طلبه طب الاسنان

[Manshola]

السلام عليكم .. اعجبني موضوع نداء لطلبه الطب البشري و حبيت اشوي نفس الشي لطلبه طب الاسنان عشان يتم تعارف بين الطلبه و يمكن تبادل الخبرات و الفائده اذا امكن .. و للمؤازره النفسيه بعد ولا شرايكم

انا طالبه طب اسنان بجامعه الكويت سنه ثالثه .. طبعا الدراسه بالكويت لطب الاسنان 7 سنوات للاسف لان احنا ندرس بعض المواد مع طلبه الطب مثل البيوكيمستري و الفيسيولوجي و الاناتومي و ما نبدا بمواد الاسنان الا متاخر فعشان جذي مده الدراسه شوي طويله .. اضافه الى سنه العلوم الطبيه و هي اول سنه و نص كلها مواد علوم .. عشان جذي الدراسه بالكويت 7 سنوات ..

ودي اتعرف الى طلبه طب الاسنان .. بالعالم العربي عشان نحقق وحده اسنانيه

شكرا باي ..

[Framed Love]

مرحبا فيج أختي ..

و انا طالب في جامعة ليفربول .. سنة ثالثة .. بقى سنتين و اتخرج و ارجع للكويت الحبيبة ...
الدراسة عندنا في جميع جامعات بريطانيا 5 سنين بالإضافة إلى سنة هي سنة تأسييس , يعني انجليزي و كيمياء و احياء ... في ليفربول ما عندنا مواد ,,, طريقة الدراسة عندنا هي المجموعات .. يعني عندنا 7 مجموعات كل مجموعة تتكون من 11 -14 طالب و طالبة و نتنافش كل اسبوع في قضية طبية .. تجمع ما بين الأسنان و الأشياء اللي ياخذونها طلبة الطب ..

[Tooth Fairy]

أهلا بيكي منشولة أنا كمان طالبة بكلية طب الأسنان بس جامعة القاهرة و الدراسة عندنا خمس سنين + سنة الامتياز و هي سنة تدريبية بنقضيها في المستشفيات التعليمية و مبيكونش فيها دراسة نظرية خالص بل بالعكس بيكون فيها راتب