التلفزيون العربي و سموم التفاهات
السلام عليكم ورحمة الله وبركاته ...
صارلي شيء اليوم .. ما قدرت اسكت عنه ... لازم اكتب عنه ...
قمت الصبح .. وانا بكامل نشاطي .. مستانس .. عندي اجازه
بعد الفطور و قرايت الجريده .. قلت في نفسي ليش ما اشغل التلفزيون.. (علما اني اشوف التلفزيون كل سنه مره)
اول نص ساعة كانت كالعسل .. كنت اتابع برنامج عن الكلاب السويسرية على قنات انيمال بلانت
بعدين قال خل نفرفش شوي .. بغيت اشوف اخر الاغاني ... وياليتني ما شفت ..
الاغنية الاولي ... حكيم مع جون براون ؟!؟!؟! ميكس بين نشازين غير معقول ..
الاغنية الثانية ... ساره بسام و اغنيتها كددددداب كبير ... قمه الشخف .. مش عرافين يكتبون كذاب ؟
الثالثه .. ديانا حداد تعلب كره سله مع ممثله دبدوبه مادري شو اسمها .. شو ماشي شغل ؟؟؟؟
الاغنية الرابعة والمصييييبه !!!!
وحده مدري من وين جايبينها .... اسمها دارين .. و اغنيتها .. ايوا ... و ذات كلمات مش معقوله !!!
ايواه ايوه .. غنوا معي ... هللا هللا .. غنوا معي
ايواه ايواه .. غنوا معي ... هللا هللا ... هزززووو معي !!!!!
والله انا بحياتي شفت سخافات .. بس لهذي الدرجه مش معقول ابدا !!!
الله اعلم من وين جايبينها !!!شوفو شكلها بالصوره .. واحمدوا ربكم على خلقتكم
و العربي يا سلام ... في بدايه الاغنية .. يطلع اسمها و اسم الاغنية (إن صح التعبير) بالانجليزي ؟؟ بيعرضونها لمين الاغنية ؟؟ انجليز .. او عرب اعيال اوروبيات ؟؟؟
والي عصبني اكثر شيء .. انهم حطو الزخرفة الاسلامية بالفيديو كليب ... يعني مافي تصاميم ثانية ..ام هي حركه مقصود تستهدف غيرتنا على ديننا الاسلامي ؟؟؟ ...
ملاحظات :
انا حطيت الموضوع عشان افش خلقي
الاغاني مش حافظنها او حافظ اسامي المغننيين .. كتبتهم على ورقه
بخصوص الصور انا نزلت الكليب خصوصي عشان اخذ الصور واحطها بالموضوع
ومع السلامه
.
المشاركة الأصلية كتبت بواسطة $$$ f.w.z $$$
