شباب ودي أشتري كامري 2002 ..مطلوب نصائحكم الحكيمة بلييييز

[الوالي99]

السلام عليكم ورحمه الله وبركاته..


هلا شباب المنتدى الأفاضل...نورتونا



ياشباب ودي أشتري سيارة كامري و نصحونا الشباب بكامري 2002 لعدة مميزات ...

وكان ودي أسئل عن سعرها و نوعها و ياريت لو تدلوني على اللوان الماشية اليومين هذي...

سريع شباب لأني مشتريها قريب أنشالله .....ويعطيكم العافية

[الوالي99]

افا شباب........وينكم ؟؟؟

[المجرم الشارد]

وعليكم السلام

اخوي اذا لقيت كامري 2002 بتلقها مستعمل

السعر يختلف اذا كانت مستعملة

عن سعر الجديدة اذا كانت موجودة اصلا الجديدة

واذا تبي مواصفات الكامري 2002 علمني

المجرم الشارد

[الوالي99]

هلا أخوي المجرم الشارد...

تسلم حبيبي على الرد ..

نعم السيارة مستعل و ياريت تعطينا معلومات عن سعرها والمواصفات الي ممكن تتوفر فيها




تحياتي لك...

[المجرم الشارد]

اسف اخوي على التاخير



السعر يختلف باختلاف المكان



لهذا انا اعطيك المواصفات وانت تشوف الانسب لك



هذه بعض مزايا الكامري 2002



تتوفر الكامري بمحرك أربعه سلندر 2.4 لتر المزود بنظام البلوف (variable valve timing (VVT-i بقوة 175 حصان و الذي يكفي لقطع 23 الي 32 ميل للقالون داخل المدينه و على الطرق السريعه



. كذلك توفرت الكامري بمحرك ستة سلندر بسعة 3.0 لتر بقوة 192 حصان و الذي يكفي لقطع 20 الي 28 ميل للقالون داخل المدينه و على الطرق السريعه.



تعتبر جميع محركات الكامري مطابقه لمواصفات EPA الخاصه بالحفاظ على البيئه . توفرت ثلاث فئات من موديل 2002



و هم LE , SE , XLE . تميزت الكامري بوجود أسرع نظام نافيقاشين على مستوى الولايات المتحده والذي يعمل بواسطة ال DVD ,



هناك تغيرات داخليه كثيره في النظام الصوتي و نوع الأقمشه و الجلود المستخدمه في تلبيس الكراسي و توفر التحكم الكهربائي في وضع الكراسي و تغطية بعض الأجزاء بالخشب الصناعي



اما الالون يمكن ان تجد بالوان كثيرة لانها مستعملة



وهذي مني لك معنى كلمة كامري وهي أختصار لكلمة Kan-Muri اليابانيه و التي تعني التاج.



مع تحياتي



المجرم الشارد

[][-][Mr.ZeNoN][-][]

هلا أخوي الكامري بتلقاه مستعمل فقط إذ إن سعره بحدود الـ 30 ألف

[$$!#G-unit!#$$]

الصراحة اختيارك عين العقل لأن الكامري2002 احسن من الجديد الي هي 2003 و 2004 لأسباب الكامري 2002 تستحمل الصدمات أكثر من الجديدة وتتعدل اكثر وأنصحك بأحسن لون عندي الاسود.......
وأتمنى أني أكون افدتك اخوك.......جي يونت....

[الوالي99]

المجرم الشارد

تسلم حبيب قلبي على ردك الرائع والمعلومات التي راح تفيدني أكيد 100%...^_^

وبالنسبة للون كان قصدي ايه هي الالوان المرغوبة حالياً مثل ((الكحلي و الصدفي "لون جديد" والفضي))...

او هناك الوان جديدة غيرها...

وكمان السعر أن سئلت وقالوا لي بحدود ال40 في الرياض وحبيت اتأكد منكم...

وأكرر شكري لك أخوي والله يقدرنا على رد الجميل...

[الوالي99]

Busta Rhymes

يسلمو حبيبي على المساعدة ^_^ ..

وانا قالوا لي انه بحدود 40 الف ريال داخل الرياض..وماأدري ان الرجال يبي ينصب علي ولا وش السالفة !!

على كلاً مشكور أخوي ولا تحرمنا من ردودك الحلوة....

[الوالي99]

$$!#G-unit!#$$

يسلموا حبيبي على المرور والمعلومات الحلوة...^_^

وفعلاً اللون الاسود روعة..بس نادر وماتلاقيه متوفر..

شكراً اخوي وأنشالله نردها لك بالافراح ؛) ..



تحياتي للجميع ..

[الوالي99]

الا على طاري الأضافات..

ايه الي ممكن اضيفه للسيارة غير الكفرات والجناح الخلفي والنيكل((الأضاءة ))...

بحيث مايعطل من شكل السيارة ومايسبب ضرر على السيارة ((لحام وقص وغيره من الشغلات ))..










تحياتي..

[المجرم الشارد]

اخوي السعر 40 الف كثير

واذا على التعديلات

انشاء الله في اقرب وقت اجيب لك
صور كامري 2002 معدلة

وانت شوف التعديلات الي ممكن تسويها على السيارة

تحياتي لك

الشارد

واذا عندك اي شي ثاني احنا في الخدمة <<<< اعضاء المنتدى

سلاموووو

[][-][Mr.ZeNoN][-][]

Busta Rhymes

يسلمو حبيبي على المساعدة ^_^ ..

وانا قالوا لي انه بحدود 40 الف ريال داخل الرياض..وماأدري ان الرجال يبي ينصب علي ولا وش السالفة !!

على كلاً مشكور أخوي ولا تحرمنا من ردودك الحلوة....

40 ألف؟؟؟؟ مستهترين بك يا أستاذ!!

لقيت وحدة نظيفة بـ 35 ألف فل كامل واجن عائلي ((لمعلوماتك أعلى سعر وجدتها))

نصيحتي خذلك أي لون وإضربها بوية


لكن لاتقول للسمكري إنه توك شاريه عشان لايلعب بالسيارة ويقول ضحك عليك عشان تصلح من عنده -__-

لاني أعرف حركات النصب بالسيارات المستعملة ومتعاشر مع الوضع!!

وسلام عليكم

[الوالي99]

المجرم الشارد

لو أجعد من الحين لباكر اشكرك راح أحس اني مقصر معك ,,

تسلم حبيبي على ردك و ماشالله عليك ماتقصر...الله يعطيك العافية ,,

تحياتي لك..




Busta Rhymes

يسلموووو ياأحلى Busta Rhymes في العالم... ^_^

وكلامك عدل بخصوص النصب ...مايصلحوا السيارة الا بعد ماتطلع روحك " بعد بوكك طبعاً "

تحياتي لك..

[المجرم الشارد]

هذي بعض الصور اخوي

















هذي الصور واذا بغيت غيرها علمني انا في الخدمة

مع تحياتي لك

المجرم الشارد