مين قال إنو مـمنوع سواقه السياره للحــــــــريـــــم في السعـــــــــــــوديـــة ؟؟؟؟

[Squall 9]

هلا شباب

يلي حقولكم إياه يمكن والله محتصدقوه

البنــــــــــــــــــــــــــات صاروا يسوقون السيارات عندنا في السعوديـــــــة بالتحديد جده !!!!!!!

طيب أكيد منتو مصدقين حقولكم السالفه من اولها لاخرها

اخوي كان (يجاكر) في شارع الملك فهد <-----لحد يغلط على اخوي اخوي عاقل هذا الكلام قبل 6 شهور يعني قبل مايتزوج عنده فرصه بس عقل بعد ما تزوج ........المهم كان يجاكر سياره مظلله لكزس اخر موديل مظلله تظليل كامـــــــــــل المهم وصلو للإشاره الحمراء والسيارتين متهيئين كأنه عد تنازلي المهم أخوي قله أفتح الشباك خلني اشوف وجهك المهم الشباك ينزل وينزل وينزل بشويششش إلين ما طلعت(بنــــت) والله العظيم طلعت بنت هذا كلام أخوي ما كنت معه...أخوي قلي هربت على طوووووووول لإنو كان خايف تطلع بنت اميره أو بنت فيتامين (و) وتوديه في داهيه فاهمين

وهذه قصه ثانيه وانا كنت مع اخوي لووووووووول شاهد عيان المهم كنا رايحين الكورنيش وكان في دوار وزحمممممممه>< شوي والله طلع لاندر كروزر لكزس من وسط الدوار يعني اخترق الدوار من الوسط (مختصر) وشوي الناس كلهم سوو مثل ما سوا عدا أخوي كنت معاه تادب لووووووول المهم أخوي قال وش فيهم يلحقون السياره خلنا نروح وراهم المهم حنا ماشيين ورا السياره زي الملاقيف شوي جات سيارات شرطه تحوط بالسياره من اليمين وكل مكان (تحوط بالبوكس اللكزس) الظاهر الامراء كلهم عندهم لكزس بس المهم سألنا واحد من إلي كان يلاحق السياره قلنا له ليش جات الشرطه تدرو وش قلنا؟؟؟؟؟؟؟؟؟؟؟؟؟؟؟؟؟؟؟؟؟؟؟ قال (السياره بداخلها بنت امير)

يلا الظاهر البنات بيغزون السواقه >< هههههههههه اوكي سيا جايز

[Fly_Batman]

السلام عليكم ورحمة الله وبركاته
صراحة اخوي العزيز...هذا الأمر تطور وصار في زيادة...وذلك بسبب الحرية الزائدة التي يعطيها الاباء والأمهات لبناتهم... وكذلك..ضعف التفكير...وكذلك ضعف الهيئة..وغيرها..من الأمور...
مانقول إلا الله يستر على بناتنا..والله يهديهم...والله يهدي شبابنا..
ومشكور اخوي على الموضوع...

وعقبال مانشتري سيارة لكزس..

[$*DeATh*$]

هلا اخوي... اخوك شخصية بوليسية ها.. كونان ..دايما يزخ البنات وهم يسوقون...


خخخخخخخ


مشكور...والله يستر ,,

[Veronica_X]

جـــده غير
انا عشت بجدة و درست الابتدائية هناك ...ايوا يا ابويه
بس اللي كان مخرب على جدة الاجانب بدرجة كبيرة....سوريات و غيرة ماخذين راحتهن ....البنات الجداويات اغلبهم ما قط شفت عليهم شئ سئ
الله يخليك بنات الرياض و الشرقية ...يا ربي سترك استغفر الله ><...طبعا الفساد بكل مكان بس ما اعمم ...
المهم نرجع لمحور حديثنا ......
بس يمكن هالبنت كانت اجنبيه او شئ او هاجه وسط الليل لانه موب معقول يتركونها كذا و بالاخص ان الامير عبد الله رافض هالفكرة ....بس انا قط سمعت ان فيه بدويات يسوقون شاحنات و ديتسن و هذي الاشياء و حتى رفيقتي كانت تقول انها تعرف وحدة لها شهادتين بالسواقه
الله يخلف على الجميع .....

على العوم هذي السوالف فيها لف و دوران و ما يجي شئ بالعرض او الطول
الشئ واضح و ما يحتاج تعقب اكثر

لما نشوف بقية الردود

سلام
و شكرا على الموضوع

[خيماوي للابد10]

اصلا ليش السواقه ممنوعه للحريم في السعودبه

لاني سمعت انه علماء الدين حللوها

[Veronica_X]

اصلا ليش السواقه ممنوعه للحريم في السعودبه

لاني سمعت انه علماء الدين حللوها

بس انت ما جربت شفت اوضاع البلى اللي تصير
على فكرة في واحد ارسل رساله للجريده ( ما اعرف اي وحدة بالظبط >< ) يقول امسكوا عنزكم ليقربها التيس......
مناسبة الرساله ان واحد من الشباب الله يهديهم ارسل رساله عن الحريم و سواقتهم ...قال اذا بتمشي بالسيارة راح نلاحقها ,,و راح نطفشها ....و نسد عليها الطريق ....الخ من الكلام الماصخ و اللي فيه تلميح الى الاعتدائات و العياذ بالله ><
وختم رسالته و قال امسكوا عنزكم ليقربها التيس ....
و تقول ليش السواقه ممنوعه....يا خلف الله بس

[sion001]

النساء ليس عليهن محرم السواقة ، و هذا شي ليس به أي عيب و ليس غزي و عار ، و أنه النساء تسوق سيارة ما فيها أي شيء . لكن إذا بيمنعوها لأسباب إجتماعية فيجب أن تكون ممنوعة على جميع النساء مهي حلال للناس وحرام على ناس ، و من ردك يا أخت فورونيكا فهذا دليل على أن المجتمع مريض يجب معالجته .

[ScArY_Bo0oY]

من زمان اخوي والحريم يسوقو مو من قبل 6 شهور

[Revolutions]

في زمنا توقع اي شي ..

[we7i]

روحوا درة العروس وشوفوا (ما أقول غير أعوذ بالله)

[Pr.Game]

في جدة توقع كل شيء

هي المدينة الوحيدة التي لا أحبها .

[سوليدس سنيك]

جده توقع منها كل شيء يعني هي المنطقه الأكثر تطورا في السعوديه.. ومشكور على الموضوع وسلاااااااااام

[raof2000]

انا عن نفسي ماشفت بس ما أستغرب جده عندنا في كل شيء


يعني زي مأتفضل الاخ we7i روحو درة العروس وشوفو أيش في



مأقول أللى الله يستر علينا ويثبتنا على طريق الحق



ما يمديني أقول الا لاحول ولا قوة ألا بالله


مع السلامة

[raof2000]

انا الحقيقة ما شفت شيء بس أتوقع شيء زي هذا يصير عندنا في جده



وأكبر شاهد درة العروس شوفو أيش فيها



مأملك ألا أني أقول لاحول ولاقوة الا بالله اللهم أستر علينا وثبتنا على طريق الحق



مع السلامة

[Miss Buffy]

ثانكس سكوااااااال9 على الموضوع

بس عندى سؤال ليش السواااااقه ممنوع << للحريم فى السعوديه >>

see u