من هو؟ ابو شماغ

[HArb200]

ماهو ابو شماغ ..

السعودي يعني ؟؟

سحقاً .. صار السعودي نكته

ياابو شماغ تعال .. ياابو شماغ .. اذلف


تباً ..

ولكن هو اثنان من ثلاثة ..

اما انهو جوال وعليه شماغ
او عصير وعليه شكل شماغ
او دلخ وعليه شماغ

وعلى طاري الاعلانات

قريت اعلان شدني ..

هل تريدها بكرا ؟

239 000

ياخي ان كان برنامج مساعدة الزواج على الشباب .. اللي تابع للهيئة العالمية للشباب الاسلامي .. كان بها ونعمت .

والا .. فاني سوف ازعل .

لاني حاس انهم يجرون هالشباب المساكين .. على خشومهم

عندي احساس ياانها سيارة .. ولا وظيفة .

وبالتقسيط .

او انها استلعان من احد التجار .. مسوي فيها جذب .. وشد .

زي ماصار في ايكيا .

ياكرهي لهالاعلانات .. واخرها ابو شماغ .. وهل تريدها بكرا .

يمكن تصير ورقة التعداد محد كتب عليها خخخخخخخخ .. >>فهمتوها ؟

سلامن عليكم.

[البـاحث]

اما انهو جوال وعليه شماغ
او عصير وعليه شكل شماغ
او دلخ وعليه شماغ

خخخخخخخ




هذا الأسلوب قديم في الإعلان حتى الغرب ماعاد تشوف عندهم هالحركات البايخة :mad22:


وحنا عندنا حاسبينها موضة ولا حركة خنفشارية او شي جديد تخلف

ولا اعلان ابو الصفر الجديد حق الجوال وين ياخي :indiffere <<< مدري احس نفسية الولد الي جاء مكان الصفر زي الإبتسامة متحطم صفر ما يسوى شي


بعدين عندك أكثر شي يقهر حقين دعاية بامبرز ياخي ما يستحون على وجيهم مسلسل ذا ولا كيف؟ لا و حفايض

يمكن تصير ورقة التعداد محد كتب عليها خخخخخخخخ .. >>فهمتوها ؟

هههههههههههههه

[MoaeD]

خخخخخخخخخخخخخخخ الله يرجك ..


من جد تحس ابو شماغ صارت عياره ..


وعلى فكره تراه رز .. يعني كبسه بتاعت السعوديين لازم تكون ابو شماغ

[DE NILSON]

ايش الهرجة يا هارب والله مافهمت

[HArb200]

الباحث ,,
ياخي ممثلين بامبرز .. ما بزاهم طاش ماطاش .. يبون الشهره .. يالله لك الحمد .:shock22:

مؤيد ,,

رزز .. ابوشماغ ورز ؟.؟؟؟

سؤال للاذكياء .. جائزته 100ريال .. الاجابة في ثلاثين ثانية .. >>أفلقني ان جبت الجواب

س/ مالعلاقة بين الرز والشماغ؟؟
والسؤال اللي بينتحر مالقاله جواب .. مادخل السعودي في ام السالفة؟

دينلسون ,,
ياخي خذ لك لفة على شارع المكرونة وشارع التحلية .
وقز .. قز يمينا ويساراًُ .


بقى سؤال .. وش هي اللي تريدها بكرا؟؟ ..

انا ماشريت جريدة امس .. فيبدو انها فاتتني

[Kubaj]

الله الله .. يبو عبدالله

[DE NILSON]

هههههههه علي عوض

[D0WN~T0WN]

هههههههههههههههه (صورة خوباج)
شفت اللي على اليمين عقاله واصلن لخشمه>>> جحد راعي الموضوع
واللي على اليسار عندنا واحد بالكلية تشخيصته العن من كذا عاد مادري اذا هو يروج لدعاية كوكاكولا بشكل غير مباشر

هل تريدها بكرا ؟

لا اليوم

هارب لاعاد يكثر غيابك ترا عديت ال25% وانااخوك

[Trapped Inside]

ايه السعودي هو ابو شماغ ...

ياخي ما تشوف دايم الابوان يصجون عيالهم " البس شماغ خلك رجال " ..

وهذا الي حصلناه ..

بس من جد اشكالهم غلط .. الظاهر انهم من جده .. عشان كذا مو غريبه " من دون اهانه " ..

[ثريول]

السيد المفضال الأنيق / خوباج ,
خخخخخخخخخخخخخخخخخخخخخخخ .. ذكرتني براعي الددسن اللي كان يدور في الفريج على العصرية ويبيع صفيحة وزعتر , أيام الطفولة .. فوتو كوبي من بوالشباب اللي منسدح بشكل استفزازي في صورتك الشخصيّة .

[Pr.Game]

ابو شماغ = طالب بمدارس الفلاح " السجون الروسية " ..
خلو الشماغ فرض من الفروض .. ..

يالله كلها سنة ونفتك منه ...

[][-][Mr.ZeNoN][-][]

أكثر دعاية يرفعلي ضغطي ((ليش ماتشرب لبن أكتيفيا؟؟))


يا جماعة فهموني!! أحد يخزن صورة لبن بالكمبيوتر؟؟؟؟

[MoaeD]

اخوي هارب المحترم .. بعد التحيه وحب الخشوم

العلاقه هي: ان تكون الرزوز مسعوده وبالتالي يقوم السعودي ثم يلبس الشماغ ومن ثم يصبح الرز سعوديا ولابسا الشماغ

ولهذا سمي ابو شماغ

فنرجو من معاليكم الأطلاع على ما ذكر اعلاه والله يرعاكم

ابنك المواطن ميجان ابو ظفر

يا جماعة فهموني!! أحد يخزن صورة لبن بالكمبيوتر؟؟؟؟

أبو شماغ دايم يخزن صورة اللبن بالكمبيوتر

[HArb200]

خوباج ,,
هذا اللي اقصده بدلخ وعليه شماغ .

داون تاون ,,

اشوى انك صافط ام المنتدى من سنة الف وخمس ميلاديه .

مؤيد ,,

جوابك غير مقنع البته ..

واستنادا الى ذلك .. مافيه مية ريال ..

ولكن الرز هذا يبدو اني بقاطعه .. بما انه يستخف بعقولنا .

اجل بالله رز اسمه .. ابو شماغ!!

بالفعلا الا الحماقة اعيت من يداويها .

ويبدو انكم جحدتوا موضوعي ..

ترا فيه اعلان ثاني .. اللي بيجيب خبره .. له مني الف جنيه استرليني

[Pepsi Kun]

خخخخخخخخخخخخخ ابوشمــاغ والنعم <======

خخخخخخخخخخخخ اما اعلان كوكاكولا كللللهم علي عوض ونصــهم من طريق قبيلة ايشبك ..

خخخخخ الشمــاغ قسم بالله اكثر مايقهرني لمــا تشوف فلم امريكي في واحد امريكي ملبسينه شماااغ >_<

في فلم داي افتر تومورو >__< انواع البهلله يقولون سعودي ومخلينه يقول انا لا افهم خخخخخ

يعني سعودي غبي خخخخخخخخخخخ

تحيــاتي للمخضرم هاارب