جموعة صور اللومينا ((بونتياك جي تي أو))

[][-][Mr.ZeNoN][-][]

والله رهيبة السيارة..

لكن متحسف على الخرابات..



لاحظوا مكينتها مختلفة عن اللي عندنا..اللومينا إللي عندي كانت 6 سلندر
وشفت شكل الـمكينة أبو 8 سلندر لكن هاذي شكلها مختلف



من الداخل خطيرة..طبلون اللومينا الجديدة..مغرية..



ياحبيبي!!



نسخة عن اللومينا كوبيه..



السيارة من الأسفل



منتظر آرائكم على السيارة..

وسلام

[wolverine]

مشكور على الصور الرائعه


وللعلم السياره محركها سعته 5700 سي سي وبقوة 350 حصان


بس الواضح ان شكلها زي اللومينا كوبيه ... مافيش اختلاف في الشكل


وشكرا على الموضوع

[راعي الجي تي آر]

الله الله
القيجات عذبني لونها
تسسلم

[D0WN~T0WN]

رووعة كعادة هولدن

والمكينة نفس اللي عندنا بس الغطا هو اللي متغير شكله

ال2005 غيرو مكينتها لLS2 بقوة 400 حصان !!

وترا فيه فيلم اكشن نزل في امريكا اسمه the last ride
وكل الفيلم دعاية للسيارة وهذي وصلة للفيلم اضغط هنا

تحياتي

[][-][Mr.ZeNoN][-][]

أخوي داون تاون..

توني إكتشفت شي باللومينا..

يعني بالله عليك إحنا أعجبتنا السيارة وخليناها سيارة شبابية..

وصارت لها سمعة جيدة هنا..بالبلدان العربية ..

الحين أمريكا خلوها سيارة أفلام والله وأحس الأمريكان تافهين!!

أولاد عمي يبوا يشتروا لومينا كوبيه قلت لهم خراباتها كثير..

قالولي لي أنت عشانك أخذت السيارة من..الجميح..

قالولي وأسمع إن الجميح وكيل نصاب..

ولو أخذت السيارة من توكيلات الجزيرة مالقيت هذه الخرابات كلها..

وبعد الصيانة الثالثة بدأت الخرابات وقبل كذا محور الدفع تكسر والسبب ((عيب تصنيعي))

بعد كذا بدأت الخرابات..بعد الصيانة الثالثة..

لان سيارتي من الجميح..فهل هذا صحيح؟؟

الله يعين أولاد عمي مصرين على اللومينا كوبيه..

[Dark Watch]

الصور عجيبة وكل شي عجيب بس ابناء عمك بياخذون اللومينا خلهم ياخذونها ممكن هالمرة
تجيهم مافيها عيوب ممكن

تعجبيني يالكول واسف على الي حدث من قبل يومين

[D0WN~T0WN]

اول شي
الجميح عصابة او منظمة اجرامية وموب وكيل
هو بعد مااكتسب السمعة ماعاد صار يهتم بالزباين ولا بالصيانة

انا يوم كانت معي كابريس 2001 كنت اسوي الصيانة الدورية بورشة بالصناعية ولااحلى ارخص ويشتغلون بامانة
وبعدين صيانتهم نصب* نصب يغير زيت وفلتر قال سويت صيانة شاملة

وغير الصيانة الفضايح اللي تطلع من فترة لاخرى
اخرها بالصيف اللي راح
باع كابريس مستعملة على انها جديدة! يعني وش تبي اكثر من كذا

وفعلا احتمال كبير ان يكون المشاكل جت من صيانتهم
واحد من الشباب معه كابريس ls 2001 الظاهر انه مادخلها الا صيانة الاف كيلو بس والباقي برا
والحين السيارة ماشية فوق ال80 الف ولا اشتكى منها ماشالله مع ان استخدامه بشع للسيارة لدرجة انه مايحميها ابدا

عموما اذا اولاد عمك بجدة او الشرقية فلايتعدون التوكيلات العالمية
اما اذا انهم بالرياض فالعيسى اصرف بكثير من الجميح
صيانتهم سريعة وتعاملهم حلو والاسعار ارخص

[][-][Mr.ZeNoN][-][]

وأنا أقول ليش سيارتي تخرب؟؟

أنا كل ماخربت سيارتي أوديها الجميح..لا إله إلا الله..

بالبداية كنت أحسب إن كلامي غلط..

إلا بعد أن قلي أحد الناس أن جمس وكيل الجميح قلى بعد ماخرجت السيارة من الوكالة في صيانة الـ10 آلاف بدت الحرارة السيارة ترتفع ورجعها الوكالة قالوا أن الرادييتر مفصول وأحد عمال الصيانة نسي يشبك الرادييتر ((حسبي الله ونعم الوكيل ))

إلا وأنت بعد أكدت لي إن كلامي صح لاني كنت أشك بالوكالة..


حتى إني مع الوكالة كنا نتهاوش إلى أن وصلت الموضوع مضاربة باليد..

بعدها كرهت أبو أمها الجميح ومارحتلها مرة ثانية..والحمد لله في واحد كان بيدخل المعرض ((شايب)) نبهته وقلت إن الجميح وكالة نصابة فروح للعيسى أصرف لك..راعي المعرض مات من القهر والغيظ!!..

جاني الراعي وقال بشتكيك الشرطة قلت له أعلى مافي خيلك أركبه لو تجيب المباحث ماني خايف رفع الجوال وإتصل بالشرطة وأنا هربت خبيت السيارة وبعتها على طوول..

وشكرا على المعلومات والله إني غلطت في حق سيارتي!!