سؤال عن سعر كرايسلر 300c

[ALcATRAZ]

شباب وش رايكم بكرايسلر 300C الجديدة
وهل في احد مجربها يعطينا معلومات عنها

وابي اعرف كم سعرها...تبدا من كم الى كم؟

وشكرا مقدما

[ALcATRAZ]

معقولة محد يعرف!!!!!!!!!؟؟؟؟؟؟؟؟؟؟؟؟؟؟؟

[.::RaK_BoY::.]

حالي حالك ............

[ALcATRAZ]

هلا بك أخوي ooBaHaMuToo
حالك حالي

ياشباب .. نبي معلومات عن السيارة إذا أحد مجربها أو يعرف أحد مجربها...ياليت تفيدونا..!

[Arbeit_Macht_Frei]

88,000 =====>130,000

[رايق جدا]

هلا بك اخوي سعر السياره مايتعدى ميه وخمس وثلاثين الف قابل للزياده يمكن تسألني ليش لان الطلب عليها خيالي انا عمي حاجز له شهر اللحين والدفعات الجايه ماتجي الا بعد 6 شهور وهاذا كلام مندوب المبيعات بالرياض من وكالتها المتحده للسيارات
السياره فخمه وحلوه لكن عيبها الوكيل الدمااار وغير ذلك كثره البلاستيك المستخدم على الطبلون الداخلي عند فتحتات التكييف والمسجل
وعلى فكره صرفيتها عااااليه جدا بالوقود لانها ماتجي الا 8 سلندر ويقوولون يبي ينزلون منها السنه الجايه موديل 6 سلندر وغير ذلك المقاعد الخلفيه ضيقه شوي يعني مقاعد الكروان فكتوريا بالخلف اوسع منها وغير ذلك قطع الغيار الغاليه شوي يعني قطع الكابرس الجديده ارخص منها
من مميزاتها
تصميمها القوي والمميز بالشكل الخارجي
مكينتها القويه ونوع محركها هيمي اللي اشتهرت به دودج في الخمسينات والستينات نظرا لقوته العظيمه
وعلى فكره مكينتها 340 حصان يعني تقوم فيها على لكزس بالراحه
انشالله اخوي اكون افدتك بمعلوماتي المتواضعه

[DE NILSON]

والله ياجماعة سعر السيارة طيب لشكلها

ولكن جب اللكزس وبس

[ALcATRAZ]

A_F_Lover : شكرا لك أخوي

رايق جدا : تصدق ماتوقعت الطلب عليها كثير.... لكن السيارة تستاهل أكثر من هذا المبلغ صدقني
أنا أول ماشفتها بالشارع عطيتها 350 الف....تصدق

وبالنسبة للعيوب اللي ذكرتها...ما احس انها عيوب كبيرة..
الضيق الخلفي...اعطى للسيارة من برا هيبة أكبر...طالعه كانها (فانتوم) في هيـبـتها
واللي بيشتريها..أحس مب شاريها عشان قومات..أو قوه..شاريها عشان يكشخ فيها....لان السيارة (رزه)..وشكلها ثقيل

أشكرك أخوي على الافادة....ماقصرت


DE NILSON : السيارة رخييصة من جد... يابلاش.. بالنسبة لشكلها

ولكن جب اللكزس وبس

انت تقصد جيب لكزس؟؟؟؟؟
أخوي ماتقدر تقارن جيب بسيارة سيدان!!

[ALcATRAZ]

ان شاء الله بجيب لكم صور للسيارة قريب

[.::RaK_BoY::.]

هذي صور

[.::RaK_BoY::.]

و هذي من داخل

[ALcATRAZ]

الف شكر لك أخوي ooBaHaMuToo على الصور
وهذي صور زيادة من عندي بالمرفقات...ان شاء الله تعجبكم

[ALcATRAZ]

عطوني رايكم في الصور والسيارة

[][-][Mr.ZeNoN][-][]

أهم شيء إن أعطالها ماتكون كثيرة سواء أكان فنية أو ميكانيكية مثل اللومينا..

إذا خراباتها مو كثيرة تدخل في بالي

ولهذا السبب واثق باللكزس ثقة عمياء ((10 سنين بدون صيانة إلا أشياء بسيطة بعدها ماتطلبك بشيء))

لكن خسارة سيارتنا صارها حادث

ويارب ترجع زي أول

[ALcATRAZ]

شكرا على مرورك أخوي Busta Rhymes

ومشاكل السيارة الفنية والميكانيكية بتبين بعد التجربة.. والسيارة جديدة..يبيلنا نصبر عليها شوي

لكن ابي رايكم من ناحية التصميم؟

رأيي تصميم السيارة روعة ولو تناظر السيارة في الشارع وتنسى اسم الشركة وفئة السيارة...راح تعتقد انها سيارة منافسة للسيارات الكبار..زي الفانتوم...لحد يفهمني غلط..لكن انا اتكلم عن التصميم...انا مافضلته على الفانتوم لكن اقول تحس انها لها نفس البوهة..والهيبة..هذا رأيي ونشوف آرائكم..