سالم راح عند الله في الجنه .. (عباره مؤثره) الرجاء من الجميع الدخول قصه مؤثره

[**beauty**]

هدايه أب على يد ابنه.....قصه مؤثرة

--------------------------------------------------------------------------------

هدايتي على يديه ..
يحكي الشيخ ان فيه واحد .. يقول :-

لم أكن قد بلغت الثلاثين ..لما ولدت زوجتي أول مولود لنا ..

يقول .. لحد الحين اذكر ذيك الليله ..

كنت في أحد الشاليهات مع زملائي.. وكانت سهره حمراء معنى الكلمه ..

اذكر اني ضحكتهم كثير .. كنت امتلك موهبة التقليد ..

يقول قعدت احكي لهم عن واحد أعمى يتسول في السوق ..

فكنت قاعد أتهزا فيه .. قدامه .. ووصلت فيني الجرأه اني وضعت رجلي قدامه علشان يتعثر ..

تعثر .. .. وانا قاعد اضحك عليه ..

رجعت للبيت متأخر .. ولقيت زوجتي تنتظرني..

وكانت في شهرها الاخير من الحمل .. وباين عليها التعب .. لمت نفسي.. اني

ما قعدت معها في هالفتره اللي هي محتاجتلي فها ..

وديتها المستشفى لانها كانت على وشك ولاده.. وعطيت رقمي للممرضه .. علشان

تعلمني اذا ولدت زوجتي ..

بعدها بيوم كامل .. جاءني الخبر بأن زوجتي ولدت .. ( سالم ) ..

حضرت للمستشفى .. وطُلب مني أن أراجع الطبيبه ..

وماكان في بالي .. الا اني اشوف ولدي ( سالم ) ..

أصروا علي بأني لازم اراجع الطبيبه .. انصدمت لما دريت ان ولدي .. فيه تشوه شديد

في عيونه .. معاق في بصره .. عندها ( تذكرت المتسول .. سبحان الله كما تدين تدان ) !

كانت زوجتي راضيه باللي كتبه الله .. دايما ماكانت تقولي .. لا تغتاب الغير ..

مااهتميت في سالم كثير.. اعتبرته مو موجود في البيت .. لما كان يصيح ..

كنت اهرب للصاله علشان انام فيها .. كان زوجتي تهتم فيه كثير.. وتحبه ..

انا ماكنت أكرهه .. بس ماقدرت ( أحبه ) !

ولما كمل سالم السنتين .. اكتشفنا بأنه أعرج ..!!!!

ازددت ابتعاد عنه .. وازدادت زوجتي تعلقا فيه .. وحبا له ..

حتى بعد ماجبنا خالد .. وعمر ..

مرت السنوات .. وكنت لاهي .. غافل .. غرتني الدنيا ..

كنت كاللعبه في يد رفقة السوء .. مع اني كنت اظن باني انا من يلعب عليهم ..!

كانت زوجتي تدعيلي بأن ربي يهديني ..

كبر سالم .. وطلبت زوجتي اني اسله في احد المدارس الخاصه ..بالمعاقين ..

مرت السنين .. وحالي لم تتغير .. وعلاقتي في سالم هي نفسها ..

بعكس علاقتي مع اخوانه ..

ولما كان يوم جمعه ..صحيت الساعه 11 .. وانا اقول في نفسي للحين الوقت مبكر..

استحميت .. ولبست وتعطرت ..

ولما جيت اطلع .. لقيت سالم يبكي .. كنت ناوي اطلع وقتها ..

بس هالمره فيه شي شدني له .. سألته .. سالم ليش تبكي ؟

حسيته خايف مني .. بعد عني .. يهرب مني ..

أصريت اني اعرف وش السبب..

قالي ..

ان عمر تأخر علي .. واليوم الجمعه .. وانا خايف اني ماالقى لي مكان في الصف الاول من المسجد !

لحظتها .. حطيت يدي على فمه .. ماكنت ابيه يكمل ..

بكيت انا لحظتها..

قلت له .. سالم .. لا تبكي .. تعرف مين راح يوديك للمسجد اليوم !؟

قال .. أكيد عمر ..

قلت لا ياسالم .. انا اللي راح اوديك للمسجد ..

استغرب .. شك اني اسخر منه .. رجع يبكي ..

مسحت دموعه .. ومسكت يده .. بغيت اوصله بالسياره ..

لكنه رفض .. قاللي .. ابوي . المسجد قريب ابي اروح للمسجد مشي.. أبي احتسب كل خطوه اخطوها ..

ماكنت اذكر متى اخر مره رحت فيها للمسجد ..! ولا اذكر متى اخر مره سجدت فيها لله سجده ..

هي المره الاولى .. اللي احس فيها الندم على ايامي اللي مضت ..

وصلنا المسجد .. وكان مليان .. بس مع هذا .. لقيت لسالم مكان في الصف الاول ..

استمعنا للخطبه .. وصليت بجنبه ..

بعد انتهاء الصلاة .. طلب مني سالم مصحف .. استغربت .. كيف وهو أعمى ..! خفت اتلكم

واجرح شعوره .. اعطيته المصحف .. طلب مني افتح له على سورة الكهف .. وبدا يقراها ..

تفجأت .. انه حافظها كلها ..!

استحيت من نفسي.. وكنت خايف .. امسكت بالمصحف .. وحسيت برعشه في اطرافي ..

قرأت .. ودعوت الله ان يغفر لي ذنوبي .. هذي المره انا اللي بكيت .. على مافرطت ..

ولم أشر الا بيد حنونه .. تمسح دموعي ,, كان سالم ..يمسح دموعي .. ويهدأ من خاطري..

من هاليوم مافاتتني صلاة جماعه في المسجد..

في يوم قررت انا واصحابي اننا نسافر لاحد المناطق البعيده .. في برامج دعويه مع مؤسسه خيريه ..

ترردت اني اروح واستخرت .. شاورت زوجتي .. توقعت انها ترفض .. لكن فاجأتني .. بأنها موافقه

وشجعتني ..لما قلت لسالم .. فرح .. وحضني..

طلبت اجازه مفتوحه .. وسافرت ..

وكنت كل ماجتني الفرصه اكلم زوجتي .. واطمن على احوالهم .. وأسألها عن سالم ..

رجعت بعدها .. وكنت مشتاق لهم .. ومشتاق اكثر لسالم .. كنت منتظر ان هو اول من يستقبلني..

لما دخلت البيت .. ارتمى في حضني خالد .. وفرحت زوجتي برجعتي..

سألتها .. وين سالم ..؟

ماجاوبتني ..

رد علي خالد .. وقال..

سالم راح عند الله في الجنه ..

حسيت ان اللي حدث ابتلاء واختبار من الله .. صبرت على مصيبتي وحمدت الله ..

للحين احس بان يديه تمسح دموعي .. ويديه تحيط فيني ..

كم حزنت على سالم .. الأعمى .. الاعرج ..

لم يكن أعمى .. أنا من كنت أعمى ..

حين انسقت وراء رفقة السوء..

ولم يكن سالم أعرج ..

لأنه استطاع أن يسلك طريق الإيمان رغم كل شيء..

لحد الحين اتذكر كلماته ..

" إن الله ذو رحمة واسعه "

سالم ..

الذي امتعنت يوم عن حبه .. اكتشفت بأني أحبه أكثر من اخوانه ..

حزنت كثيــــــر..

وشلون مااحزن .. وهدايتي كانت على يديه ..!..

[Hit_Man]

سبحان الله..

قصة مؤثرة جدا...

ألف شكر أختي وجزاكِ الله ألف خير عالقصة...

[ابو خالد]

الاخت الفاضله
جزاكى الله الف خير
وبارك فيكى ولكى
تأثرت بالفعل من تلك القصه
وانها عبره لمن يعتبر
لذلك اتقدم لكى بالشكر والتحيه والاحترام
اخوكى / ابو خالد

[**beauty**]

العفو على مروركم