Harvest Moon: A Wonderful Life بعد التجربه !!

[Tomb raider]

السلام عليكم

اشتريت اللعبه يوم الاربعاء
مع اني ما كنت متحمس لها وايد
لكن فوجئت بها , وبتسليتها

حتى اللعبه حصلت على تقدير عالي من جيم سبوت (غرييبه)

نبدأ التقرير البسيط)

الناشر: Natsume
المطور:Marvelous
نوع اللعبه:R P G
تاريخ الاصدار : 16/3/2003 (متوفره حاليا)
--------
Harvest Moon صدرت هذي اللعبه سابقا على البلاي ستيشن و البلاي ستيشن 2 والجيم بوي ادفانس والجيم بوي كلر وننتندو 64 , انا جربتها على البلاي ستشن 2 , اعجبت باللعبه كثير , وكان هو اول جزء العب به , وكان اسم اللعبه اللي على البلاي ستيشن 2 Harvest Moon save the home land كانت في قمة الروعه وكانت تعتمد على رسم السيل الشديد ,ولكن هذا الجزء الذي بهرت به اكثر وهو على الجهاز الاكثر من رائع الجيم كيوب , هو Harvest Moon: A Wonderful Life تعطيك جو من الحقيقه كأنك تعيش في قريه صغيره , ولك كوخ صغير وبسيط , ولك مزرعه , وفي كل يوم صباح تبدأ بعملك , لعبه ممتعه فعلا , وانت تلعب اللعبه يحسب عليك اليوم بالدقائق واليوم الواحد 20 دقيقه تقريبا مناظر اللعبه راائعه خاصتا الشلال واللعبه تمر على اربع فصول من فصول السنه , وفي بعض النباتات ما تتحمل مناخ معن وتموت , وكل فصل بتلقى في القريه عدد من النباتات تجمعها اما تبيعها او تهديها لصديقتك ....

طبعا كل لعبه لها مميزات وسلبيات

نبدأ بالمميزات :
# تبدأ اللعبه ولك المزرعه
# حيوانات (بقره - كلب )
#القدره على الصيد الاسماك
# بيع ما تنتج من عملك
#شراء الاشياء اللازمه للزراعه
#اجواء اللعبه رائعه تشعرك كأنك تعيش حياه حقيقيه
# المقدره على الزواج وتختار لك بنت الحلال

سلبيات اللعبه :
#لم تعتمد على قوه الجيم كيوب في الرسوم كلن الرسوم بحد ما جيده
#مشية الشخصيه بطيئه (شوي)


هذه سلبيات وايجابيات اللعبه

تقديري حول اللعبه
الرسم: 7
الاصوات : 9
التسليه:8
عمر اللعبه:10

التقدير النهائي : 8,3

كلمه اخيره :
اللعبه رائعه فعلا تشعرك بالتسليه ,وهي لعبه طووويييييييله جدا جدا
يعني عيش حياتك في اللعبه , واللعبه تحتاج الى صبر , ممتعه ستستمع بها
هناك بعض الحيوانات ستستمتع بتربيتها , ما بحرق عليك اكثر حول اللعبه

نتتركم مع بعض من صور اللعبه :




وهنا تقديرها من جيم سبوت :http://www.gamespot.com/gamecube/rpg...ife/index.html

ارجو ان يعجبكم موضوعي المتواضع

تقبلوا من اخوكم توب ريدر احلى تحيه

وشكرا ^^

[Trapped Inside]

هلا تومب رايدر شلونك^^..

مبروووووووك عليك اللعبه..

تقرير حلو مبسط^^...بصراحه اللعبه محتار اشتريها ولالا...الي يقولي انها رااااااائعه والي يقولي عاديه..
وانا بعد تجربتي لانمال كروسنج بديت افكر مرتين قبل ما اشتري لعبه محاكاة للواقع على الكيوب..
على كل انا الحين ابشتري متل جير...بعدين راح افكر باللعبه...وبالمناسبه تقريرك حمسني اشتريها^^..

مشكور على التقرير^^..

[theway]

تقرير متواضع بقوة ،، صغير و يفهم كل شيء

مشكور عليه تومب رايدر ^_^

انا كنت بشتري اللعبة ،، شيء واحد خلاني ما اشتريها ... اعتقت انها نعتمد على الجيم بوي بشكل اساسي ، ولا شبه اساسي يعني اكثر الاسرار تعتمد على الجيم بوي ...

و انا مو فاضي العب اللعبتين في كثير العاب غيرهم ابي العبها ...

فـ....... لو سمحت ابي رد تقول لي مدى اعتماد الجيم بوي على اللعبة ...

و شكرا مرة ثانية ^_^

[aoks]

احط فلوسي سأونيموشا3 ولا بانادورا تومورو احسن :P

مشكور تومب رايدر ... Isaac شراها يوم الاربعاء الماضي ويمدح فيها

[Mesharey]

احط فلوسي سأونيموشا3 ولا بانادورا تومورو احسن :P

ليش ماتشتري اونيموشا3 كوبي P:


ثانكس ..مستحيل اشتري هارفست موون

[QaHir]

الف شكر على الموضوع الرائع ^^ .. موضوع حلو لعضو احلى .. ^^

اللعبة حلوة ورايح اخذها باذن الله علشان اكمل السلسلة لأنها عاجبتني وايد

[wario2002]

حمستني للعبه اكثر^^ انا كنت ناوي اشتري مثل هالالعاب ، وخاصة اذا كانت طويله ان شاء الله باقرب وقت تكون عندي ومشكور عالموضوع.

[Tomb raider]

سعـــ2002ـــودي: الله يبارك فيك , انا اقوللك اعرف اكثر عن اللعبه واشترها ادخل موقع جيم ماستر شوف المراجعه , ومشكور لررد^^

theway : انا ما جربتها على الجيم بوي , تقدر توصل للجيم بوي لكن ما ادري واذا تعتمد عليها بشكل اساس ولا لأ , وشكرا على الرد ^^

aoks: مثل ماقال مشاري كوبي , على العموم على راحتك ومشكور على الرد

Mesharey: مشكور لردك يامميز

قاهر كل الألعاب: مشكور للرد الحلو من عضو احلى , انصحك باللعبه والف شكر لك ^^

wario2002: مشكور لردك , ومبروك مقدما , اذا كنت بتشتريها

[Reinu]

مشكور على التقرير ^^

انا متابعه للسلسلة وان شاء الله بشتري هالجزء شكله رهييييب ^^

[Final Fantasy 7]

مرحبا


أنا اشتريت من قبل جزئين سابقين من السلسلة .. Back to the North على البلاي ستيشن الأول و Save the Home Land على البلاي ستيشن الثاني ..


الصراحه جزء البلاي ستيشن الثاني كان ممل جدا .. يعني الروتين فيه قاااااتل عكس الجزء السابق Back to the North يالي كان جيرانك يزورونك و تصير احتفالات و كرنفالات و تغيير جو .. جزء البلاي ستيشن 2 ماكان فيه كل هذا مما خلاني أزهق منه جدا خلال أول أسبوعين


و لكن شكل هذا الجزء هو الأفضل في السلسلة على حسب يالي سمعت عنه .. الرسومات مو مشكلة .. المهم أن اللعبة تكون ممتعه و مسليه ^^


شكرا على التقرير و مبروك عليك اللعبة .. ياريت تكلمنا بعد أكثر عنها

[Tomb raider]

Magical Dreamer: مشكور لردك اخذها في اقرب فرصه ممكنه



Final Fantasy 7: مشكور لردك . اللي على الباي 2 عجبني , اما البلاي 1 ما جربته ><
اذا تبغي معلومات اكثر شوف المراجعه هذي ^^
http://gcube.gm-master.com/Reviews.p...iew&gameID=585

وشكرا ^^

[theway]

الحمد لله لقيت الاجابة

من تصفحي لكثير من المواقع ما لقيت الا فائدة واحدة للتوصيل بين الجهازين ،، ان تدخل العالم الثاني الي بالجيم بوي عشان تغير جو ، بس اللعب يضل بالجيم بوي بس تغير اللاعب ... يعني زلاعة

انا ان شاء الله بشتريها بعد اسبوع ،، يلا سلاااااااااام

[Aero]

مبروك على اللعبه
شفت كم صوره لها واعجبتني اما لسوني 2 كان بايخ
حظهم عشاق هارفست لمون على الكيوب الحين تقدر اتصيد بط وسمك جدد وووو الخ...
وعندي سؤال هل الجزء هذا فيه زواج مثل السوني1 ؟

[Tomb raider]

theway: ما جربت بالجيم بوي , اقول خلني على الكيوب احسن مشكور لردك

Shadw: نعم اكيد تتزوج يخيرونك بين 3 بنات وتتزوج وحده بينهم وتجيب ولد وانت اللي تسميه
وشكرا للرد^^

[الرهـــــــــيب]

ثانكس ..مستحيل اشتري هارفست موون

والله انا زيك يامشاري
من سابع المستحيلات اني اشتريها

ولكني جربتها لمدة 10 دقائق لمن شفتها مع اخوي الصغير ومن القهر رحت مسكتها وحذفتها
من الشباك راح نصفين وبعدين نزلت وكملت عليها راحت اوصال <<<<<<<< ترا بعدين نسيت انها لاخوي الصغير خخخخخخخ وتعالوا شوفوا وش سوى فيني
بس لاتحسبونها اصلية تراها كوبي على البلاي2

مع احترامي لكل من يعشق اللعبة

ومشكووور اخوي Tombraider عالتقرير.