كوول على طوول ..

[XenO]

السلام عليكـم ..

ما عندك أحد
الشباب الكوول .. في كل يوم بتتزايد تصرفاتهـم تقليداً للغرب .. وإذا شافوا شخص لم يتصرف على سيرهم ابتعدوا عنه وطاح من أعينهم .. عايشين حياتهم بدون هدف .. لا صلاة ولا عبادة ولا يحزنون .. سيارة تلمع فقط .. وكل يوم يتجمعوا عند أحد المجمعات أو الأسواق يستعرضوا أنفسهم على الرايح والجاي .. وإذا صعب عليهم فعل هذا الشيء .. تلقاهم في أحد الاستراحات ماسكين " الشيشة " للكبار أو " المعسل " للصغار ..

حتى البنات .. قل الوعي عندهم .. كل يوم في الأسواق .. متعطرات عطور توصل للحي الثاني .. مضيقات العباءاة بحيث إنهم لو شالوها تقل الفتنة شوية .. والشعر خارج من الخلف وواضح لهذا وذاك .. المكياج ما يحتاج اعلق عليه .. لا المشكلة إذا اتعرض لها واحد من الشباب وغازلها .. تتشكى وتتضايق .. مع إن البوي فريند صار أمر ضروري لكل واحدة منهم ولازم يكون كوول طبعاً ..

حتى الأهالي ما عندك أحد تجدهم لا يبالون .. " خليهم يعيشوا حياتهم ياخي " .. الأم مع صديقاتها مع علبة شوكلاتة جواهر .. والأب مع شلته يطقطوا شوية في البلوت .. تحت شعار نعم للتطور ولا للمخدرات ..

كيف تتعرف عليهم ؟
الجينز الوسيع الخاص بـ " Negga " اللي نازل تحت الوسط .. بشرط إن السروال الداخلي يكون واضح ومرتفع عن الجينز ..
القميص الواسع اللي يوصل لحد الركبة من كبره ..
حتى السلاسل الخاصة بـ النجا الأمريكان من طقة فيفتي سينت ونيللي وتشينجي .. ما تركوها .. تلقاهم لا بسينها بكل فخر .. -_-
وربما لصقة يلصقوها بالوجه ثمنها يمكن أكثر من 25 $ .. وهذا شكل واحد فقط من أشكال الكوول بويز ..
والقصات اللي مدري من وين جايبينها .. الشوشة المنبوشة = الشعر الكثيف الملخبط .. وصدق المثل اللي يقول شوشة منبوشة فيها قملة مخشوشة .. مدري من وين جبته
أو الشعر متعدد الاتجاهات تلقى جزء منه متجه للأعلى وجزء لليمين وحالة ..
أو الشعر الطويل .. مثل أنطونيو بانديرس .. والمشكلة مصدقين إنه عاجبهم .. -_-


إسوارة LiveStrong
هذي الإسوارة ما وضعوها إلا لتكبير كلمة الواد الكوول على جبينهم .. >_>
لكن هي في الأساس توضيح لأنك اتبرعت لصالح أبحاث علمية لعلاج السرطان اللي أسسها لاعب سباق دراجات أمريكي اسمه لانس ارمسترونج أصيب بسرطان في المخ وشفاه الله .. يعني فوق إنها إسوارة محرمة على الرجال .. رياء عيني عينك ..
المشكلة أغلب اللي لابسينها مو عارفين ايش غرضها .. ولو سألتهم يجاوبوك إن معظم الفنانين والفنانات وأهل الطرب والاغاني الغربية يلبسوها .. فقط عشان لا يسبقهم سباق الموضة .. أو سباق التقليد ربما .. ×_×

Lance Armstrong




LiveStrong

يعني إلى متى .. ونحن نسير على درب مظلم .. لا يبشر بأي نجاح مستقبلي .. تاركين النجاح للغرب .. والتقليد للعرب .. هذا في جلينا الحاضر .. فما بالكم بالجيل الجديد ؟

الله المستعـان .. : )

[احلامو ادوماتو]

stay cool

don be fool

thats the only rule

المووووووووووهم ...

و يا قلب لا تحزن ، وش بايدنا نسوي اذا هم مو مقتنعين

الله يعين بس و ينطيك العافيه

[Soliden]

لا تحرق دمي بس ..

[الموهوب]

للأسف هذا اللي حاصل .. ويقولون ليه حنا مب متطورين..

اذا قلت لهم كيف التطور يقولون كذا ^^^^


الإسوارة هذ آخر صيحة طاحوا فيها .. ابشرك في ألحين ألوان ’ وكل لون يدل على شيء معين


في اللي : التضامن ضد أمراض لسرطان .. او مع المريضين (مدري بالضبط)

ويقولون الفلوس تروح للمريضين ..ياشيخ افلقني اما كانت تروح لجيوب اصحاب المحلات اللي ماخذينها من موزع صيني..’’وفي اللي يقول : لا بس مجرد تضامن ..,,’’’’’’’’:,الحين اذا لبستها ’خلاص بتروح امراضهم

والأسود والأبيض : ضد العنصرية XD


وفي حق السلام ...بيس بيس


ومن هالدلاخات .....


بالنسبه للبناطيل فلازم اذا تبي تكمل الشكل وتصير تمام من جد ..

تحطلك سلسة عريضة ’ وطرفها شكل , كبر الحمار


’’’’’’
حتى اذا جا يسلم يسوي حركة مدري وش تبي ,,,


وأخيراً أقولك انا قد كتبت موضوع طويل عريض ومغلق ’ لان فيه بعض الشباب الله يهديهم قاموا ينططون ويتفلسفون ..

عمومتاً اذا تبي تشوفه : التقليد الأعمى للدلاخة العصرية

وشكر(ن) زينو ..

[7_Dark Soul]

انتبه لا يسمعك كول على طول

الجينز الوسيع الخاص بـ " Negga " اللي نازل تحت الوسط .. بشرط إن السروال الداخلي يكون واضح ومرتفع عن الجينز ..

اخ لللأسف...... مرة شريت واحد و كان شكله عاجبني .......بس بعد ما جربته طلع من ذي النوعية

لبسته مرتين بعدين قطيته بالدولاب و للحين ما ادري عنه -____-

يقول شوشة منبوشة فيها قملة مخشوشة

خوش مثل

حتى السلاسل الخاصة بـ النجا الأمريكان

اعرف واحد يموت في هاذي الاشياء

دايما اقوله ياخوي شيلهم ..... مخلين شكلك شكل واحد رايح فيها

يقولي : انا حاطها بس سطايل ( بالعربي ستايل)

إسوارة LiveStrong

هاذي الحين ما في محل ما يبيعها

و سعرها نار بالنسبة لشي مثلها ..... اوحدة بـ10 او 5 ريال

و ياليت تعطي شكل حلو



___

و فعلا هاللأيام ما في شي يطلع الا و على طول الناس مثل المجانين يسونه

[HIROSHI_11]

حتى البنات .. قل الوعي عندهم .. كل يوم في الأسواق .. متعطرات عطور توصل للحي الثاني .. مضيقات العباءاة بحيث إنهم لو شالوها تقل الفتنة شوية .. والشعر خارج من الخلف وواضح لهذا وذاك .. المكياج ما يحتاج اعلق عليه .. لا المشكلة إذا اتعرض لها واحد من الشباب وغازلها .. تتشكى وتتضايق .. مع إن البوي فريند صار أمر ضروري لكل واحدة منهم ولازم يكون كوول طبعاً ..

الحمد لله على نعمة العقل!



خخخ بس موب كل البنات نفس الشئ، تقطع لساني وانا اقول هالجملة



الناس تتطور بشكل.....!



الله يهدي الجميع



قولوا آمين





مشكور على الموضوع



وخليك كوول

[ashraf_2003]

ما تذكرني بالقرف الي بشوفه كل يوم
راس قنفذ
سنسال ذهب او اي سنسال (قلادة)
قعده على باب الاسواق ويشوف الرايحة والي جاية
الlive strong جديد صار في تقليد لها عنا ما اعرف ايش لازمتها

البنات جديد قاعدين شوي شوي بطوروا

وفي اباء وامهات زي ما قلت بس الحمد لله احمد ربي على ابي وامي مهتمين في اخلاقي وانا مهتم والحمد لله عندي هدف في الحياة وعايش عشانه

[Rory]

أنا مب قاهرني غير اسوارات الـ LiveStrong
أذكر كنا نلبس منها يوم كنا صغار أشكال وألوان قبل ما يكتشفون أبو يد يدها ومحد كان يلبس منها أونه ما اليهال يعني ..
أما الحين فكل من هب ودب تشوفه لابسنها وبس علشان ها الاسم LiveStrong ليييش انزين؟
هههههههه الحمدالله على نعمة العقل .. صدق الناس طلعولهم حركة من ها الحركات اليديده وشوفو كيف بيتخبلون عليها جنهم مب شايفين خير ..
بس والله فكره حلوة حق إلي يبغي يستفيد (ماديا) إنه يطلع trend يديده حق ها العقول إلي ما تشتغل !!

حتى البنات .. قل الوعي عندهم .. كل يوم في الأسواق .. متعطرات عطور توصل للحي الثاني .. مضيقات العباءاة بحيث إنهم لو شالوها تقل الفتنة شوية .. والشعر خارج من الخلف وواضح لهذا وذاك .. المكياج ما يحتاج اعلق عليه .. لا المشكلة إذا اتعرض لها واحد من الشباب وغازلها .. تتشكى وتتضايق .. مع إن البوي فريند صار أمر ضروري لكل واحدة منهم ولازم يكون كوول طبعاً ..

هذا يسمونه غباء .. وتصنع.
والله الحين عيل حق منو تتعدلون مب حق الناس خاصة الأولاد يعني علشان يشوفونكم وينبهرون؟؟
ومب الرد الطبيعي حق ها الأشكال هو المغازل والتحرش؟؟ ليش عيل يتضايقون .. أبغي أفهم بس .. ~_~

ثانكس عالموضوع الكوووول زيينو

[][-][Mr.ZeNoN][-][]

أنا أول ماسجلت بهذا المنتدى كنت أحد هؤلاء الأغبياء لدرجة إنه عند سماع أغاني باستا رايمس ((إسمي السابق)) وففتي سنت وهؤلاء المرضى دائما أقول لنفسي ((ياليتني أسود))

وكنت دائما مغفلا لدرجة إنني كنت أبحث عن حلول لأكون أسودا ((يافرحة أمي بولدها -__- ))..وكانت أغانيهم وفيديو كليباتهم مليئة بالكلمات القذرة والشتائم وجمع البنات وملذات الدنيا بأنواعها حيث أن المغني نفسه بالكليب يتعالى ويتكبر نفسه وأن لديه فلوس وفلوس كثيييييير $__$

طبعا هذا الكلام عندما كنت ساكن بجدة لانه أنت عارف إن جدة والأشكال هاذي خاصة فئة الشباب يسمعون هذه الأغاني التافهة وإستمر الحال حتى أتيت إلى مدينة الرياض العاصمة الوطنية للدولة السعودية حفظه الله من كل مكروه

وقتها كنت أسمع محمد عبده ولم يعجبني الحال في بداية الأمر لان الأغاني الغربية غير مرغوبة كثير هناك فلاتجد غير الأشرطة العربية في بعض المحلات..

وضللت أقود السيارة دون أن أسمع الأغاني وطفش وملل..فجأة..لقيت محل يبيع أشرطة غربية شريت منوعات أغاني الراب والهيب هوب فضللت أسمعه ((الشريط غير مقطع)) كانت تظهر الشتائم والسبات لالها أول ولا لها آخر..

لكن شيئا فشيئا ضللت أسمع أغاني محمد عبده وخالد عبد الرحمن وعبد الله الرويشد وبدأت أحس بكلماتهم العذبة والمحترمة..يعني شوف الفرق بين هذا وهذاك..ليست كلماتهم العذبة فقط بل هؤلاء من بلدك وجيرانك..

وقتها كرهت السود وأشكالهم من يومتها وأنا ماعاد أدانيهم بدل ماألبس البدلة والطاقية والسلسال المدحرج صرت ألبس ثوب وشماغ وأسوى سكسوكة..وأحيانا ملشح أو بشت ^____^

وأصبحت الأحوال بهذه الطريقة...ليومك ذا

[المعاناة]

عز الله انك صادز.. موضوعك جيد .

خاصتن الغويشة .. اشوف بعض الشباب يلبسونها .. يالله لك الحمد ؟

بعضهم ماينشره عليه ورع وبكره يعقل .. خبل.

والبعض الاخر ورعان تحت سن البلوغ .


ولا كن لم يعجبني طريقة تناولك للموضوع باستخفاف .. فانا اشوف ان هؤلاء الفئة .. يحتاجون لمن ينصحهم مهوب يضحك عليهم .
لانهم يحسبون انه يحسنون صنعا!

حتى الأهالي ما عندك أحد تجدهم لا يبالون .. " خليهم يعيشوا حياتهم ياخي " .. الأم مع صديقاتها مع علبة شوكلاتة جواهر .. والأب مع شلته يطقطوا شوية في البلوت .. تحت شعار نعم للتطور ولا للمخدرات

النقطة هذي تحتاج شرح .. بنت تطلع مع صديقها ..!! .. وزود على هذا اهلهم ماعندهم مشكلة !؟

مدري انت تتكلم عن المسلمين ولا الكفار !

[][-][Mr.ZeNoN][-][]

المناسبة يازينو..

توني ملاحظ هاذي...



هاذي لايف سترونج..

كانت تباع بالمستشفيات والصيدليات..

على ماأعتقد إنها كانت تستخدم لعلاج أمراض السرطان ((والعياذ بالله))

[fyuhlkryuryu]

وانت الصادق فول على طول؟

[احلامو ادوماتو]

المناسبة يازينو..

توني ملاحظ هاذي...



هاذي لايف سترونج..

كانت تباع بالمستشفيات والصيدليات..

على ماأعتقد إنها كانت تستخدم لعلاج أمراض السرطان ((والعياذ بالله))

موب علاج يا آدمي ...

هذي لدعم الأبحاث الي تختص بعلاج السرطان ...

وتعليقن على ردك السابق ، فانت الظاهر ممن ينطبق عليه المثل (مع الخيل يا شقرا )

<<<<<<<<<بيتصفق

[Abo Naif]

no comment

[FARES360]

goth fashion rocks , rap fashion sucks