MGS3 Demo الآن بين يدي (قصتي معاها + تقييمي للديمو و إنطباع بسيط)
بسم الله الرحمن الرحيم
السلام عليكم و رحمة الله و بركاته,,,
=============
تعريف للعبة
*********
أعتقد ما يبيلها تعريف لأنها علامة الجودة بالنسبة للبلاي ستيشن 2
ندش في الموضوع مباشرة , بالنسبة لقصتي معاها , إسمعوها أو إقرؤها:
=============
قصتي مع الديمو :
كالعادة و أنا قاعد أفتر بين المنتديات الخاصة بموقع الألعاب العربي , دخلت على منتدى ميتل جير و شفت موضوع الأخ العزيز The King of Roma : Totti عن نزول الديموصعقت الصراحة , ما توقعت إنه ينزل على النت , لأنه أتذكر قبل كان هناك مواضيع تقول إنه الديمو تمت سرقته من معرض E3 السابق , طبعاً أنا ما صدقت خبر و رحت نزلت الديمو على طول , النسخة اللي فيها فقط لعبة ميتل جير , أما النسخة الكاملة للأسف ما لقيتها , لكن ميتل جير تسوى كل الألعاب الثانية , لكن ودي اشوف عرض جران توريسمو و ألعب راتشيد <<< الله يذكرك بالخير يا JAK7 هو اللي خلاني أهتم في اللعبة , المهم ننتقل إلى النقطة الثانية , بعد ما نطرت شوي , نزلت اللعبة , على طول نسختها بالـ DVD Writer مالي , عن طريق البرنامج اللي حطه العبقرينو The King of Roma : Totti اللي ما خلا شي إلا و حطه يعجبني الشقردي :icon6: , بعد ما نسخت اللعبة على الديفيدي , ركبت الشريط بالجهاز , و دخلت على قائمة غريبة الظاهر إنها للمجلة , المهم الشي الوحيد اللي يشتغل هي لعبة ميتل جير , المهم دشيت اللعبة و جربتها , الصراحة بداية اللعبة خطيرة , الرسومات من البداية تدوخ و راح تشوفون بالصور اللي أنا بضيفها بالموضوع , ما شاء الله 26 صورة , تخيلوا معاي , أبيكم تتمتعون و تشتهون اللعبة :icon6: , بحرق اللعبة عليكم
<<< هذي أشكالكم بعد ما تشوفون الصور , هههههه , اللعبة قوية حيل , تقريباً التحكم مشابه لميتل جير السابقة MGS2 , لكن لاحظت شوية بطيء في اللعبة , يمكن علشان الديمو تعبان أو الديسك اللي أنا نسخت عليه شوي بو طقة مع إنه بدينارين , TDK , لكن الصراحة اللعبة ممتعة , خاصة عرض البداية اللي أعتقد إنه الكثير منكم شافه , سنيك كوووول :icon6: , أحلى شي الملابس اللي عنده الخاصة بالتخفي , أنا أفضل الـ Olive مع إنه مرات ما يتناسب مع كل البيئات لكن أموت عليه كوووول , للأسف اللباس الناري مو موجود باللعبة على ما أعتقد , و رسمة وحده للوجه فقط , شنسوي بعد ديمو مو اللعبة الكاملة , لكن الصراحة مو عاجبتني القوائم , لمن تضغط R2 تطلعلك قائمة الأسلحة السريعة على الجهة اليمنى , أما إذا ضغطت على L2 تطلعلك قائمة فيها جميع الأدوات الخاصة بالرؤية أو الـ Navigation و السيجارة طبعاً , أما الأطعمة كلها موجودة بالـ Survival Viewer <<< ميتل ريزدنت سنيك , مشكل
, ما عجبني المفروض الأطعمة تكون مثل الأجزاء السابقة , لأنه في بعض المرات , لازم أحط على الأطعمة , علشان إذا أرواحي وصلت إلى آخر حد أتوماتيكياً ترتفع الأرواح <<< هذا اللي يعجبني بالجزء الثاني :icon6: , الثالث أعتقد اللعبة الكاملة راح تكون فيها صعوبات خاصة في القوائم
, الجنود أغبياء و سهلين حيل , و الـ CQC موجود في اللعبة , كووووول , بس تقرب عند أي عدو , يعني مثلاً تروح وراه و تضغط على زر دائرة , سنيك يمسك العدو و يخنقه و يستعمله كجدار بشري , كوووول :icon6: , أخيراً , ما أقدر أقول إلا إنتظروا النسخة الكاملة , لكن أنصحكم أيضاً تجربون الديمو , لأنه مافيه سبويلرز , يعني اللعبة ما راح تحترق عليكم و تصير أشكالكم جذي >>>
, بس الصراحة الديمو , يخلي الواحد , يلغم نفسه علشان يفجر مبنى كونامي اللي قاعد فيه الشيخ كوجيما بن متعب
المهم أنصحكم تطالعون الصور علشان تحترقون شوي :vereymad:في الرد الثاني طبعاً.....26 صورة يا شباب , الليلة عيد
[/img]
شي محزن
!!
.س.ل.م.ل.م. 
