عيال مبارك بن لندن

[Doel]

السلام عليكم و رحمة الله و بركاته

تحذير .... يوجد في الموضوع صور أحجامها شوي كبيره .. اللي عنده دايل أب يروح يسويله كوب شاي و يرجع

يقول الراوي ...

كان يا مكان .. و في قديم الزمان .. و سالف العصر و الأوان ... كان هناك شلة شباب شجعان.. يدرسون في بلاد العلجان (من علوج ... تم تغييرها لضرورات شعريه )

أقول ... مليت ... كنت بيلس أخترع لكم شي بس المشكله ما عندي وقت ... شكله بديع الزمان الهمذاني كان انسان وايد فاضي


المهم ... السالفه و ما فيها ... في يوم من الأيام ... انا و الشباب عندنا في ولاية بن شقن (Michigan) قررنا نسوي اتحاد طلابي صغير ... و قلنا بنسميه Arab International Student Association ... أو AISA (تنطق مثل ما تنطقون اسم عايشه بالإنجليزي ) ... و كان عندنا شوية أنشطه على مدار العام

في نهاية السنه الدراسيه ... قررنا نسوي "النشاط الختامي" مالنا لهذي السنه ... و طبعا شو بيكون أحسن من بوفيه حلويات عربيه مفتوح ... و شوية تمر و قهوه .. و ما ادري من وين طلعوا الشيشه بعد -عرب - و نكتب أسماء الناس بالعربي حقهم

بس أهم Event كان عندنا - بالنسبه لي- كان "تصور بالثياب العربيه" ... واحد من الشباب ياب كندوره (دشداشه) و غتره و عقال ... و حطوا راعي الكيمره الحلوه -انا - مصور للخلق ... طبعا اخواننا فاتهم اني انا نذل و ممكن أحطها في المنتدى دون مراعاه للحقوق الفكريه

بعد كل هالمقدمه الطويله و اللي ما منها هدف الا لتضييع وقتكم علما الصور تطلع .... نبدا ويا التعليقات



الشباب يذكروني ببعض الإخوان من دولة عربيه شقيقه





تقولون المغول لما دخلوا بغداد .. سووا نفس الشي؟





واحد شوي طبيعي





وين يبا الأخ




هذا كل اللي عندي حق اليوم ... و ان شاء الله بس يكون الموضوع عجبكم ... و لا تنسونا بالترشيحات <<--مراقب عام و يشحت

شكر خاص لـ The Director لاستضافته للصور


Doel

[dj_bo0oy]

السلام عليكم و رحمة الله و بركاته

وعليكم السلام هلا دول .. اشحالك

أقول ... مليت ... كنت بيلس أخترع لكم شي بس المشكله ما عندي وقت ...

اصلا ماعندك بلاغة عشان تكمل <<< امزح

ولاية بن شقن

مادري ليش كل ماذكر السالف اضحك

في نهاية السنه الدراسيه ... قررنا نسوي "النشاط الختامي" مالنا لهذي السنه ... و طبعا شو بيكون أحسن من بوفيه حلويات عربيه مفتوح ... و شوية تمر و قهوه .. و ما ادري من وين طلعوا الشيشه بعد -عرب - و نكتب أسماء الناس بالعربي حقهم

حلو ^_^

الشباب يذكروني ببعض الإخوان من دولة عربيه شقيقه

...

تقولون المغول لما دخلوا بغداد .. سووا نفس الشي؟

هذا حلوه

اكيد انت قتله ارفع ايدك

هذا كل اللي عندي حق اليوم ...

مشكووووووور

و ان شاء الله بس يكون الموضوع عجبكم ...

مثل ماقلت لك موضوعك

و لا تنسونا بالترشيحات

تم الترشيح بنجاح

[Mista Koo]

هههههههه دول اشكالهم رهيبة ^_^
ذكرتني بالوفد العلمي السويدي لما جا السعودية لابسين ثياب وشمغ وشكلهم مو بس غلط
لا ومودينهم الجنادرية (مهرجان شعبي كبير يقام كل سنة)
وقاعدين يسوون العرضة بالجينز والشعر اللي للكتوف (العرضة=الرقصة الشعبية السعودية الهبلة ×_×)

لو لقيت صورهم بحطهم هنا كمشور دول

[Tidus]

هههههههههه أشناب, مع انهم زاطينها... الا واحد

فله هالحركات

[Trapped Inside]

لووووووووووووووووووووووووووووول .. ولله موضوع مره حلو ^________^ ..

هلا دويل اخبارك ^^ ؟ ..


المهم .. الصور من جد فللللله .. واخر واحد عليه شكل ..

يا حليله الصيني مسوي انا الزاحف ..

ولله صور مره حلوه .. ويا حظكم على ذا الجو .. مب زي الي عندنا -__- ..

بالمناسبه وش سويتوا بعد غير هذا الـEvent ? ..

والف شكر عالموضوع ^^ ..

[Alexel]

خخخخخخخخخخخخخخخخخخخخخخخخخخخخخ
تحف اشكالهم والله ولا الكوري مدري صيني طالع فله خخخخخخخ
ليه مالبستوهم بشوت بعد ترزونهم شوي << عاد يطلعون تحف عدل نصفعم باللوغر
و مره وحده جبتوا جلابيه وبخنج للحريم بعد خخخخخخخخخخخ خذتولهم صور كبل

بالمناسبه وش سويتوا بعد غير هذا الـEvent ? ..

ايه شسويتو غيره

تسلم على الموضوع^_^

[Dark Watch]

خخخخخخخ حلوة ياخي اخترعوا شي يسمونة مصبغة ثياب او دوبي الخ ...

عنبوة اب كنادير هاي تقول الحاف كيف مستويات

كمشكور يالاعب منتخبنا

[croove]

ياعيني على الآسيوي <<<< Yo man What's UP Peace Out


بس الصراحة كل الصور حلوة
ألاحظ أنهم يلبسون نفس الكندورة I Think

[ODIN]

هههههههه ايش ايش هذا


ههه ذكروني بدعاية ايسكريم والز

صراحه حفلكم وفكرتكم شيييي ورائع

[Angel whisper]

والله حركه ... ضابطين الغتر الصراحه ..

وشكلكم تونستو .. جان علمتوهم يقولون اونه و وابوييه

الا تعال .. اللي مسوي قفل في الصورة اللي ويا البنيه .. اعزب؟

وفق بين راسين في الحلال .. تراني حبيت من اول نظره .. مادري صورة ..

على فكره .. تراني تنتفت من الضحك على بن شقن ..

ومشكور !

[JAK]

لووووووول مشكور اخوي دويل على الصور ....

[Mada Mada Dane]

المشاركة الأصلية بواسطة Angel whisper
وفق بين راسين في الحلال .. تراني حبيت من اول نظره .. مادري صورة ..

ماحبج..
انا أولى

يحليلكم , وانا حبيت البنيه الي جنبه يحليلها كيوت شكلها

[~ SoKo ~]

شــكــرا Doel .... موضوع جميل ..

هذا مادري وين شايفه .. أعتقد في التلفزيون ..... أو واحد يشبهه ..

[Doel]

سوري عالتأخير في الرد شباب ...

اكيد انت قتله ارفع ايدك

لا والله مب انا الأخ شكله يتحسب ثيابنا مال قوم

هههههههه دول اشكالهم رهيبة ^_^
ذكرتني بالوفد العلمي السويدي لما جا السعودية لابسين ثياب وشمغ وشكلهم مو بس غلط
لا ومودينهم الجنادرية (مهرجان شعبي كبير يقام كل سنة)
وقاعدين يسوون العرضة بالجينز والشعر اللي للكتوف (العرضة=الرقصة الشعبية السعودية الهبلة ×_×)

لو لقيت صورهم بحطهم هنا كمشور دول

علينا بالصور

بس ما أدري ليش لما أشوف صورة أول واحد أتذكر صورة البعير اللي بغتره و عقال (اللي ما يعرفها يروح يدورها)

Tidus : شكرا عالمرو ^_^

يا حليله الصيني مسوي انا الزاحف

شو نسوي بس .... الله يعين العالم

و مره وحده جبتوا جلابيه وبخنج للحريم بعد خخخخخخخخخخخ خذتولهم صور كبل

ما عندنا ياخي ... هذا بالحظ واحد طلع عنده شوية ثياب .. ان شاء الله السنه اليايه .. أو المره اليايه بتشوفون عجايب

خخخخخخخ حلوة ياخي اخترعوا شي يسمونة مصبغة ثياب او دوبي الخ ...

عنبوة اب كنادير هاي تقول الحاف كيف مستويات

كمشكور يالاعب منتخبنا

ترى كومار اللي يكويلك ثيابك ما وصل عندنا ... وين تحسبنا ياخي؟

و بعدين منتخب شو؟ لا يكون أنا لاعب محترف و انا ما ادري

ألاحظ أنهم يلبسون نفس الكندورة I Think

بالضبط ... أصلا ما عندنا غيرها

ههه ذكروني بدعاية ايسكريم والز

شو علاقتنا احنا بالآيس كريم؟


Angel whisper و لوسي ...

الحب عذاب و الموت حساب (مسروقه من واحد مجهول كان كاتبها بالـ Spray على يدار مدرستنا سابقا)

و بعدين شو تشوفوني انا .... خطابة فريجكم؟

JAK7 مشكور على مرورك و ردك أخوي ^_^ و تسلم

يحليلكم , وانا حبيت البنيه الي جنبه يحليلها كيوت شكلها

افا عليك ياخي .. تعال انا أعرف أهلها .. ناس طيبين و محترمين (موتوا قهر اينجل و لوسي ... خدمه خاصه للشباب )

شــكــرا Doel .... موضوع جميل ..

هذا مادري وين شايفه .. أعتقد في التلفزيون ..... أو واحد يشبهه ..

انا بعد والله .. بس ما اذكر وين بالضبط


شكرا للكل على المرور ... و اللي وصل متأخر لا يستحي و يرد

Doel

[asf4ever]

شكرا للكل على المرور ... و اللي وصل متأخر لا يستحي و يرد

أنا واصل متأخر -___-

بس صراحة صور تحف

بس يالمسيكين محد مدحك فنقولك تصويرك تمام التمام

فعلا حب من أول صورة

I want the girl too T_T

يا حظك يا دو(يـ)ـلوووو أريد أروح بعثة >.<

وهذاك الصيني طالع أوكيييي XD YO

متشكرين على الصور المزبوطة
بس يحليلكم أطرشلكم كنادير XD