الى متى الانتظار يا كابرس ss 2005

[the_hex_13]

السلام عليكم و رحمه الله و بركاته

اخواني اذا عند احد فيكم اي علم عن التغيرات الي بتصير على الكابرس اس اس 2005 او متى راح تنزل علموووني تكفوون!!

لاني حاجز اس اس 2005 اسود من عند العيسى و كل يوم و هم يقوولون بكرا...الاسبوع الجاي..بعد 10 ايام

طفشوني من كثر ما يصرفون كنى اشحتهم السياره او اني بأخذها بلاش

و ابي اسألكم عن مميزاتها و عيوبها و راجاء تكوون من مجرب لـ2003 و فوق و تكون متاكد من كلامك ...

و شكرا لكم تحياتي...

[D0WN~T0WN]

مااظن انه بيتغير فيه شي عن 2004

معي 2004 والموتر ممتاز لكن فيه عيب بسيط وواجه كثير من اللي معهم الكابرس اس اس وحتى اللومينا
وحدة من الدرايش (النوافذ) ماتنصك

والا الباقي تمام

وبالنسبة لموعد نزول السيارة فهو الاكيد على اخر اكتوبر يعني بعد 10 ايام

وترا الجميح تنزل عندهم السيارة قبل العيسى

[كابرس 2004]

مقدما اقول لك يالغالي مبروك


ابد الموتر في قمة الروعه انا معي كابرس LTZ

والله اني حار على الموتر وطمر ارصفه << خصوصا الجامعه

وماكل به مطب وانا على سرعه 140 والله حتى الزيت ماخر

توكل على الله وبنسبه لداريش انا اول مره اسمع بها

بس ترى الكابرس مايحب الدلع يعني لابد من التدعيس والحركات هذي

تحياتي لك

[the_hex_13]

هلا وغلا فيكم اخواني الاعزاء شكرا للكم على نصائحكم و اراءكم الي بتفيديني ان شاء الله

بس عندي كم سؤال عن السياره

1)ايهما افضل العيسى ام الجميح؟؟؟

2)المسجل صوته واضح ولا يعني؟؟عطني رايك عنه و اذا كنت مركب شي عليه ؟؟؟

و اتمنى الا اكون قد اطلت عليكم او ازعجتكم بأستفساراتي

[المغوار]

انتوا تمدحون في الكابرس طيب وكلام الناس اللي نسمعه عن الكابرس ..وش تفسيره.
انا اعرف واحد عنده كابرس 2002 وهو متحسف انه خذ كابرس ...انواع الخرابات والمشاكل وهي توها 2002..
انا ودي بكابرس بس خايف..
في ناس واجد يقولون ان 2004 غير واللي اشوفه انا ان كل الموديلات من 2000 وطالع دمار لانها نفس قطع الغيار
يعني 2004 اصبر عليه سنتين وراح تشوف وش بيصيرله..

يازين الياباني ..
واذا كانت معلوماتي خطأ صححوها..
اللي معجبني سيارة 2002 فيها خرابات ومشاكل لو تشوفها تكره شي اسمه كابرس..

[the_hex_13]

هلا وغلا فيك اخوي

اذا كنت تتكلم عن كلام الناس عن السيارات فمو لازم كل واحد يكون صادق و بعدين لا تاخذ كلام شخص واحد مجرب شف لك كم واحد مجرب السياره و اسالهم

اما عن الياباني فانا اعرف كم واحد يلعن ابوه و يكرهونه و حاقدين على عبداللطيف جميل

(((اذا كان استخدامك نظيف للسياره راح تعيش معك)))

و بالنهايه انت و رايك بس اانا ناويها ss 2005 اول ما تنزل باذن الله

[مصرقع اس اس]

انا معي لومينا اس اس 2004 لعن والديها ولا شفت منها شي مقد خربت علي اوتعطلت

ودايم اقوام فيها ومن احسن مايكون

[][-][Mr.ZeNoN][-][]

السيارة والله العظيم إنها خرده فلا تأخذها!!!

حنا أخذنا لومينا ((نفس تصنيع الكابريس))
وإقسم بالله العظيم إنها كم شهر إلا والمحور الدفع تخبط ((يا سلام عمري ما شفت سيارة محورها تخبطت والسيارة مالها شهر ))

[RX330]

والله السيارة من نظري ممتازة والشكل ما راح يتغير من الخارج
و راح تكون فيها بعض التغييرات الداخلية مثل الراديو و المسجل والتكيف
هذا الي سامعا ومشكور لانك استشرتنا

[the_hex_13]

الف شكر لكل من ادلى برأيه

[راعي الCL 500]

الكابريس رهييب واخوي عنده الRoyal 2004 والى الحين ماشي معاه زي العسل وصار له 3شهور


معها والى الان ما شاف فيها اي خراب والحمدلله


وكان عنده قبل الكابريس مكسيما موديل 2002 شاف خرابات فيها ما شافها ابد في حياته ولعن

الساعه

الي راح واشتراها ولما راح يبيعها ما يابتله شي هو شارنها بـ80.000 وباعها بـ52.000:vereymad:


اقولك اخوي خذ الكابريس لانه عليه اقبال كبير وخاصه هذا الموديل الجديد وكم واحد من الشباب عنده

الSS وطيحوا بيهم ريسات مع سيارات معروفه في الريسات

وابارك لك من اللحين

وسلام

[][-][Mr.ZeNoN][-][]

الكابريس رهييب واخوي عنده الRoyal 2004 والى الحين ماشي معاه زي العسل وصار له 3شهور


معها والى الان ما شاف فيها اي خراب والحمدلله


وكان عنده قبل الكابريس مكسيما موديل 2002 شاف خرابات فيها ما شافها ابد في حياته ولعن

الساعه

وسلام

ماشاء الله..(3شهور؟؟؟؟؟ فقط؟؟؟)
أصبر على السيارة..أصبر عليها....

بعدين المكسيما معروفة بأنها تتعب بسرعة

[the_hex_13]

هلا فيك اخوي: راعي الCL 500

و الف شكر لك على النصيحه

والله يبارك فيك


اما بالنسبه لك اخوي:Busta Rhymes

انت تكره الكابرس و الامريكي مررررررررررررره :vereymad: فما اقدر استند على رأيك و على كلامك الكابرس ما صارت سياره صار سيكل الهنوود احسن منها

[][-][Mr.ZeNoN][-][]

اما بالنسبه لك اخوي:Busta Rhymes

انت تكره الكابرس و الامريكي مررررررررررررره :vereymad: فما اقدر استند على رأيك و على كلامك الكابرس ما صارت سياره صار سيكل الهنوود احسن منها

أول نقطة هامة الكابريس مو أمريكي الكابريس أسترالي

ثاني نقطة الكابريس واللومينا نفس التصنيع

وأنا بالعكس أنا أحب وأموت بالأمريكي

بعدين أكره أم السيارة لانها ضيعتنا 85ألف ريال على سيارة
(((الوكالة الوكالة الوكالة الوكالة الوكالة )))) ((((ورشة ورشة ورشة ورشة ورشة ورشة ))))

صرفنا مافوق الـ35 ألف ريال قيمة الصيانة ((المشكلة كنا في أمس الحاجة للسيارة))

بعناها وشرينا بدلها الكورولا ((المستعملة ريحتنا وفكتنا من الملعونة :vereymad: ))

لهذا السبب أنا حاقد على السيارة :vereymad: :vereymad:
فنصيحة لكل طيب لا تشتروا اللومينا والكابريس

[مصرقع اس اس]

السيارات ياحبيبي حظوظ

يمكن تشتري ياباني مثلن كامري ويلعن ابوك خرابات كل يوم بورشة

اذا وفقك الله فيها حتى لو انها سيارت كثير خرابها يمكن ماتخرب عليك