ليش الرجال احسن بكل شي ؟!!!

[ODIN]

ليش الرجال احسن بكل شي؟!


سلام

الموضوع هذا شبه سخرية فكاهية فيها تعصب شوي.. لكنه تقريبا واقعي بمعظم الاشياء لو فكرنا فيها زين .

الرجل احسن من المرأة بكل شي ... ( متحمس بزايده عشان كذا اقول بكل شي )

نبدأ في البداية عند اسخف الاشياء ..


- الطبخ ..

من المعروف بأن الطبخ تخصص النساء وفنهم .. لكن دائما الطباخيين العالميين والمشهورين رجال !! الشيف رمزي وطخته .. ويكفي البرامج التلفزيونيه افتح أي برنامج مشهور وجيد وراح تلقى الشيف رجال !

- الازياء ..
من المعروف بأن الازياء والموضة من اختصاصات النساء والاكثر يعتقد بأن خبرتهم فيها اوسع ... لكن ليش دائما أي ماركة عالمية مشهورة .. يكون خلفها ( مصمم ) ازياء وليس مصممة ؟! دائما نسمع المصمم فلان الفلاني وليس المصممه .. المشكله ان نصهم gay بس الزبده اصله رجال ..

- حتى الرقص !!!


ههه اذكر بمقابلة مع رقاصة عربية ترقص رقص شرقي .. سألوها كيف تعلمتي الرقص وقالت ( ربينا يخليلنا الاستاذ مادري وش اسمه تعلمت على ايده ) بس الزبده ذكر ( ما نقول رجال المرة ذي )


,.............................................


نجي لامور شوي جدية ... /

- السياسة والقيادة ..
غالب بنسبة 99% السياسيين والقادة العالميين رجال وليس نساء .. ليش؟!

والامر الاخر بالقيادة عموما .. المرأة فاشله جدا فيها والمشكله ان العلمانيين مو مستوعبين .. يكفي منتدى الحوار الوطني الاخير .. لما حرمه جلست تصيح فيه عشان الشيخ محمد العريفي تكلم بكلام جامد شوي .. هذي وينها وين القياده والادارة ؟! وينها وين تتحمل مسؤوليات ؟!

- النصيحة ../


يا جماعة اتحدى واحد منكم مرة نصح حرمه وسمعت نصيحته ومشت فيها ؟! ليش الحرمه ما تاخذ بنصيحة احد قبل ما تقوم بأي امر مثل الرجل ؟! الحرمه ما تحس بخطأها الا لما تجرب بنفسها ويطيح الراس بالفاس مدري الفاس بالراس !

يمكن النقطه هذي قليل راح يستوعبونها لانكم ما جربتم قبل كذا تقدمون نصيحة لمرأة خاصة اذا كانت اكبر منك بالعمر .

هذه قاعده كونية لازم تؤمن فيها .. لا تتعب نفسك بنصيحة امرأة .. !!

- الذكاء والعبقرية ..


اذكر مرة قريت موضوع فيه اهم المخترعات بالعالم واسماء مخترعينها حوالي 100 اختراع .. والله ان كلهم علماء رجال مافي ولا بينهم حرمه .. ليش ياخي ليش ليش ؟!!!!

البنت ان فلحت بالعلم ما تفلح الا بالدراسه المنهجية !! ليش؟ لانها مقابله الكتاب اربع وعشرين ساعه ومافي غير حفظ وعلف بحروف الكتاب !

- الوفــــــــــــــــــاء والحب /



مع احترامي لكل انثى .. لكن والله ثم والله اننا مخدوعين بالي نسمعه عن وفاء المرأة خاصة في امور الحب !

المرأة بفطرتها تبحث عن مصلحتها الشخصية قبل كل شي ! لا يغرك تمسكها واصرارها بالي تحبه .. والله انها لما تحس ان الحب هذا صعب وراح تتعب عشانه .. عند أي عقبة راح تتركك وتقبل بأي شي اخر بدل عنه !!

وغير كذا كفرها وجحدها للمعروف .. بسرعه وعند أي عقبه تنسى كل معروف وكل مساعده قدمتها لها !!

والرسول صلى الله عليه وسلم وضح الشي هذا بقوله (... يكفرن بالعشير ...) ماذكر الحديث كله .

والله خاصة بالنقطه هذي اسألوني عنها .. مريت بمواقف كثيرة شفتها بحياتي وتعلمت منها كثير الكثير .. البنت بفطرتها ومن غير ما تحس عن نفسها تبحث عن اسهل شي لها !!

والي يشوف افلام درامية راح يلاحظ هذه النقطه دائما يركزون عليها في المرأة !!

في فلم انسايدر .. حق الباتشينو و رسل كرو ...

لما رسل كرو توهق بمحاكمة وحلاله بدأ يضيع وزوجته حست انها راح تروح بداهية لو تمت وراه !! على طول زوجته تركته وراحت بطريقها لما شافته بدأ ينهار وتتكالب عليه المصايب !!!

والقهر لما نجح بالقضية ورجع لمنصبه على طول رجعتله زوجته ولا كأن شي حصل .. والقهر ان الرجل دائما غبي بالمواقف هذه ويرحب فيها على طول ولا كأنها عملت شي !!

والاهم .. ان المخرج ما ركز على هذه النقطه وصورها كأنها ( خيانه ) لا بالعكس .. صورها وكأنها سجية وطبيعه بالمرأة يعني مو شي جديد ...



حتى بفلم جست تيكت .. الرجال تاجر كبير بالسوق السوداء .. ولما توهق مع الحكومه على طول اتركته حبيبته ولا وقفت معاه !! ولما نجح بالقضية وقدر يتخلص منهم .. راح الغبي فتح لها محل عشان يبيها ترجع وعلى طول رجعتله !!

.............................

وهذا شي ترى فطري وطبيعي عند المرأة .. والسبب يرجع لأنها ( ضعيفة ) مو مستعده تتحمل المشاق والمتاعب لاجل الاخرين ... عشان كذا لا تزعل لما مرأة تتركك عند اول مطبة ..



طبعا هذا مو معناته بأن الرجل مخلوق مثالي .. لكنه صراحه مسكين ويكسر الخاطر وطول عمره مقصوص عليه .. لا يغركم طوله وعرضه ترى يمدي أي مرأة تبهذله ..

اذا تبون بعدين افتح موضوع ابين فيه عيوب الرجال بعنوان ( ليش المرأة احسن بكل شيء ؟! )

بس بعدين بكمل ...

[Kubaj]

:marchmell لا تعليق :marchmell

" عندي احساس ان هالموضوع بيوصل خمس صفحات وانت رايح "

[Pr.Game]

:marchmell لا تعليق :marchmell

" عندي احساس ان هالموضوع بيوصل خمس صفحات وانت رايح "

ههه خمس صفحات بس
لا أعتقد أكثر ..
بس الموضوع شوي طويل ويبيله رد سنع
على كل حال اليوم بقرا الموضوع بحذافيره


وبكرة تلقى الرد القاصم للظهر مستر منتو لأني بطول بردي شوي ..

ونشوفكم على خير ...

[haman]

ياسلام عليك :uicon10:

حنا مساكين والله اغلب كلامك صحيح و تسلم على الموضوع الحلو .

[silverpaco_101]

الله يهديك يا اودين فتحت باب ما كان له لزوم صراحه

بس انا ما اتفق معك بكثير من الامور عموما ابناقشك بالموضوع بعدين

[محمدS.M]

سكت شهراً و نطق ........
اودين شكلك بدك تخلي بنات المنتدى تعمل انقلاب علينا
بخصوص الطبخ ...
يا اخي في اكل اطيب من اكل الوالده ؟
الازياء ...
الرجل هو الوحيد الذي يعرف ماذا يناسب المراه وكيف يحب ان يراها لذلك تجده يبدع في التصاميم لانه يريد ان يراها بهذا الشكل !
الرقص ....
ما بعرف ارقص واذا رقصت بدخل على الجودو ويصير تطبيش
السياسه والقيادة...
ذكرت في نقطة الحب ان المراه تختار الطريق الاسهل وهذا يعتبر نجاح في السياسه والقياده
النصيحه ...
معاك حق ,,, بس في بعض النساء عندهم ميول الى سماعها خاصه اذا كانت تثق بك
الذكاء والعبقريه ...
معظم المعدلات العاليه في الامتحانات تكون من نصيب الاناث وبعد ذلك لا اعلم
الوفاء والحب ....
لايمكن ان تجعل امراه تحبك دون ان تقدم لها ما ليس عند غيرك وعندما يقدم غيرك ما ليس عندك ....اترك الباقي لكم !!
سلامات

[Argandir]

نعم نعم...ياحسرتا علينا معشر الرجال

والله يعينك على القذائف الصاروخية الي راح تجيك من العضوات

[Yamato]

يا اخي الام مدرسة..

والجنة تحت اقدمهن...

وتعال انت ليش ما تحب الامهات...


ما تحسون انه ردي ما له خص بالموضوع...

[Veronica_X]

يا سلام عليك بس يا سلالالام

ليش الرجال احسن بكل شي؟!
اي الا الثقه اللي ذابحتكم بس .....ولا مافيه زود >>>>>يا ويلي

احمممم بسم الله نبدا بالمهم

الموضوع اضمن لك اننا بنوصله لصفحه 5 و10 اذا تريد .......لاني باجهز لك قنبله ..... احتاج وقت عشان ارد شوي ....بس ليش وين البنات ما اشوف ولا وحده

بس حاليا اشوف الشاشه ثنتين >>>>الوقت متاخر و الناس بسبات

بس باحط لكم كمن كلمه عشان تحلمون فيها ....غير تشوفون الدنيا احلام ورديه

اللي فوق راسه بطحه يحسسها >>>>>>>>هههه لا ما عليكم قمت اهذي من النعاس

وراء كل رجل عظيم امرأه .....يعني اذا بتنجحون فهذا موب شطاره فيكم هذا مننا احنا الجنس المقدس

ان كيدهن عظيم .....يعني اذا بتروحن بستين داهيه اضمن لكم ان اللي بتوديكم هي بنت

اذكركم بحادثه جيش الاسكندر يا رجالنا العظماء المثقفين

الاسكندر هو قائد عظيم ...حيث قصد موضعا فحاربته النساء فكف عنهن فقيل له في ذلك فقال
هذا جيش اذا غلبناه مالنا به فخر ، و اذا غلبنا فتلك فضيحه الدهر

شفتوا كيف تعلموا من الرجال السنع


لي عوده

فيرو


لا احد ياخذ بخاطره طيب...كلكم عزيزين و زعلكم غالي ما ارضى فيه

[ثريول]

خخخخخ ..

باب نقاش الله يعينكم على اقفاله , بس موضوع منطقي للغاية ..
يعني من يفكّر فيها يلاحظ أن النسوان مالهم حق بطلب ما هو أكثر منهم , الله خلق ورزق , وفضّل وميّز وجعل هذا ليس كمثل ذاك , والرجال قوّامون على النساء بمافضّل الله بعضهم على بعض .

أعتقد أن هناك شيء من الظلم للرجل عندما يطالبون بالمساواة به مع المرأة , بعيداً كل البعد عن التحيّز . الحياة كلها تقوم على سواعد الرجال , حتى في الغرب والشرق , بحقوق مرأة أو بعدمها . رؤساء أمريكا مثلاً 40 , ولا واحد فيهم يُكتب قبل إسمه "Mrs" .. هذا مثال لاحصر , مثال لدولة ومثال لتخصص .

كمثال لو أن كولينا حكّم على مباراة بين روما وبرشلونة .. سيكون من ناحيته تحيّز لصالح برشلونة لكي لايقال أنه "فزع" لمواطنيه . أمثلتك التي ذكرتها هي جزء من كل , والتحيّز فيها غير موجود فالواقع يصدّقك ويصدّقني ويرفع علمي وعلمك .. بس وشو هو علمي وعلمك ؟ .. أختار لونه !.

تحياتي .

[moon girl]

اولا ابدا فيه امور ابرد عليها

الطبخ و الازياء و الرقص

انت نظرت بس المشاهير الي في التلفزيون حتى الشيف رمزي لما سئل مره من الي يطبخ انت والا زوجتك قال
زوجتي فيه بنات واجدين يطبخون وحتى الأزياء اصلها من بدايتها كانت من النساء غير ان تصاميم المرأه احلى من الرجال
والرقص بعد فيه كثير يعرفون يرقصون

النصيحة
حتى الرجال مستحيل يسمعون النصيحه يعني متعادلين في هالنقطه

الوفــــــــــــــــــاء والحب
هذي غلطان فيها 100% لان المرأه معروفه بالوفاء والحب ونادر تلقى وحده ماهي وفيه
الرجال هم الي مستحيل تلقى واحد منهم وفي من يوم الرجل تموت زوجته الا رايح يخطب عالطول
غير انه يتزوج وحده ثانيه على زوجته حتى لوكانت ماغلطت او حتى مافيها عيب
الرجال 99% غير وفيين

وفيه مزايا للمرأه واجده من كثرها ماأقدر أقولها

^^

[Argandir]

وراء كل رجل عظيم امرأه .....يعني اذا بتنجحون فهذا موب شطاره فيكم هذا مننا احنا الجنس المقدس

لاتفهمي المعنى غلط...المقصود ان الرجال بعد مايقوم بانجازاته العظيمة بيرجع البيت يرتاح ويلقا كل شي مجهز له...لانه اذا ما ارتاح وقعد يتعب داخل بيته ...ماراح ينجز ويقوم بامور عظيمة

ان كيدهن عظيم .....يعني اذا بتروحن بستين داهيه اضمن لكم ان اللي بتوديكم هي بنت

وهذا من باب الوفاء الي ذكره الاخ اودين...يعني الرجل مسكين يثق بالحرمة ويقدر ضعفها كانثى...وفي الاخير تمكر به وتجيب فيه العيد...

غلبنا فتلك فضيحه الدهر

اكيد فضيحة...يعني الاحسن( الرجال) ينهزم من الي اقل منه(النساء)؟؟؟

النصيحة
حتى الرجال مستحيل يسمعون النصيحه يعني متعادلين في هالنقطه

بالعكس الرجل ياخذ برائي غيره...واذا لاحظ انه على خطاء يتراجع عن رائية...اما الحرمة اذا حطت فراسه شي لو كل سكان الارض يقولون انها على خطاء ماتراجعت...

الوفــــــــــــــــــاء والحب
هذي غلطان فيها 100% لان المرأه معروفه بالوفاء والحب ونادر تلقى وحده ماهي وفيه
الرجال هم الي مستحيل تلقى واحد منهم وفي من يوم الرجل تموت زوجته الا رايح يخطب عالطول
غير انه يتزوج وحده ثانيه على زوجته حتى لوكانت ماغلطت او حتى مافيها عيب
الرجال 99% غير وفيين

شفتم كيف ...متعارف عليه!!!

كونه متعارف مايعني انه صحيح...يعني المرئة منظرها لطيف ويوحي بالوداعة و الوفاء...
لكن رجل منظره مايوحي بالشي هذا...وهذا الي يخلي معظم الناس يغلطون في الحكم عليه...

اما من ناحية الزواج بعد موت زوجته...ياختي الرجل عظيم ولازم يقوم بانجازات...وزي ماذكرت سابقا يحتاج لشخص يزبط اموره داخل المنزل

اما المرئة تنتظر فترة بعد وفاة زوجها...ليش حزن عليه؟؟؟؟
طبعا لا... لكنها تقعد تدور على الفريسة المناسبة

[ODIN]

هااااا ؟؟؟

توني انتبه اني بنطق بسبب الهباب الي عملته !!


بس يابنات انا مقتنع بالكلام الي قلته وش فيكم علي شسوي يعني !!!



بس صدقوني انا عندي ثقه تامة ان فيه بنت راح ترد وتأيد معظم الموضوع وهذا سوف يحطمكن كلكن اصبرو بس


ويا فيرونيكا ردك حلو ومؤيد لفكرة الموضوع بطريقة غير مباشره للي يفهمه صح شكرا لك


ويا مون جيرل ما يصير كذا كأننا بدرس اسلوب النفي في حصة النحو .. كل الافكار الي طرحتها نفيتيها ب(لا ) النافيه .. ما يصير كذا نبي ادله براهين مواقف اي شي شوفي فيرونيكا عطتنا ادله على ان المرأة مجرمه حرب وعنصر فتاك وضار للمجتمع

[Argandir]

صح نسيت اعلق على هالنقطة...

الطبخ و الازياء و الرقص

انت نظرت بس المشاهير الي في التلفزيون حتى الشيف رمزي لما سئل مره من الي يطبخ انت والا زوجتك قال
زوجتي فيه بنات واجدين يطبخون

طيب الاخ رمزي هذا شغلته طباخ...تبغيه يرجع لبيته ويطبخ بعد؟؟؟ شفتم كيف ان ماعندكم مشاعر ولا حتى بعض الرحمة ...تبغون تكرفون الرجال برا البيت وجواه

وحتى الأزياء اصلها من بدايتها كانت من النساء غير ان تصاميم المرأه احلى من الرجال

قد يكون ان الحريم بداؤها لكن الرجل تفوق عليهم فيها...

والرقص بعد فيه كثير يعرفون يرقصون

يعرفون...لكن الرجال هم الي علموهم...

[MeMoirs]

وش ذا الكلام

الرجال احسن منا

لا لا لا

عندي مداخلة

اللحين الرجال اذا طبخ الناس يجاملونة ومنهم زوجتة

اما المرأة يعيني عليها مسكينة اذا طبخت ما تلقا احد يشجعها وذا تكلم الزوج يجلس ساعة يسب (من الغيرة)

اما الازياء

ياعيني ع الملابس المصمم يسوي فستان المرأة تسوي عشرة

اما الرقص

الرجال ما قامو يرقصون الا عشان يلفتون انتباهنا

لا ومن زين الرقص

اما القيادة والسياسة

يقولون ان وراء رجل عظيم امرأة

ياسلام على هذا الكلام

واصلا وش بنا بوجع الراس خلينا في الظل احسن

اما النصيحة

الرجال من طبيعتهم ما ينصحون

الشي الفالحين فيه الامر

روحي

جيبي

لا تنسون التهديد

كلامكم كله تهديد

المشكلة ما نشوف شي من الي تقولوه يعني جعجعه بدون طحن

اما اذكاء والعبقرية

اظنك ما سمعت ب مدام كوري

اكيد ما سمعت فيها لان الي تموت من اجل العلم ما تعترفون فيها

مدام كوري هي الي مكتشفةالراديوم وماتت بسب التسمم به

اما الوفاء والحب له كلام ثاني

اللحين مين الي يطق الثالثة بعد زوجتةالاولى

مسألة الافلام

الي كتب هذا الفلم تلقاة مقهور من زوجتة ليه ما اعطته مصروفة اليومي

وفي مقوله مصريه مشهوره تقول

يامأمن الرجال يامأمن الميه بالغربال

واظن يكفي الي قلته ولاتبي اكثر