تعالوا انجرب بصراحه وناسه
بسم الله الرحمن الرحيم
السلام عليكم ورحمة الله وبركاته
اسمعوا يا حلويين
كلنا ملينا من أسلوب التعليم الروتيني والممل
بس الي قراء شلون شرحة في المرة السابقة((كيف يمكنك أن تشرح وتتعلم)) الماضيه راح يعرف ويتعلم على مثل هذه الخطوات
اليوم راح نتخيل نفسنا في المدرسة School...
دق الجرس Bill rang... تررررررررررررررررررررن
وبعد ما انتهى الطابور الصباحي... اللي لليوم أذكر كيف كنا نحترق تحت الشمس
وفوقها يطلبون منا نزاعق وننشد النشيد الوطني... وعاش الوطن
اليوم الأول، الحصة الأولى:-
دخلوا الأولاد الفصل Class وكل واحد انثبر في كرسيه Chair وشوي ودخلت عليهم مدرسة العلوم
Science Teacher
(وطبعاً بدون ما تلقي تحية الاسلام ... ---> > الله يرحم أيام أول.. تراها موضة قديمة)
المدرسة: Good Morning
الأولاد : Good Morning Teacher
المدرسة : Sit down, please
(اجلسوا من فضلكم)
المدرسة : Open your book on page number ten
(افتحوا كتابكم على الصفحة العاشرة)
وبدت المدرسة تستهبل عليهم وسألتهم
المدرسة: What is the title of the lesson?
(ما هو عنوان الدرس)
شان ينقز واحد من الصبيان اسمه علي ويجاوبها
علي: Neoten Theory
(نظرية نيوتن)
المدرسة: Excellent Ali
(ممتاز يا علي)
وبدت المدرسة تشرح النظرية والجاذبية الأرضية
وطبعا الأولاد كانوا في عالم ثاني بعيد عن جاذبية الأرض وقريب من جاذبية البنات
خخخخخخخخخخخخخخ
وحست المدرسة إنهم في عالم غير عالم الدرس The lesson فسألتهم
المدرسة: Do you understand this theory?
(هل تفهمون هذه النظرية
فقام المتنح هلال اللي ما يدري وين الله حاطه في هالدنيا وقال..
هلال: Will you repeat, I did not understand.
(هلا أعدت، فأنا لم أفهم)
طبعاً هو قال هالكلام من هنا.. وشوي حس بحرارة
وكانت الحرارة بسبب أشعة الليزر اللي توجهت صوبه من كل اتجاه من عيون زملاءه Schoolmate
فهم وحليلهم ما صدقوا إن المدرسة خلصت من الشرح Explanation
بس في ليزر كان وايد قوي موجه له
تعرفون من مين
من المدرسة نفسها..لأنها تدري إنها حتى لو تعيد مية مرة .. فمافي فايدة في هلال
المهم وبعصبية وصوت تهديدي...قالت لهم
المدرسة: Pay attention to the explanation.
(انتبهوا للشرح)
وشوي ويدق الباب..
وكان أحمد المسكين على الباب.. متأخر حضرته لأن الباص Bus راح عليه
فطبعاً لين ماقام أبوه علشان يوديه وبعد ما أخذ أحمد دش ثاني على الصبح من أبوه
وأي دش ... يا سلام ولا أحسن موال عراقي
فطبعا بعد هاذي الأحداث الزلزالية
وصل أحمد متأخر
المدرسة: Come on
(ادخل)
دخل أحمد ومسوي عمره مؤدب وعيونه في الأرض وقال..
أحمد: Good morning, May I come in?
(صباح الخير، هل أستطيع الدخول
وحليله أحمد .. من سوء حظه إن مهما يمثل الأدب مافي فايدة.. لأن المدرسة من الأصل ماتحبه
فيوم تأخر .. ماكلفت عمرها حتى تسأله ليه.. ولقتها فرصة تنتقم منه
المدرسة: You have to see the principal
(عليك مراجعة المدير)
أحمد طل بوجهج اللي يقول أنا ميت على حصتج
وطلع أحمد بهدوء ;بعد ماكان بياخذ الباب وياه
وردت المدرسة تكمل الشرح
وبعد ما خلصت من شرحها والصدعة
بدا موال شحاتة المدرسين... وقالت لهم
المدرسة: Do the exercises for tomorrow.
(حلوا التمارين ليوم غد)
وشوي وسمعوا صوت ولا صوت الكروان
وتموا يهتفون ويهللون لسماعهم هالصوت
واللي هو صوت الجرس يا حلويين
والسلام عليكم ورحمة الله وبركاته
>> عشان الذكريات الحلوه
