لصوص الخليج عن البي اس بي

[RE4]

السلام عليكم

والله قهر شباب .. انا اليوم الجمعة جيت من مجمع الرحاب وقالي صاحب
المحل ان الجهاز بـ 220 دينار .. وانا كنت مجهز امية عساس
اشتريها ...

ظلم وحرامية عيني عينك .. الجهاز في امريكا ( اذا جهاز تقليدي بـ 60 واذا خاص بـ 70 )
وهني زايدين .. 160 يعني كم مرة دبلوووووووو السعر ؟؟
نفرض ان هناك جمارك وخرابيط .. نرفع السعر الى 100 << هني نقدر نقول معقول
بس 220 واااااااااااااااااااااااااااااااه

وطبعا هذا ماشي مع دول الخليج ؟؟

ردوني الله لا يردهم <<< شنسوي نجمع وشتريها لأن مافيني صبر لحد يقول اصبر

[AZPC]

انا اعاتبك على قولك
" شنسوي نجمع وشتريها لأن مافيني صبر لحد يقول اصبر "

لانه هاذا الخهاز ماله لزمة
ثانيا الجهاز يمكن تشتريه بارخص شييء عبر الانترنت ((يــاذكي))

وأخيرا اتمنى ان تتعقل في شراء هذا الجهاز الذي لايستحق كل هذا المال ((روح اشتريلك لابتوب او موبايل آخر موديل او اي شيء آخر))


و شـــــــــــــــــــــــــــــــــــــــــــــــــــــــ1000ـــــــــــــــــــــــــــــــــــــــك ـــــــــــــــــــــــــــــــــــــــــــــــــــر

[FoxDie]

ثانيا الجهاز يمكن تشتريه بارخص شييء عبر الانترنت ((يــاذكي))

اي موقع لو سمحت

ظلم وحرامية عيني عينك .. الجهاز في امريكا ( اذا جهاز تقليدي بـ 60 واذا خاص بـ 70 )
وهني زايدين .. 160 يعني كم مرة دبلوووووووو السعر ؟؟
نفرض ان هناك جمارك وخرابيط .. نرفع السعر الى 100 << هني نقدر نقول معقول
بس 220 واااااااااااااااااااااااااااااااه

شباب علشان التصحيح الشي اللي مخلي سعر PSP واصل حدود 2000 درهم او اكثر هو انه الجهاز ينباع في السوق السوداء

لانه سعر الجهاز اصلا 300 دولار في اليابان يعني 1100 تقريبا بس السوق السوداء خلت سعره 600 دولار يعني ضعف المبلغ الاصلي

اما هذيلا اللي يبيعون هني فوق 2500 درهم ترا هذيلا حراميه يعني يريدون الربح

انا اعرف محل شاري الجهاز من محل ثاني ب 2200 درهم تعرفون كم يبيعها ؟؟؟ يبيعها ب3000 درهم يعني 800 درهم فايدة وكم مرة تغير سعر الجاز وهو ما يغير السعر ماله

وعلى فكرة شو قصدك تقليدي وخاص

[][-][Mr.ZeNoN][-][]

مادريتوا إن الجهاز أصلا مانزل رسميا في مناطق الخليج العربي؟؟

خلنا على السعودية بالذات فوكيل شركة سوني بالسعودية ((مجموعة الفيصلية)) لم تنزل الجهاز رسميا ولهذا يباع بسعر جنوني والأسعار الجنونية لن تستمر سوى مدة قصيرة علما أن شركة سوني قالت أنه لن تنزل الجهاز بالشرق الأوسط قبل إلا عند النصف الأول أو بعد النصف والله أعلم من عام 2005 والحرمية نزلوها طلبية من برا فلاتشتروها إلا بعد ماينزل الحهاز رسمياً....خزى للحرمية النصابين!!


أنا والله ناوي أشتري بي اس بي لكن ماني شاريها طالما وإذا إستمر بهذا السعر......وأفضل شراء الننتندو الدي إس
ولايغركم يا أهل الخير شكل البي اس بي حاليا لما يرخص وإصبروا فالصبر مفتاح الفرج...

[MrDeath]

best thing is to wait more till it's offcialy released here then the prices will be better



MrDeath

[RE4]

مشكورين شباب

ثانيا الجهاز يمكن تشتريه بارخص شييء عبر الانترنت ((يــاذكي))

مشكور على هالجملة .. بعدين انا طالب ميتال جير قبل شهرين بالانتر نت بس وينه ؟؟
ومنو الذكي الحين ؟؟


بخصوص رسمية الجهاز << شباب انا والله متحمس للجهاز
بس شنسوي ننتظر واي خير جديد اتمنى اني اتلقاها

[Arnegrim]

انصحكم انكم تتريون ألين ما ترخص الأجهزة لأن حتي الPS2 الصغيرة نزلت عدنا في الأمارات ب750 درهم مع انها نزلت برع ب400 درهم أو أقل بعد

[evil eye]

السلاااااااااااااااااااااااااااااااام................ياجماعة الخير أحنا في البحرين الأسعار جنونية إلى حد غير معقول ,,,,أتصدقون أن PSP في البحرين ينباع 280 دينار واليوم رحت أسأل محل ثاني (يمكن سعره أقل) جاوبني وقال : الجهاز للحين ما وصل وإذا وصل راح أكون سعره 300 دينا ر؟؟؟؟؟؟ يا ناس يا عالم ما هذا الجنون ؟؟؟؟؟ قاموا يستغلوننا أصحاب النفوس الضعيفة ؟؟؟؟ لكن نصيحة مني ياشباب أنتظروا حتى يصل الجهاز إلى مناطقكم من قبل الوكيل

[FoxDie]

شباب احب افرحكم اشوي PSP نزل سعره الحين العادي ب 1500 درهم تقريبا واللي فيه الميموري وباقي الاشياء الثانية ب 1950 درهم تقريبا

وتحياااتي ....

[DREX]

انصحكم انكم تتريون ألين ما ترخص الأجهزة لأن حتي الPS2 الصغيرة نزلت عدنا في الأمارات ب750 درهم مع انها نزلت برع ب400 درهم أو أقل بعد

لا واقل من هذا بعد .. اذكر اول مرة نزل فيها الجهاز الياباني ... باعوا الجهاز بـ 4000 ... وإنا خذته بـ 3000 (( صدق ما عندي سالفة )) .. فليش نضيع فلوسنا خلونا نتريا الامريكي شهر 3 .. وكان الله غفورا رحيما

سلااااااام