الرحلة البحرية
السلام عليكم ورحمه الله وبــركاته
حياكم الله تعـالوا ... اقربوا .. سوو حلقه عشان اقولكم قصـه ياحلويــن <<-- مسرع يذكركم بالمدرسه
فتحوا اذانكم معي واسمعوا وعو
المهــم عندي حدوته بقولها لكــم وان شالله تعجبكم..
بس ترا النــوم ممنوع بوسط القصه
في يوم من الايام وانا اقرا الجريده طاحت عيني على خبــر
وهو ان حكومتنا الرشيده بعز الحر بيفتحون عندنا بحــر
والطريقه هي انهم بيسكرون طريق الخرج بشحنتين .. ويجيبون وايت موويه + وايت مويه + وايت مويه ... الخ .. ويملونه بالمويه ... ويخلون الشعب يطافش فيه
الله يعز الحكومه
(( لا تصدقون تراه تسذب موب بكره اشوف الشعب كله متسدح على طريق الخرج.. وعنه جرا التنبيه
))
... المهم عمكم (( قصدي موب عمكم << جايته اوامر ملكيه انه ما يقولها مهيب من ديجو ابدن << فضيحه))
ايه اقولكم كلمت الخدم عندي وقلت لهم يدقون على الشله ويقولون لهم الوعد بالبحر الجديد
(( صوره الخدم ))
الشله تتكون من (( حمود ومواصفاته دب وياخوفي يغرق بنا القارب .. ومزنه .. نعتمد عليها بالطبخ وبـفش الخلـء .. يعني اذا ضاق صدري اطورقها << يعني اعطيها طراقات >> وبـس ))
تلاقينا على الشاطئ .. ومزنه جايبه معها لبس السباحه على بالها انها تبي تسبح .. ايه بعيد عن شواربها تسبح .. مره سبحت ببانيو الحمام وشفطت كل مويه الخزان (( اجل فيه احد يغرق بالبانيو))
وحمود جايب معه الشمسيه والفوطه عشان يفرش الفوطه وينبطح ويتدهن .. الاخ يحسبنا باحد شواطئ الارجنتين .. عاد تخيلوا شكله دب وراسه كبير وضروسه طالعه بس بس ما قدر اكمل حسيت بمغص
بعد ما اجتمعنا قلت لهم وش جبتوا اغراض معكم؟؟ قالوا ما جبنا شي
قلت كفـو يالجنط انت والشكمان اللي معك
عسبت عليهم << يااي .. ورحت لسيارتي وفتحت الشنطه ورفعت كفر الاستبنه وطلعت منه الشنطه السحريه
فتحت الشنطه وطلعت القارب .. وطلعت المجاديف.. وطلعت كرتون الببسي .. وطلعت السنارات << بالسين والا بالصين؟؟ تراني مشكك ... المهم ما علينا
اخذنا القارب للبحر وبدينا نجدف ونجدف ونجدف ونجدف ... ووصلناا لحدود العراق .. (( خيال واسع.. وقلت انا ورطتكم وانا بطلعكم منـها ومالها الا رجالها .. والحين بنط بالبحر عشان اختلي بنفسي وافكر على راحتي ..
حمود مسك آلته المفضلهوجلس يغني ياليل مطولك .. انا طلعت شياطيني يوم شفته يسوي كذا .. ليه يشكك بقدراتي
بس انا مشهور بالحنكه والحكمه ومسكت اعصابي .. ولبست البرنيطه واخذت معي سكين للحاجه
وفصخت فنيلتي عشان ما تتبلل بالمويه
وهوب بلمح البصر اصبحت في اعماق البحر.. وجلست اسبح واتفرج على مخلوقات الله .. واشوف هذا الاخطبوط ينقش سنونه شكله توه متغدي .. وهذا قرش ابو مطرقه ماسك له سمكه صغيره ومتفرعن عليها .. والله شي جميل اثاري حتى مخلوقات البحر عندها طبقات بشعبهم ..
وانا امشي لقيت سمكه كبيره بالسن جالسه لحالها .. ومن اول نظره حسيت انها فطينه وعرفت انها بتساعدنا << هذا اللي رايح يفكر
نصيتها على طول وطحت على رجلينها وقلت انا فدا ذا الخياشيم
قالت خير ياولدي وش فيك؟؟ مير اصفقها ذاك الصطار اللي خلا تبترم ... شايفتني اصغر عيالك تقولين لي ياوليدي والا شايفه امي دلفينه ياللي ما تستحين على وجهك
قالت هو وراك عصبت امزح معك
قلت طيب بمشيها لك هالمره .. المهم ابيك تساعديني .. قالت عند وجهك وش مشكلتك
قلت لها السالفه ... قالت اممممم والله مدري يا وخيي بس انا برسلك للحوت هو يمكن يساعدك قلت وين القاه .. قالت اول لفه على اليسار بتلقى محل اكلات بريه وبشربهعسا مايتاكلوني قالت لاا انت ما ناكلك لانك عندنا .. والا حنا نصيد منكم مثل ما تصيدون مننا .. قلت اشواا.. المهم واروح لعمنا الحوت واشرح له الحاله .. بس المشكله موب فاضين لي جالس يلاعب السمك الصغير ينفخ بذا الجفره اللي على ظهره ويطيرهم فووق .. في هاللحظه خطرت لي فكره
رجعلت لاخوياي .. ونقزت للقارب .. ولقيت الحبايب نايمين ..
فتحت كرتون الببسي .. واخذت علبتين وجلست ارج ارج ارج فيهن وافتح العلبه الاولى بوجه حمود
طبقنا الخطه وبحمد من الله وصلنا للشاطئ .. وحرمنا نطب بحر بعدها .......
النهــايه
اتمنى ان القصه اعجبتكم .. واحمد الله انكم تحملتوا مصالتي
والان اترككم مع امل اللقاء فيكم في موضوعن اخر
.. مع التحيه
بـــــاي
ملاحظة:
القصة منقولة للضحك فقط
مشاركة: الرحلة البحرية
مشاركة: الرحلة البحرية