له وش فيك أنت كذا لا تحوس
قال : هاه لا بس كنت أبي أشوفها
قالت: طيب يالله أطلع
قال : وين أروح تخليني أطلع وبعدين وين أروح (وقام يطلق من النظرات البريئه )
المهم أقتنعت زولافه أنه يقعد عندها بعد هالكلام
وصاروا أصدقاء
وبعد مده أتفقو على الزواج في المستقبل
(هذي زلافه تجهز روحها للعرس)
(وش رايكم بالعريسين بس)
وفي يوم من الأيام كان سعد يقرا الجريده ألا ويشوف صورته
أبوه سوا أعلان بالجريده عنه
المهم ويوزي الجريده بس ماش شرا أبو زلافه جريده ثانيه
ويقرا الجريده ويشوفه ويقول صلفيد سعد
وينادي سعد سعد جت زوجته قالت له سعد مين؟!
وهو يدور سعد سعد وحمقت زوجته وقالت سعد ميييييين؟!
قلها سعد هو صلفيد شوفي ويوريها الجريده
طبعاً سعد سمعهم ينادونه سوا نفسه نايم
ويوم شافوه نايم قالو خل نوديه بكره بس
وأول ما نامو فرك من البيت
(بيفرك دون ما يحس أحد حتى زولافه)
وحط لزلافه رساله وهج
ومن بكره ما لقوا سعد وقاموا يصارخون سعد سعد
وكل الجيران يقولون لهم سعد مييين؟!!
وشافت زلافه الرساله
(يا ويلي على الرسايل بس)
وين راح سعد؟
التكمله بالجزء القادم
<=== انت على الاقل جاك الخلق هي لسى تو الناس 
المشاركة الأصلية كتبت بواسطة silverpaco_101
لا تسمعك ميمي 
..
ما بقى من الناس الا سعد تطلع عليه كلام 
...؟
!!
..
