بكم أسعار السيارة الكوبيه (سبور؟؟)

[][-][Mr.ZeNoN][-][]

ألو؟؟

السلام عليكم..

أعزائي والله ودي أسأل عن السيارات هاذي,,الجديدة والمستعملة..

لومينا كوبيه
موستينغ الجديدة
نسيان 350 زد
كاديلاك إكس إل آر


ولكم خالص التحيات..

[Dark Watch]

انا اعرف ليش تسال حق اولاد عمك بس نصيحة من مجرب مالك غير الموستنج

صدقني الجديدة الموستنغ نسخة طيق الاصل من الانيلور الموستنغ موديل 1967 فالاحسن تقنعهوم ياخذونها والله عجبية من الداخل والخارج
خلهم ساخذون رصاصي ومن الداخل اسود والطابلون المونيوم فل اوبشين ممكن ب 150.000 درهمم
بس اللومينا الكوبي ماتنفع حادث وغن عليها السلامة
وبعدين الزد الجديد احسة سيكل انا :chairshot

وماشي غير الالموستنغ

نصــــــــــــــــــــــــــيــــــــــــــــــــحة الموستنغ تطير طير في الشارع قوية
تماسك حلو قطع غيار رخيصة :Thinkingo
بس شو رايك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[][-][Mr.ZeNoN][-][]

مشكور على النصيحة يا XAIMER

لكن أولاد عمي غيروا رأيهم عشان سمعوا إن وسائل الأمان ضعيف باللومينا..خصوصا بعد الحادث إللي سويته..

فقرروا إما موستينج أو نيسان زد أو كاديلاك إكس إل آر..يبوا سيارة كشششششخة والكاديلاك الكشف والزد مرة عجبتهم..وياليت تجييلي أسعارهم..

والله لو الخيار بيدي أخذت موستينج لاني أعرف إنها الأقوى بينهم وتعيش وماتطلب..وبالذات أسعار القطع رخيصة ومتوفرة أكثر من البقية..غير إن صرفية بنزين تخوف وزيت كثييير وكفرات مقاس رياضي..

وشكرا..

[mod]

السلام عليكم
شلونك][-][Mr.ZeNoN][-][

بالنسبة للكاديلاك سعرها تقريبا ً 330000 ريال
and thats too much

النيسان زد سعرها 145000 ريال وانا اشوفها مناسبة

الموستنج سعرها 120000 ريال في هذي ما ادري وش اقول لك

ملاحظة : هذي الاسعار تقريبية لأنها تبع الموديلات السابقة ... يعني مو متأكد 100 %

والمعذرة اذا قصرت .

[أبو الغضب]

والله شوف أخوي
أنا أقول انهم يختارون بين الاثنيين
إما الزد الجديده ..... أو الموستينج

الزد قويه بمحرك إقتصادي جدا بالمقارنه مع الموستنج وتصميم داخلي وخارجي في قمة الابداع وإذا كان لهم نية تعديل على الموتر فبيلقون كثير من الشركات اللي منزله قطع تعديل وأزيدك انه سعرها ماسك أكثر من الموس بس قطع غيارها متوفر بشكل أقل من الموس

الموستنج حلوه جدا . 300 حصان للـ 8 سلندر وصميمها الخارجي روووعه أما الداخلي فلك عليه شوي .. الميزه الحلوه فيها انها تسع لـ 4 أشخاص على عكس الزد اللي بس تكفي لشخصين وعندك قطع غيارها متوفر بشكل أكثر من الزد بس عيبها انه يطيح كثير من قيمتها بعد الاستخدام لفتره معينه أكثر من الزد وشيء ثاني انه صرفيتها أكثر من الزد لانها 8 سلندر

يعني الصراحه فيه تافس حلو بين السيارتين ولكل وحده منهم ميزتها اللي تميزها عن الثانيه
بالنسبه لي لو باخذ سياره رياضيه بأختار الزد الجديده لانها أفخم وقليلة مشاكل مثل ماهو معروف عن الياباني وبعدين الفرق بينها وبين الموس بس 10 حصان تقريبا مع انها 6 سلندر وهذك 8

[Dark Watch]

بس 10 دقايق بجيبلك اسعارهم بالدولار بعد

[Dark Watch]

الكاديلاك الجديد السبورت XLR
سعرها مبتدا من 281305.5 درهم\ريال سعودي يومممكن السعر يختلف على حسب المواصفات
صورها



من الداخل
.



خمس دقايق وبتجيك الزد بنفس هذا الشرح so wait

[Dark Watch]

الزد 350 مواصفاتها حلوة
السعر تقريبا 160.000درهم وممكن نازل ومرتفع

[][-][Mr.ZeNoN][-][]

مشكور يا أخواني لكن إنصدمت لما شفت الكاديلاك بـ 370 ألف ريال فوق كذا راكبين فقط..حنا نبي أربع ركاب..والله الله بدون كاسيت نسمع فيه محمد عبده سامري عدني شعيبيات 14 أطلق شريط لكن للأسف.....بدون كاسيت؟؟

الزد أحسن لي..شكل وقوة ولا أطلق من الزد..

يبيوا بالعربي سيارة شششششششششششكككككككككككككككككلللللللللللللللللللل

الزد أنسب لهم..

طيب طلب آخر ومعليش إستحملوني لكن أبي سعر الجولف كوبيه جي تي آي...وشكرا على التواصل..

[أبو الغضب]

أعتقد انه الجولف الهاتش باك بـ 85000 ريال تقريبا .... هذا للـ 3 باب
أما الـ 5باب فأعتقد انها بـ 75000 ريال

بس مافيه مقارنه بين دفع خلفي ودفع امامي
وبعدين صحيح الجولف حجمها أصغر بس ترى وزنها ثقيل مره وهو مقارب لوزن الزد واللي هي أكبر منها مع فرق كبير في القوه

[مصرقع اس اس]

خذ زد تراه فله ومو منتشره عندنا