Doel's Anime Rants

[Doel]

السلام عليكم و رحمة الله و بركاته .... تماشيا مع جو الحماس اللي عندي اليوم ... و الفضاوه اللي أحس بيها .. قررت أكتب - و بعد انقطاع طويل- موضوعا جديدا << -- تعيش العربيه الفصحى



هذا الموضوع عن أشياء أنا اشوفها "مزعجه" .. أو اشياء ما تعجبني ... يعني باختصار هذا موضوع واحد يتشكى ..... طبعا اللي حاب يشاركنا يتفضل و يفرغ مافي جعبته


1. أما آن للفارس أن يترجل؟ حرام عليكم ... يعني دراجون بول أنمي عمره أكثر من 15 سنه ... (أكبر من نص اللي في المنتدى ) و بعدكم للحين تدورون أفلامه و حلقاته؟ أدري انه حلو و الأكشن فيه رهيب الخ ... بس بعد .. ارحموا موتاكم

2. و هذي لها علاقه بالنقطه الأولى ... ليش كثير من اللي يتابعون الأنمي يحددون كون الأنمي حلو ولا لأ عن طريق الأكشن اللي فيه؟ ... اذا البطل يبدأ ضعيف و يتعلم حركات قويه .. أو يبدأ قويو يصفع العالم.. يكون الأنمي رهيب .. .بس اذا مافيه هالشي ... يستوي أزفت أنمي شافوه في حياتهم

3. شو سالفتكم ويا "الأنمي النظيف" ... كل ما حصلنا ناس يتكلمون عن أنمي .. يقولون انه حلو بس فيه لقطات نص كم ( تنجو تنجي مثلا) ... انزين شو المشكله؟ ... الأنمي من بداية التاريخ كان جذيه و بيتم جذيه .. و على قولة الإخوان السوريين .. اللي مو عاجبو ينتف حواجبو

4. و هذي يمكن أغرب نقطه ... كلنا نعرف ان الأنمي اللي نشوفه بالياباني يكون مترجم بالإنجليزي ..... ليش نحصل مرات ناس يقولون انهم فيهمين كل اللي صار في الأنمي الفلاني و لما تقول لهم Yes يقولون لك ما نعرف انجليزي

5. شو قصة الناس اللي يدورون صور أو أي شي بسيط لأنميات معينه ...... لازم تدخل المنتدى و تفتح موضوع و تكتب و تنتظر لما الناس يتبرعون و يعطونك صوره و بعدين أطلع انا و أمسحها قبل لا انت حتى تخزن الصوره مالك؟ .. يا فرحه ما تمت كان في حل أسهل أسمه جوجل ... و بعد في حركة "جديده" في جوجل يسمونها البحث عن الصور .. والله بتنفعكم وايد و بتحصلون أشياء ما كنتو تحلمون بيها


6. ليش انا يالس أكتب هالموضوع؟ .. قسما بالله ما عندي سالفه اللي يالس اضيع وقتي في موضوع حتى ما يستاهل ينكتب .. ما عليه .. بس كله عشاكم


تحياتي .. و اللي عنده تعليق و لا شي يضيفه لا يستحي و يقول اللي عنده

Doel

[haruno-sakura]

6. ليشانا يالس أكتب هالموضوع؟ .. قسما بالله ما عندي سالفه اللي يالس اضيع وقتي في موضوع حتى ما يستاهل ينكتب .. ما عليه .. بس كله عشاكم

حلوة حلوة

مشكور أخوي عالموضوع .....
و أنا أيدك فكل فـالي قلته...
و أكثر شي عن الصور!!!!!
الله يخللي google , yahoo , msn ......
.......
عالعموم
أشكرك مرة ثانية ...
و نشوف منك أكثر إن شالله

[King Sarab]

عليكم السلام
اولا موضوعك مخالف لانه مايفيد الاعضاء في شي وفي موضوع مثبت للاستفسارات وللاقتراحات
اوكي امزح لا تطردني , انا تعليقي على هاي النقطه :

3. شو سالفتكم ويا "الأنمي النظيف" ... كل ما حصلنا ناس يتكلمون عن أنمي .. يقولون انه حلو بس فيه لقطات نص كم ( تنجو تنجي مثلا) ... انزين شو المشكله؟ ... الأنمي من بداية التاريخ كان جذيه و بيتم جذيه .. و على قولة الإخوان السوريين .. اللي مو عاجبو ينتف حواجبو

بكل بساطه - طبعا من وجهت نظري - اذا شاهدت انا مقطع فيه هل لقطات يتغير شعوري لا اراديا واكره هاي الانمي وثانيا هاي المقاطع مب موجوده في كل انمي فمثلا فل ميتل الجمست 98% نضيف ومافيه شي وشهرته واسعه ما شاء الله وهذا يدل ايضا انه كل ماقلت هاي المشاهد زادت شعبيه الانمي وايضا عندك كنشن وناروتو ( مقاطع قليله جدا ) لكنهم من اكثر الانميات شعبيه وشهره وعندي انا ليش ماشاهد هل انمي ايضا هوه ان الله جازاني بحصولي على جميع رغباتي والحمد لله فهل اقوم اعصيه ؟ واذا قلت اني اطوف المشهد هاي يمكن ينفع لبعض الانميات لكن في بعضهم ماتصلح لهم هل حركه بسبب كثره المشاهد وصعوبه تطويفها ,وهاي كل الي في جعبتي واسف على ردائه التعبير P: ومشكور على الموضوع الغير مفيد , اقصد المفيد <<< يازعم اضحك P:

[DREAMCATCHER]

ههههههههههه مشكور يامراقبنا العزيز على النصايح .

1. أما آن للفارس أن يترجل؟ حرام عليكم ... يعني دراجون بول أنمي عمره أكثر من 15 سنه ... (أكبر من نص اللي في المنتدى ) و بعدكم للحين تدورون أفلامه و حلقاته؟ أدري انه حلو و الأكشن فيه رهيب الخ ... بس بعد .. ارحموا موتاكم

فعلا في انميات جديدة حرام الواحد مو قاعد يدري عنها ولا يتكلم فيها .

3. شو سالفتكم ويا "الأنمي النظيف" ... كل ما حصلنا ناس يتكلمون عن أنمي .. يقولون انه حلو بس فيه لقطات نص كم ( تنجو تنجي مثلا) ... انزين شو المشكله؟ ... الأنمي من بداية التاريخ كان جذيه و بيتم جذيه .. و على قولة الإخوان السوريين .. اللي مو عاجبو ينتف حواجبو

الله يخلي قناة المجد الي مو عاجبه الانمي اروح اطالعها .

. شو قصة الناس اللي يدورون صور أو أي شي بسيط لأنميات معينه ...... لازم تدخل المنتدى و تفتح موضوع و تكتب و تنتظر لما الناس يتبرعون و يعطونك صوره و بعدين أطلع انا و أمسحها قبل لا انت حتى تخزن الصوره مالك؟ .. يا فرحه ما تمت كان في حل أسهل أسمه جوجل ... و بعد في حركة "جديده" في جوجل يسمونها البحث عن الصور .. والله بتنفعكم وايد و بتحصلون أشياء ما كنتو تحلمون بيها

اي والله في هاذي صدقت ..... محرك البحث حط اسم الانمي الي تبيه فيه وبطلعلك مية الف صورة حقه .

سلام

[asf4ever]

هههههههه
إحم
موضوعك كل نقطة فيه صحيحة وأنا أؤيدك فيها
والإبتسامات مالتك كشخة

-- تعيش العربيه الفصحى

سوحقن لا تذكرني بالعربي من أخس الدرجات في الشهادة التعيسة إلي إستلمتها اليوم

1. أما آن للفارس أن يترجل؟ حرام عليكم ... يعني دراجون بول أنمي عمره أكثر من 15 سنه ... (أكبر من نص اللي في المنتدى ) و بعدكم للحين تدورون أفلامه و حلقاته؟ أدري انه حلو و الأكشن فيه رهيب الخ ... بس بعد .. ارحموا موتاكم

خخخخخخخخ صحيح الأنمي عفن والأخوة لسه يتابعونه ويلاحقونه (ولكن القلب وما يهوى)
بس يا جماعة مو كل يوم يومين تسوون موضوع عشانه يكفي موضوع واحد تسوون به إلي تبونه وبعجين فيه أنميات ثانية جديدة وقوية...

2. و هذي لها علاقه بالنقطه الأولى ... ليش كثير من اللي يتابعون الأنمي يحددون كون الأنمي حلو ولا لأ عن طريق الأكشن اللي فيه؟ ... اذا البطل يبدأ ضعيف و يتعلم حركات قويه .. أو يبدأ قويو يصفع العالم.. يكون الأنمي رهيب .. .بس اذا مافيه هالشي ... يستوي أزفت أنمي شافوه في حياتهم

نعم وهذا صحيح
ولكن بالنسبة لي صرت أبتعد عن هالسوالف ويقل إهتمامي بها (إلي فيها خيال زايد)

3. شو سالفتكم ويا "الأنمي النظيف" ... كل ما حصلنا ناس يتكلمون عن أنمي .. يقولون انه حلو بس فيه لقطات نص كم ( تنجو تنجي مثلا) ... انزين شو المشكله؟ ... الأنمي من بداية التاريخ كان جذيه و بيتم جذيه .. و على قولة الإخوان السوريين .. اللي مو عاجبو ينتف حواجبو

I was one of them
ولكن إستسلمت للأمر الواقع
وعرفت إنه حتى أفضل الأنميات وإلي ما تتفوت فيها اللقطات هزي
خصوصا بعد ما شفت تقرير لمانجا I"S في المنتدى وقريتها وعجبتني القصة والمواقف الكوميدية
بس كانت مخزونة بلقطات (الله لا يراويكم)

4. و هذي يمكن أغرب نقطه ... كلنا نعرف ان الأنمي اللي نشوفه بالياباني يكون مترجم بالإنجليزي ..... ليش نحصل مرات ناس يقولون انهم فيهمين كل اللي صار في الأنمي الفلاني و لما تقول لهم Yes يقولون لك ما نعرف انجليزي

That is a big problem dude
ومثل الجملة إلي في توقيعك إلي ما يعرف لا يتفلسف

6. ليشانا يالس أكتب هالموضوع؟ .. قسما بالله ما عندي سالفه اللي يالس اضيع وقتي في موضوع حتى ما يستاهل ينكتب .. ما عليه .. بس كله عشاكم

الله يخليك لنا XD

وعندي بعض الإضافات

يا ناس يا عالم أعتقد إنه فيه موضوع إسمه ناروتو موضوع للنقاش 3 حتى إنه نايم لأنه محد يرد فيه
وهذا الموضوع مب مسواي عشان يتغبر ولكن ليحل مشكلة مواضيع ناروتو إلي ماليه الدنيا
فأي واحد عنده شيء لناروتو يقطه في ذاك الموضوع هذا منتدى أنمي مب منتدى ناروتو...

ونقطة أخرى
وهي إنه في ناس تقوم كل يوم بموضوع (شو المشكلة؟)
يكون الموضوع ما فيه إلا جزئية صغيرة مفيدة(مثلا وصلة أو تقرير بسيط) وباليوم إلي بعده أو حتى نفس اليوم
قام وحط موضوع نفس الشيء
يأخي حط موضوع واحد وإجمع فيه كل هالأشياء وبتلاقي إقبال شديد إن شاء الله
وبيتحسن شكل المنتدى وبنشوف الكثير من المواضيع المفيدة في الصفحة الأولى
لأنه أصلا أغلب الاعضاء والزوار يشوفون الصفحة الأولى بس (وأنا منهم)


وشكرا عالموضوع دويل >>>>ياحليل هالإبتسامات XD

[المدهش]

السلام عليكم

انا مو عاجبتني الا هالنقطه

3. شو سالفتكم ويا "الأنمي النظيف" ... كل ما حصلنا ناس يتكلمون عن أنمي .. يقولون انه حلو بس فيه لقطات نص كم ( تنجو تنجي مثلا) ... انزين شو المشكله؟ ... الأنمي من بداية التاريخ كان جذيه و بيتم جذيه .. و على قولة الإخوان السوريين .. اللي مو عاجبو ينتف حواجبو
Doel

تعليقي على هذي النقطة:
اشدراني فيهم من شافوه شي ولا شي في الانمي في البداية يستحون وفي بعضهم يصكونه ويمسحونه ويقولون مانشوف هل وصاخة
وفي بعضهم يكملون عادي
انا من النوع الي اذا شاف الشي ماحب تقطيع اشوفه كامل حتى لو شنو
حلاته تشوف الشي كامل بدون لاينقطع ولا يشر ولا ثانية :icon6:
الا رسوم مو صج ذي ! لو صج شان قلنه يمكن بعد ...
مب صح؟
وتسلم اخوي Doel على الموضوع

[Rory]

وعليكم السلام ..

أولا .. الإبتسامات وايد كيوت
وهاذي أحلى وحده


امم .. عن النقاط إلي ذكرتها ..

1- هو يا دراجون بووول يا ناروتووو ورانا ورانا يعني حتى إلي يحب ها الانميين بيعافه من كثر الناس ما تتكلم عنهم .. ( I don't like both of 'em .. God forbid .. -__-' )
هو المفروض يكون في تغيير الناس الحين في 2005 وفي انميات يديده بالهبل ويتفوقون على الإثنين إلي فوق .. بس شو نقول .. -__-'

2- إحم .. الناس أذواق؟ probably؟ >_>'
أعتقد الأولاد هم الأكثرية إلي يهتمون بالاكشن .. يعني حتى لو أنا بتابع انمي آكشن ما أعتقد إلي بهتم إذا كان الأكشن رهييييييييب أو لا ..
as long as the storyline is catchy

3- .. بس ما أعتقد إنه في انمي نضيف 100%
يعني الحين دراجون بول أعتقد كان فيه حركات ..
ولو ناروتو طلع في شي أبصم إنه ما في حد بيقرر إنه -ما بيتابعه- علشان طلع فيه شي ..

4- هههههههههه ..
I wonder ..
يمكن يعرفون ياباني .. وما يعتمدون عالـ subs

5- نقطه مهمه ..
إنتو أصلا مانعين مواضيع الصور فا شو الفرق بين موضوع صور وموضوع -طلب- صور؟؟

6- هههههه لأنك كنت فاضي
because you're hoping to see 'some' change

ونقطة أخرى
وهي إنه في ناس تقوم كل يوم بموضوع (شو المشكلة؟)
يكون الموضوع ما فيه إلا جزئية صغيرة مفيدة(مثلا وصلة أو تقرير بسيط) وباليوم إلي بعده أو حتى نفس اليوم
قام وحط موضوع نفس الشيء
يأخي حط موضوع واحد وإجمع فيه كل هالأشياء وبتلاقي إقبال شديد إن شاء الله
وبيتحسن شكل المنتدى وبنشوف الكثير من المواضيع المفيدة في الصفحة الأولى
لأنه أصلا أغلب الاعضاء والزوار يشوفون الصفحة الأولى بس (وأنا منهم)

you're absolutely right
ها النقطه للأسف -تقهر- كلام asf 100% صح
المفروض يكون في قانون عن كتابة موضوع واحد بس في اليوم وما يكون موضوع منقول :icon6:

وفي نقطه بعد ..
مواضيع التحميل المفروض تكون في موضوع واحد بس مب موضوع كامل عوصلة تحميل وحده أو كل انمي له موضوع تنزيل .. لا .. المفروض كاتب الموضوع إذا كان عنده وصلات تحميل لأنميات مختلفه يحطهم في موضوع واحد بس ..

& another MAJOR point
ليش في ناس تقولهم انمي قالوا .. ناروتو؟
-___-'
هو ها المصطلح الحين الظاهر معناه تحول لـناروتو ..


--
er..I meant no offense ,, by the way I'm not anti-naruto or anything ..

[3shiro]

السلام عليكم

انا مو عاجبتني الا هالنقطه

تعليقي على هذي النقطة:
اشدراني فيهم من شافوه شي ولا شي في الانمي في البداية يستحون وفي بعضهم يصكونه ويمسحونه ويقولون مانشوف هل وصاخة
وفي بعضهم يكملون عادي
انا من النوع الي اذا شاف الشي ماحب تقطيع اشوفه كامل حتى لو شنو
حلاته تشوف الشي كامل بدون لاينقطع ولا يشر ولا ثانية :icon6:
الا رسوم مو صج ذي ! لو صج شان قلنه يمكن بعد ...
مب صح؟
وتسلم اخوي Doel على الموضوع

استغفر الله...انا لا اؤيد ولا كلمة من االلذي قلته...
ولكن على المرء ان يستمتع بعض الاوقات.

[Aerodynamic]

يا هلا والله بمراقبنا العزيز

مشكور على الموضوع اللي يطلع الشكاوي من صدر الواحد و يخليه يرتاح نفسيا... ما تحس براحة أكثر الحين؟ هههههههههههههه
النقطة اللي أعجبتني أكثر شي و خلتني أفطس ضحك...

4. و هذي يمكن أغرب نقطه ... كلنا نعرف ان الأنمي اللي نشوفه بالياباني يكون مترجم بالإنجليزي ..... ليش نحصل مرات ناس يقولون انهم فيهمين كل اللي صار في الأنمي الفلاني و لما تقول لهم Yes يقولون لك ما نعرف انجليزي



Doel

LOL من جد ياخي نقطة تجيب الهم

مشكور مرة ثانية على الموضوع

سلام...

[Mai Valentine]

wb doel

موضوع حلو، يصلح يتناقش في القهوة مع الشيشة
انتم وعدتمونا بيكون هناك يوم مفتوح كل اسبوع أو شهر ندردش فيه،
هل هذا هو الموضوع؟
على العموم asf و rory ما خليتوا لينا شي نرد عليه <<< my favorite

وبالنسبة لرأيي أنا أشوف من أنفتح منتدى الأنمي أذواق الأعضاء ومواضيعهم هي نفسها ما تغيرت منذ سنوات والمواضيع والأفكار ترجع وتتكرر مع الاعضاء الجدد،الا نادراً ما تخرج الينا موضوع رائد أوفكرة جديدة. واستشهد بكلام doelفاللي كان يحب دراغون بول من سنوات وشاهده وتكلم عليه وناقشه وكتب فيه مواضيع يرجع الآن وبنفس الحماس يدافع عنه ونتظروا أضخم موضوع بالموسم ويكتب فيه التقارير الجبارة <<< my 2nd favorite

هو طبعاً جهد يشكر عليه، ولكنه غير صالح للنقاش في هذا العصر <<< ما حبيتها

ولكن ممكن اعتباره موضوع وثائقي وللتاريخ

[Yamato]

اول ما قريت موضوعك كان في الكثير علشان افضفضه لك يا بيه.. لكن من قريت الردود كلها طارت... >.<

بنحاول نتذكر بعض الاشياء... وما راح اسوي نفسي خبير بالانمي..

على ذكر الانميات اللي فيها (على قولتكم) نص كم... يا عمي ما في انمي الا بلقطة فيها هالشي.. يعني حتى انمي ياماتو فيها هالشي.. >___<!
وايضا ناروتو... يعني كل مرة يتحول فيها للبنت شو تسوون فيها.. واضافة الى الهوكاجية المحترمة تسونادي (بدون تعليق.. التعليق موجود بالانمي نفسه) فلا تقولو انه انمي نظيف...

وعلى ذكر دراجون بول.. والله ولا كنت اعرف شو السالفة فيها الا لما لعبتها عالسوني (تحفة والله روحو واشتروها ^^).. ومنها بتعرفون قصص الجزء الثاني

اما الانميات الجديدة.. ما ابي اتكلم... بس انتو فتحتو الموضوع للفضفضة.. يعني والله ما ادري شو اقول.. يمكن عشرين الف مرة لمحت لهالشي.. انا كنت قاعد انزل يمكن فوق العشرين انمي من اللي كنت فعلا اريد اتابعهم.. وكنت اخزنهم عالهارد ديسك الخارجي.. بس للاسف الشديد الهارد ديسك خرف وكل شي راح.. انمي ومانغا وملفات دراستي وصوري مع ربعي.. كل شي راح.. قسم بالله كنت مقهور.. والاخس من ذلك.. وبينما انا احاول الملم شتات انمياتي الضايعة.. اخترب الهارد ديسك مرة ثانية الاسبوع اللي طاف..
لذلك راح ارجع للحل الاسطوري مرة اخرى.. (التخزين على سيديات) T_T

كل ما اريده اني اسمع شي يواسيني منكم.. مقهور وحالي يكسر الخاطر (ما عندك ابتسامة تناسب هالموقف يا دويل.. T_T)

والان.. نترك الامر بين يديك يا دكتور دويل.. ._.

[FinalFantasy9]

دراجون بول أنمي عمره أكثر من 15 سنه ... (أكبر من نص اللي في المنتدى ) و بعدكم للحين تدورون أفلامه .. ارحموا موتاكم

عمري ماشفته ولاناوي اشوفه ..

ليش كثير من اللي يتابعون الأنمي يحددون كون الأنمي حلو ولا لأ عن طريق الأكشن اللي

ما اشوف ان لها اهميه كبيره لكن الافضل معروفين بالاكشن .. وفولميتال الافضل عندي خير دليل .... ولكن حالياً اكثر انمي انا انطر حلقاته هو سكول رمبل وهو انمي كوميدي وماله خص بالاكشن .. فالناس اذواق .

شو سالفتكم ويا "الأنمي النظيف" .. اللي مو عاجبو ينتف حواجبو

بهذي النقطه انت غلطان !! .. فأنا اي انمي مهما كان جميع اذا زودها اعطيه انذار واذا عادها اللغيه من جدولي على طول ! .. مثل انمي ماي-هم .. فانا شفته الى الحلقة الرابعه وبعد المصخره في تلك الحلقة(التلميحات الوصخه اللي بالحلقة).. فتركت الانمي مباشرتاً .. ولكن قررت اعطيه فرصه ثانيه وانا حالياً واصل للحلقه 17 .. ولو شفت اي تجاوزات راح اللغيه تماماً ... وفي انميات كثيره نزلتها مع ان تصنيفها مافيه شيء يقول ان بها شيء الا اني تفاجئت ان الانمي كله تلميحات وخربطه فمسحت الانمي كله من الهارد دسك .. وانا من النوع اللي ينزل الحلقات كلهم مره وحده وعقب ابدأ بالانمي .
وانا اكذب عليك لو قلتلك اني ما غضيت البصر عن بعض الامور اذا كان الانمي روعه .. ولكن اذا زاد الحد يطفح الكيل ..<<

الأنمي يكون مترجم بالإنجليزي .. و لما تقول لهم Yes يقولون لك ما نعرف انجليزي

خخخخ .. لاتخاف انا ادرس برمجه فلازم اعرف انجليزي وانا من هوات اللعاب الاربي جي من صغري لذا تعلمت الانجليزي وانا صغير ..

قسما بالله ما عندي سالفه

توك تدري ..

وشــــــــــــــــــــــكراً

[Hisoka's Gal]

تعيش العربيه الفصحى

لووووول بصراحة موضوعك مهم و يناقش قضايا خطيرة لووووول بس بصراحة انا عكس الكل لوووول لانه السمايليز ملوتك ما عجبوني لوووووول

أما آن للفارس أن يترجل؟ حرام عليكم ... يعني دراجون بول أنمي عمره أكثر من 15 سنه

انا مو من هل الناس غرامي دراجون بول زي لكن الحمدالله خلصت المسلسل و شفته انجليزي و الحين ماشية مع فانيميشون تنزل كل 3 او 4 اشهر فلم واحد للحين ما خلصت كل الأفلام لووووول الحين بينزل برولي الثاني

ليش كثير من اللي يتابعون الأنمي يحددون كون الأنمي حلو ولا لأ عن طريق الأكشن اللي فيه؟

هم انا مو من هل الناس لوووووول يعني انا أحكم على القصة و الشخصيات
اذا الشخصيات ( الصبيان ) حلوين و كوول و القصة أوكي تمام لكن ما انكر انه أكثر اختياراتي أكشن لوووووول

شو سالفتكم ويا "الأنمي النظيف"

لووووول هم انا مو من هل الناس ولا مرة بحياتي قلت انه الانيمي الفلاني في لقطات مو زينة حتى لو فيه عادي عادي لوووول!! كل الانيمي تقريبا فيه الحين Nudity و Sexual content و خرابيط و صار شي عادي لوووول تطورنا صرنا أمريكان لوووووووول

كلنا نعرف ان الأنمي اللي نشوفه بالياباني يكون مترجم بالإنجليزي ..... ليش نحصل مرات ناس يقولون انهم فيهمين كل اللي صار في الأنمي الفلاني و لما تقول لهم Yes يقولون لك ما نعرف انجليزي

لوووووول نقاطك كلها ما تنطبق علي (( الاخت كليوباترا لوووووول )) انا بصراحة كله اشوف الانيمي الي مدبلج انجليزي الوحيييييد الي شفته ياباني اهوا هنتر اكس هنتر + أفلام كونان !! الباجي كله انجليزي+ هزيم و سلام دانك عربي لوووول

شو قصة الناس اللي يدورون صور أو أي شي بسيط لأنميات معينه ......

امممم معاك حق في هذي و هم انا مو منهم لوووووول يعني شيبيلها الواحد يدور صورة وايد سهل الموضوع ماله داعي موضوع و دورولي و و و

ليش انا يالس أكتب هالموضوع؟ .. قسما بالله ما عندي سالفه اللي يالس اضيع وقتي في موضوع حتى ما يستاهل ينكتب .. ما عليه .. بس كله عشاكم

بالعكس كانت في نقاط حلوة و ووناسة انا احب مواضيع النقاشات (( الاخت فيلسوفة لووول ))
اريجاتووووووو

[Super Shadow]

هههههههههه

مشكور على الموضوع الحلو

1. أما آن للفارس أن يترجل؟ حرام عليكم ... يعني دراجون بول أنمي عمره أكثر من 15 سنه ... (أكبر من نص اللي في المنتدى ) و بعدكم للحين تدورون أفلامه و حلقاته؟ أدري انه حلو و الأكشن فيه رهيب الخ ... بس بعد .. ارحموا موتاكم

يا حليلك

في ناس ما لحقوا على المسلسل أيام زمان و أنا واحد منهم

2. و هذي لها علاقه بالنقطه الأولى ... ليش كثير من اللي يتابعون الأنمي يحددون كون الأنمي حلو ولا لأ عن طريق الأكشن اللي فيه؟ ... اذا البطل يبدأ ضعيف و يتعلم حركات قويه .. أو يبدأ قويو يصفع العالم.. يكون الأنمي رهيب .. .بس اذا مافيه هالشي ... يستوي أزفت أنمي شافوه في حياتهم

أنا بالنسبة أموت في الأكشن

3. شو سالفتكم ويا "الأنمي النظيف" ... كل ما حصلنا ناس يتكلمون عن أنمي .. يقولون انه حلو بس فيه لقطات نص كم ( تنجو تنجي مثلا) ... انزين شو المشكله؟ ... الأنمي من بداية التاريخ كان جذيه و بيتم جذيه .. و على قولة الإخوان السوريين .. اللي مو عاجبو ينتف حواجبو

الي مب عاجبيه لا يطالعه خخخخخخخخخ

اذا الانيمي مب نظيف نظفه بالصابون >>>>>>>> قديييييييييييمة

4. و هذي يمكن أغرب نقطه ... كلنا نعرف ان الأنمي اللي نشوفه بالياباني يكون مترجم بالإنجليزي ..... ليش نحصل مرات ناس يقولون انهم فيهمين كل اللي صار في الأنمي الفلاني و لما تقول لهم Yes يقولون لك ما نعرف انجليزي

الي ما يعرف انجليزي لا يتابع انيمي أحسن له

( الحين الأعضاء بيضربوني)

5. شو قصة الناس اللي يدورون صور أو أي شي بسيط لأنميات معينه ...... لازم تدخل المنتدى و تفتح موضوع و تكتب و تنتظر لما الناس يتبرعون و يعطونك صوره و بعدين أطلع انا و أمسحها قبل لا انت حتى تخزن الصوره مالك؟ .. يا فرحه ما تمت كان في حل أسهل أسمه جوجل ... و بعد في حركة "جديده" في جوجل يسمونها البحث عن الصور .. والله بتنفعكم وايد و بتحصلون أشياء ما كنتو تحلمون بيها

والله قول ها الكلام حق الأعضاء الجدد

يا حليلهم ، يفتحون موضوع و يقولون : أريد صور حق قر قر قر قر قر

و دويل يطلع في ويهم و يقول : بس بابا لا يسوي قرقر واجد والله

و يقولون بعدين : أنا براويك يا دويل :vereymad:

6. ليش انا يالس أكتب هالموضوع؟

خلاص

اكتبه و أنت واقف خخخخخخخخخخ

.. قسما بالله ما عندي سالفه اللي يالس اضيع وقتي في موضوع حتى ما يستاهل ينكتب .. ما عليه .. بس كله عشاكم

على قوله المثل السيلاني : الي ما يعرف لا يتفلسف

تحياتي .. و اللي عنده تعليق و لا شي يضيفه لا يستحي و يقول اللي عنده

اشدعوة ؟؟؟؟؟

يهال نحنا نستحي

خخخخخخخ

و مشكور مرة ثانية على الموضوع السوبر وناسة

[alamal13]

أما آن للفارس أن يترجل؟ حرام عليكم

يالله صبوا هالقهوة وزيدوها هيل واسقوها للفارس دويل على ظهور الخيل

3. شو سالفتكم ويا "الأنمي النظيف" ... كل ما حصلنا ناس يتكلمون عن أنمي .. يقولون انه حلو بس فيه لقطات نص كم ( تنجو تنجي مثلا) ... انزين شو المشكله؟ ... الأنمي من بداية التاريخ كان جذيه و بيتم جذيه .. و على قولة الإخوان السوريين .. اللي مو عاجبو ينتف حواجبو

دويل خلينا حبايب احسن

بالنسبة لموضوع الانمي النظيف ... امم كلنا نعرف ان اغلب الانميات مش نظيفة ولكن بعضها اهون من الباجي...

انا عن نفسي اذا شفت انمي وعرفت انه اتشي فممكن اكمله اذا القصه عاجبتني مثل (( ميدوري))
ولكن اقوم وافتح موضوع لانمي ايشي وانصح غيري انه يشوفه فلا والف لا وخلاص

وهذا رايي اشخصي جدااا