والله عـــــيــــــــــــــــــــــــب ...

[ابتسامــــــه]

والله عـــــيــــــــــــــــــــــــب
إنك تروح للمسجد بملابس رياضة أو قميص نوم بينما تروح لربعك بثوب مكواي وشماغ يقطر ( نشاء ) وطيب يشق الخشم !!!



والله عـــــيــــــــــــــــــــــــب
إنك تتصل على ربيعك كل يوم وعادي تقعد معه ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك




والله عـــــيــــــــــــــــــــــــب
تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما أهلك لويبون مشوار ساعة وحدة قلت : ( الليموزينات واجد !!!)



والله عـــــيــــــــــــــــــــــــب
إن الواحد يضبط ساعته على الدوام بينما صلاة الفجر مايدري متى وقت أذانها !!! أخف شرا إنك ماتضبطها أبد



والله عـــــيــــــــــــــــــــــــب
إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بثلاث اريال ولو يهديه واحد شريط إسلامي سجل عليه ( بابا فين ) !!!




والله عـــــيــــــــــــــــــــــــب
إن الواحد يشوف ( قلة الأدب ) ولايقول عنها ( قلة أدب ) !!!



..... والسموحه

[wario2002]

جزاك الله خير اخوي ،،،، كل كلامك صحيح 100% والحمدلله انا مافيني وحده من هذه العيوب كلها..... وبقولك ليش
=====================================
إنك تروح للمسجد بملابس رياضة أو قميص نوم بينما تروح لربعك بثوب مكواي وشماغ يقطر ( نشاء ) وطيب يشق الخشم !!!

انا الحمدلله مااروح المسجد ببدل ، والله لو اني ابو شكيم..... وبعدين انا مخاوي ذيابه بالحاره يعني لو يشوفوني ببدله وش بيقولون ،،، واصلا فكرة البدله ذي شايلها من راسي .


إنك تتصل على ربيعك كل يوم وعادي تقعد معه ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! من زينك أنت وصوتك

بالعكس انا اروح لخوالي وعماني اكثر من اخوياي ،،، اخوياي في الشهر مرتين.... اما خوالي وعماني كل 3 ايام شايفهم.


تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما أهلك لويبون مشوار ساعة وحدة قلت : ( الليموزينات واجد !!!)

الحمدلله اخوي الكبير والسواق موجودين مرتاااااح محد يقول ودني جبني.


إن الواحد يضبط ساعته على الدوام بينما صلاة الفجر مايدري متى وقت أذانها !!! أخف شرا إنك ماتضبطها أبد
الحمدلله صلاة الفجر ماتفوتني ، كل يوم اقوم الساعه 3 وابوي دايم يحرصنا عالصلاة والحمدلله.


إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بثلاث اريال ولو يهديه واحد شريط إسلامي سجل عليه ( بابا فين ) !!!
والله اقولها بكل صدق ان بحياتي ماشريت شريط اغاني مع اني اسمع اغاني دايم واعرف كثير منها ، بس الحمدلله خالي مطوع ودايم لي رحنا مكان معه يشغل اشرطه اسلاميه...... وانا احيانا آخذ اشرطه للشيخ العريفي من خالي لان القاءه وصوته حلو مره ماشاء الله.


إن الواحد يشوف ( قلة الأدب ) ولايقول عنها ( قلة أدب ) !!!

اقولها اذا كان واحد اعرفه او اقرب له...... اما بالسوق شفت واحد يعاكس بنات مثلا ماقدر اقوله شي..... بس ادعيله بالهدايه والي علي سويته ومشكور على الموضوع الرائع ابتسامه.

[Pr.Game]

مشكورة ابتسامة على الموضوع الرائع

وعيب إني أشوف موضوع حلو زي كذا وما أرد عليه ولو بشكر

وشكرا على الموضوع الحلو .

[Lunar Poet]

مشكور أخوي على الموضوع الحلو

و كل كلامك صح 100%

[ثريول]

موضوع حلو , مشكورة عليه أبتسامة .

والله عيب ,
أمر على الموضوع , وما أرد !

[QataR NighTMarE]

صح كلامك يا ثريول
عيب امر على الموضوع ولا ارد
تسلمين ابتسامه على الموضوع

[Veronica_X]

مشكورة ابتسامه على هذا الموضوع الحلو

و فعلا عيب اني اقرأ الموضوع و لا اقول لك جزاك الله خير على هالموضوع

[ابتسامــــــه]

مشكوووووورين كلكم

سواء إلــــي مر بالموضوع أو إلي رد عليه حقيقه كلامكم أثلج صدري

والغايه من الموضوع الإستفاده

[خيماوي للابد10]

بس حبيت اعلق على النقطه الاولى

احسن من اللي ما يصلون بالمره :vereymad:

[M.O.B]

مشكورة الله يعطيك العافية

[خيماوي للابد10]

اووووووووه

نسيت اقول الله يعطيج العافيه

[MetalGear]

شمكور اختي على الموضوع وجزاك الله خير

فعلا عيب

[HArb200]

آها ..

فعلا الايام دول .

ولكن الموضوع جيد .. وبالمناسبة هناك بعض التهم في النقطة رقم واحد .. وهي اني مااحط نشأ على شماغي .. ولكن احط ديتول او مريتو .. منيب متاكد صراحة .. خاصة بعد ماصجونا بموبي حق ابو شكيب على قولة الاخ في الرد رقم ثنين.

[ابتسامــــــه]

مشكور أخوي على الموضوع الحلو

و كل كلامك صح 100%

نسيت اخبرك إلــي وياك أختك ابتسامــه مب أخوك

ومشكور مره ثانيه علىالرد اللطيف

[ابتسامــــــه]

مشكورة الله يعطيك العافية

العفو .. الله يعافيك