هيه شريت سياره

[عروسه الخليج]

والله شوفوا انا ما ابي اقص عيكم و اكتب بمنتدى السيارات و انا ما اعرف الا اسم سيارتين ( مرسيدس\جاكوار)
بس كتبت بهالمنتدى لأني متشققه من الوناسه ..
سرت 18 و شرا لي ابوي سيارة ..
الكل يبارك لي
عندي مرسيدس بعد لمن الحين ما خذيت الليسن خفت اسوق السيارة .. بس شكلها حلو ..( كل يوم اطالعها و اصورها بتلفوني) ..
ياله كلمن يدخل يبارك لي على سيارتي و يدعيلي اتعلم سواقه ..

[][-][Mr.ZeNoN][-][]

مبروك ياأختي على السيارة

لكن حافظي عليها لان المرسيدس معروف جدا إنها غير عملية..ببساطة لازم يكون إستعمالك بأنظف مايكون..لان خراباتها كثيرة وبتتعقدين منها..

رح أكون أول من يفيدك..

إذا سيارتك جديدة..

طالعي بالعداد المسافة ((عداد الكيلومترات)) وتجدينه عند العداد السرعة ومثلا سيارتك مشيت ((000170)) فقط

لازم كل 2500 كيلو تغييرين زيت مكينة وزيت قير حتى تحافظ السيارة على عزمها وقوتها لان تغيير الزيت يمنع من تآكل المحرك..

ولازم كل 10 آلاف كيلو متر تروحين بالسيارة الوكالة يغيروا جميع الزيوت والسيور وفلاتر وصيانة شاملة وأن يتأكدوا بأن لايكون فيها عيب تصنيعي..حتى 60 ألف كيلو تنتهي الضمان...

وإن شاء الله تمشي السيارة معاكي تمام..

وفي النهاية........السلام خير الختام

[Azerothian]

حبيبي مستر زينون وين عايش انت؟ المرسيدس خراباتها كثيرة ؟
آسف، اختلف وياك
احسن واجمل وافخم سيارات العالم ولا فيها خرابات ولا شي
الله يهديك خرعت البنت
عروستنا مبروك على السيارة والله يعطيج خيرها ويكفيج شرها
وعقبال الليسن
(هذا اللي يقول : يبرز الدوى قبل الفلعة)

[Osamah_2002]

مبروك

[wolverine]

الف مبروك على عربيتك الجديدة ....وياريت تحطي صورها هنا في المنتدى

[عروسه الخليج]

الله يبارك فيكم و يعطيك احلى السيارات
yarab سوري ما اصورها ( اخاف تحسدوني) :shock22:
مستر.زينون لا اتخاف ما راح اشفط فيها (يمكن اخلي اخوي يستعرض فيها )

[BigName]

مبروك عليك السيارة ياعروسة وعقبال مانشوفك عروسة
الله يعطيك خيرها ويكفيك شرها .

[Cenrak]

مبرووووووووووووووووووووووك

[MR.أستبنه]

الف الف الف مبرووك
ويعطيك ربي خيرها ويكفيك شرها

[RX330]

ألف مبروك على السيارة وياريت تقوليلنا رقمها من الاخف مع الحرف

[Mr.MooT]

مبروووووووووووووووووووووووووووووووووووووووووووووووووووووووووك عليج السياره

[Khalidksa]

الله يعطيك خيرها ويكفيك شرها
عندك المانوال حق السيارة فيه تعليمات مهمة جدا للمحافظة على السيارة ....لازم تقرينه زين لان اي غلطة ممكن تكلفك كثير....مثلا اذا شغلتيها مرتين ورا بعض بسرعة (يعني دقيتي سلف مرتين ورا بعض بسرعة) هذا ممكن يسبب تلف يكلفك آلاف وتشغيل المكيف حتى بالبرد عشان ما يجيّم الكمبرسر مرة اسبوعيا وتبديل الكفرات كل عشر أو كل عشرين الف مع بعض يعني اللي قدام ترجعينهم ورا واللي ورا تقدمينهم حسب نظام الدفع
كل بداية صيف تغسل السيارة جيدا ويوضع واكس (شمع) على بودي السيارة لحماية لون السيارة ,اذا عندكم سواق ويعرف يسويها ماراح تكلفك العملية هاذي اكثر من عشرين ريال
اخيرا حطي في بالك ان جميع السيارات اللي حولك يسوقونها ناس الله بالخير
الله يحفظك وتكسرينها بالعافية ان شاء الله

[تون كار92 بحري]

الــــــــــــــــــــف الــــــــــــــــــــــــــف مبروك على السياره عرفتي تختاري والله واتمنى ماتفحطي عليها ههههههههههههههههه اوكي :icon6:

[.::RaK_BoY::.]

مبروك عليج السيارة
بس ممكن نوعية المرسيدس؟؟؟
و كم رقمها؟

[ولـ العــرب ــد]

مبروك مبروك يعطيج خيرها و يكفيج شرها انشاءالله