تنصحوني بالجلد وإلا القماش؟

[المشهور2004]

السلام عليكم ورحمة الله وبركاته

إخواني بس بغيت منكم نصيحة

أنا راح أشتري سوبر بان Superban موديل 2005 بعد شهر إن شاء الله

وراح آخذ ملكي طبعا حجم 1500 واللون فضي معدني

كل هذي المواصفات جات على حسب رغبتي والحمد لله

لكني الحين محتار في شي واحد

تنصحوني آخذ مقاعد جلد أو قماش؟؟؟؟؟؟؟؟؟؟

لأني شفت الجلد وعجبتني فيه أزارير التحكم بالمقاعد الأمامية(مقعد السائق والراكب) وعجبتني فيه ايضا فتحة السقف

لكن القماش ما تجي معاه فتحة سقف كهربائية والمقاعد الأمامية ما تتحرك كهربائيا إلا يمكن بس تروح قدام وترجع ورا

والحين لما سألت الناس قالوا لي إن الجلد غير عملي (يصير حار ويطلع ريحة مع الشمس ويصير بارد جدا في الشتاء) وقالوا لي إن الفتحة تخترب مع الزمن ونصحوني بالقماش

وناس قالوا لي إن القماش يتوسخ بسرعة ويسبب حرارة في السيارة وثانيا ما تجي معاه فتحة ولا مقاعد متحركة ونصحوني آخذ الجلد

فأنا الحين محتااااااااااااااااااااااااار آخذ جلد وإلا قماش

الله يخليكم أنصحوني

واللي يقول الجلد أحسن يقولي هل هو مناسب مع أجواءنا هنا في السعودية من حيث البرودة والحرارة

وأبغى أشوف ردودكم سريعا

والله يعطيكم العافية.........

[.::RaK_BoY::.]

خذ لك قماش
لان انا عندي الجلد اتوسخ بالمخفي و ما يروح ابد

[][-][Mr.ZeNoN][-][]

تاخذ في الجلد في حالة:

إذا عندك مكان فيها ظل لسيارتك وقت الظهرية

أو عندك فلوس عشان تركب عازل للحرارة للدريشات

عيبه الوحيد إنه يسبب بعض الأحيان الحرقان والتعرق أثناء جلوسك سواء وقت النهار حتى مع المكيف أو الليل

ومميزاته إنه مايتشرب بسرعة مع السوائل

في هذه الحالة خذلك جلد
-----------

لكن القماش أفضل في هذه الحالات:

أنه لايسبب الحرقان والتعرق

وعيبه إنه ممكن إذا إنكب عصير ولا شي يتوسخ ((كورولتي مراتبها وووووسسسسسسسخخخخةةةةةةة بسبب السوائل))

هذا رأيي ولك حرية الإختيار

[.::RaK_BoY::.]

انا اتوسخ الجلد من المخفي و ماله حل

[المشهور2004]

مشكورين إخواني على الإفادة

طيب أنا أقول لو اشتريت جلد ونجدته(لبسته قماش) تتوضعون بيضبط معاي؟

والله يعطيكم العافية.....

[D0WN~T0WN]

جلد السوبر بان من اسوأ انواع المراتب على وجه الارض

يتشقق اسرع من غيره اضافة لان شكله خايس

خذ لك قماش وانت مغمض

[][-][Mr.ZeNoN][-][]

جلد السوبر بان من اسوأ انواع المراتب على وجه الارض

يتشقق اسرع من غيره اضافة لان شكله خايس

خذ لك قماش وانت مغمض

أيه والله نسيت!!

أي سيارة أمريكية لاتاخذها جلد

لان نوعها تعبان

[sys]

السلام عليكم .....


نصيحة اخوك لا تاخذ جلد ابد لأن الأمريكي نوعية الجلد اللي فيه نوع ردي حتى لو مدحوه لك
ما يجي ربع اللي في الألماني... واذا تبي تشوف صحة كلامي رح شف السيارات اللي جايه من
امريكا ومستعملة وفيها جلد، شف لون الجلد وش صار .... اللي اسود راح الصبغ اللي عليه واصبح ابيض ..... عاد رقعها مالها حل

يوم كان عندي كابرس وكان قماش والله كانت مراتبه دمار ولا عمري نضفتها الا بالمكنسة يوم اهتويت وديتها للتلميع
والله رجعوها جديدة بمعنى الكلمة بـ 200 ريال ....
خل العيال يوصخون زي ما ودهم اخرتها ودها التلميع ويطلعونها جديدة ....

بالتوفيق....
ابوعمر

[D0WN~T0WN]

بوستا رايمز

موب كل الامريكي
فيه الكاديلاك جيدة جدا
والكابريس واللومينا ممتااااازة وانا اعتبرها في المرتبة الثالثة عالميا بعد الالماني واللكزس

[DE NILSON]

خذ جلد


افخم واحسن

[السني 73]

السلام عليكم،،،،
شوف اخوي انا خذت يوكن من قبل ثلاث اسابيع 2005 تقريبا وفضي وقماش وفيه فتحة وكرسي مفصول وما أخذت جلد لأني جربته من قبل صراحة غير عملي وحار لدرجة أني وضعت سجادة على الكرسي واليوكن ممتاز جدا وقماشه ممتاز جدا طبعا هذا على المواصفات القطرية بس ما أدري كيف في السعودية لكن اعتقد نفس الشي لانه مخمل ناعم ليس مثل ال GX-R قماش يابس .
على فكرة شفت سوبربان مستعمل جلد معروض للبيع صراحة من داخل كريه جدا وم والسبب الجلد ولك الخيار والله يهنيك .

[عين النمر]

هذي سيارة عائلة القماش افضل
الجلد يكون في السيارات الشخصية او الرياضية

[المشهور2004]

إخواني والله أشكركم من كل قلبي على هذه الردود وهذه النصائح التي أفادتني كثيرا

والحمد لله لقد ذهبت أمس وحجزت على سوبر قماش ملكي لون فضي حجم 15 مع فتحة وDVD وكانت آخر سيارة موجودة لدى التوكيلات العالمية

وأشكركم مرة ثانية

ولكم مني أطيب التحيات

والله يعطيكم العافية......