معرض تصاميمي

[sensei]

السلام عليكم ورحمة الله وبركاته

آنه عندي قصة مع التصميم. "كالعادة" ما كنت واثقة من نفسي

وكنت اكره تصاميمي فانقطعت عنها وقمت ما اسوي اي تصميم الا تواقيعي في المنتديات

بعدين قلت خل اجرب اسوي تواقيع كثيرة وسويت وحطيتهم في المنتدى في موضوع "تفضلوا تواقيع خصم 100%"

بعد ما كانوا عاجبيني كلهم الا العكس كلهم ما عاجبيني الا بعضهم اللي ما يوصلون 10 هم اللي عجبوني <<لاني انه مسويتهم

بس مع بداية هل السنه تعرفت على وحدة في المدرسة وحبيتها وايد وجبت سيرتها من قبل في المنتدى في موضوع "أول قصة أكتبها على الورق بعنوان "الجوريوس"" وهي صديقتي Fire

وفي احد الحصص جا على بالها كلام حلو وارسلته لي في الحصة فرديتها بسؤال... تقصدين الموت؟؟ قالت لي ما ادري جا على بالي هالكلام فكتبته... بعدين قالت اوكي راح اخليه الموت فغيرت كلمه he وخلته it

فلما رجعت البيت شفتها اون لاين وقلت لها بسوي لها تصميم بالكلام اللي كتبته

فكان اول تصميم احتفظ فيه لحد الحين وهي اللي اختارت الالوان

بس ما عجبني فقلت بسوي غيره بس بنفس الصورة وطلع احلى منه بشوي والالوان انه اخترتها هالمرة

وبعد كذا في يوم في احد الحصص كانت Fire متضايقة نفسيا فارسلت لي رسالة مكتوب فيها "اللي على التصميم"... فرجعت البيت وسويته على طول بنفس مقاس التصاميم اللي قبله

وكنت فاضية يومها فسويت على نفس الكلام الاول "الموت" تصميم جديد وطلع احلى

كنت حيرانه بو لمعة احلى والا من غير في بنات قالوا لي بو لمعة احلى وفي اللي قالوا من غير احلى فخليتهم اثنينهم

بعدين اعتدت على اني اسوي تصاميم وارسلها لها فما كنت اعرف شنو اسوي فاخذت كلمات من اغنية الانيمي Aishiteruze baby الاخيرة وسويت لها التصميم

ما عجبني التصميم كلّش بس الكلام حلو ومعبر

بعدين حبيت اسوي تصميم على شعار Fire وهو Life Stinks لكثرة المآسي اللي في هالدنيا فسويته وكان أحلى تصميم سويته لحد الحين

تتبع القصة...

[sensei]

وفي يوم كنت اتكلم مع وحدة من الربع Chii وهي رهييييييبة في التصميم فعطيتها صورة ومقاس وجملة ونسوي عليها تصميم ونشوف بالترشيح من الاهل والربع من اللي بيفوز <<واكيد انه الخسرانه
وهاي التصميم اللي خسرت فيه



وبعد فترة ما سويت تصميم... بس اني غيرت الكلام اللي على السبورة وخليته School Stinks وهاي شعار شلتنا "FL3S"


وفكرنا انا و Land <<أحد اعضاء الشلة ان نصورها ونعلقها في المدرسة من غير ما احد يدري بس ما حبينا نسوي مشاكل لـFire لانها الوحيدة اللي الكل يعرف انها تقول school stinks

وبعدين في احد الايام كنت جالسة ما اعرف شو اسوي فكان في صورة احبها وايد فاتحتها واتأمل فيها وودي اسوي عليها تصميم
فمن اول ما جا على بالي كلام اكتبه عليها سويته


وأرسلته لرفيجتي Fire لان ابوها يدخن وارسلتها بعد لرفيجتي الصينية Maggie وانصدمت ان وحدة مراهقة تسوي تصميم عن التدخين

المهم اكمل لكم باقي التصاميم

لقيت صورة تجنن لـIchigo اللي في الانيمي Bleach فسويت له تصميم وعجب Fire وايد لانها تحب هالانيمي



فقلت خل أكملها بـIshida خاصة انه الشخصية المفضلة لـFire في هالانيمي



وفي صورة حبيت اسوي لها تصميم بس ما كنت اعرف شنو اكتب عليها فقالت لي اختي Sawada shin <<عضوة في هالمنتدى "لو ما كنتوا تعرفونها".. اكتبي عليها feel free لانها تناسب الصورة وايد



في شخصية احبها وايد في مانجا wild adapter فسويت تصميم "بقصد الفكاهة"


الكل يعرف ان الجميلة النائمة بنت بس الصراحة اشوف هالرجال احلى من الجميلة النائمة بملايين المرات^^

----
رجعنا لسالفة المسابقة مع Chii بس ما كملنا المسابقة لانها ما قدرت تضبط التصميم وتصميمي طلع الوع الجبد بس بحطه "لاختلاف الاذواق"



ومسابقة ثالثة معاها بس هالمرة آنه اللي فزت^^


اخترت هالكلمات لانه متعلق وايد بقصة المانجا... وان ما كنتوا تعرفون هالمانجا فهي مانجا Stigma وترجمتها بالكامل للعربي

وتصميم اخر للمانجا الرهيبة


والكلام مأخوذ من أغنية الأنيمي Loveless الأخيرة

-------
هاذي كلمات من اغنية <<انه ما اعرفها .. ارسلتها لي Fire في أحد الحصص لتعبر عن مشاعرها



وهاي التصميم خصيصا بعد لصديقتي Fire والحمد لله عجبها


والكلمات من أغنية Loveless الأولى

وهاي آخر تصميم سويته لحبيبتي Fire وعجبني وايد<<من النادر.. وعجبها بعد وطبعا كل التصاميم تكون هي أول من يشوفها بعدين اروي البقية لاني اسويها خصيصا لها



وآخر شي بعد ما قدمت امتحان الفيزياء وبعد تفكير طويل تغيرت نظرتي للحياة فحطيت اضافات لتصميم Life Stinks


الاسباب اللي غيرتني هي اني في امتحان الفيزياء في الصفحة الاولى كان في قانون صااااامته بس ما ادري ليش تبخر فطنشت<<وهاذي من عادتي.. وانه مب من النوع الحريص او اللي يصيح بعد الامتحان ... بس طول ما انه احل الاوراق الباقية ادعي ربي اني اتذكر القانون ولما وصلت الصفحة الاخيرة على المجموعة الاخيرة من الاسئلة سبحان الله نزلت المعلومة في مخي مثل ما موجودة في الكتاب فرجعت بسرعة للصفحة الاولى وكتبته وتميت اشكر ربي من كثر ما اشكره عيوني دمعت
وبعدها قلت مدام حالي احسن من غيري الحمد لله عندي عيلة وربع احبوني ورب يساعدني ليش اقول Life Stinks
غيري حياته اصعب واقسى فالحمد لله على كل حال وحاولت اقنع Fire فقالت صج ان هالاشياء حلوة بس بعد في اشياء خايسة في الدنيا بس انه اقول دايما شوفوا الاشياء أياً كانت من الناحية الحلوة والزينة ولا تشوفونها من الناحية السيئة

هاذي قصتي مع التصميم والصراحة ما كنت ابي اعرض تصاميمي لاني ما اثق بنفسي بس Fire شجعتني وقالت لي تصاميمك روعة ولازم تنشرينهم
التصاميم ما خلصت وانه على وشك اني اسوي تصميم جديد على ابيات قصيرة كتبتها لنصفي الثاني Fire أعرف انها مب لين هناك لاني ما فالحة في الشعر بس هذا اللي طلع مني
وغير اني سويت توقيع رائع لها وصج حبيته بس ابي اسالها لو كان بامكاني احطه هنا والا لا وتوقيعها كان اخر تصميم سويته

ان شاء الله عجبتكم التصاميم وودي اعرف ايش اللي عجبكم وايش اللي ما عجبكم وبكل صراحة لاني ما راح ازعل بس العكس انه ازعل من المجاملة

[@الصقر@]

لا استطيع الا ان اقول
مبدعه مبدعه مبدعه
بملء فمي وليسمع العالم
بمل فمي وليعرف الجميع
بملء فمي وليكن ما يكون
برينسيس سانسي من اكثر من رأت عيني ابداعا
وحاسبوني

[sensei]

لا استطيع الا ان اقول
مبدعه مبدعه مبدعه
بملء فمي وليسمع العالم
بمل فمي وليعرف الجميع
بملء فمي وليكن ما يكون
برينسيس سانسي من اكثر من رأت عيني ابداعا
وحاسبوني

هذا أول رد علي ومشجع ومعبر
تسلم اخوي عالرد الرائع والصراحة رفعت من معنوياتي
كل انسان وله مواهب بس للأسف يكتشفها متأخر
وأشكرك مرة ثانية
وسلام

[Thinkful Guy]

السلام عليكم ورحمة الله وبركاته

والله عجبتني التصاميم وايد، بس ما أدري ليش ما عجبتج

وأحلى تصميم كان مال Ichigo

[sensei]

السلام عليكم ورحمة الله وبركاته


والله عجبتني التصاميم وايد، بس ما أدري ليش ما عجبتج


وأحلى تصميم كان مال Ichigo

سببين اللي خلاني اشوفهم مب حلوين
الأول: عدم الثقة بالنفس
الثاني: الواحد ما شوف الشي اللي سواه حلو
أما ان احسن تصميم مال Ichigo... آنه مب معاك لأن في الأحلى
ومشكور أخوي عالرد
وما قصرت
وسلام

[BURNING FIRE]

hiiiiiiiiii........i just wanted 2 say that u 4got 2 mention that every letter we ever wrote 2 each other were in the arabic lesson(my favorate lesson and my favorate teacher)loool.............and i think that all of them R great........and u can put that 1 u made 4 me ofcorse i mean u made it so its urs..............keep it up
u r the best.........and u r my other half 2.........and i'm telling u :u can never get me 2 think that life doesn't stink..............coz it DOES.........love u.........thanks

[sensei]

ما توقعتج بتردين الصراحة فاجأتيني....

عندي ملاحظة على كلامج ودي اقولج اياها بس مب هني

ذكريني في المستقبل

وشكرا على ردج

والتصاميم الجديدة في الطريج

[Thinkful Guy]

تصاميمج حلوة وايد

مع اني (على ما اعتقد) اكثر وحدة تحبطج<<< يمكن متاكدة من هالشي

بس عندي تعليق ما ابي اقوله<<< بحتفظ فيه حق نفسي

مو عن شي بس احسه يبط الجبد... واخاف تزعلين اذا قلته<<< لا تحنين علي في الليل لأني مب قايلته لج ابدا

وسلام

استمري

[SawadaShin]

تصاميمج حلوة وايد

مع اني (على ما اعتقد) اكثر وحدة تحبطج<<< يمكن متاكدة من هالشي

بس عندي تعليق ما ابي اقوله<<< بحتفظ فيه حق نفسي

مو عن شي بس احسه يبط الجبد... واخاف تزعلين اذا قلته<<< لا تحنين علي في الليل لأني مب قايلته لج ابدا

وسلام

استمري

[sensei]

تصاميمج حلوة وايد

مع اني (على ما اعتقد) اكثر وحدة تحبطج<<< يمكن متاكدة من هالشي

بس عندي تعليق ما ابي اقوله<<< بحتفظ فيه حق نفسي

مو عن شي بس احسه يبط الجبد... واخاف تزعلين اذا قلته<<< لا تحنين علي في الليل لأني مب قايلته لج ابدا

وسلام

استمري

بالعكس يا حبيبتي أتذكر يوم التواقيع اللي كنت أصممهم كنتي أكثر وحدة تشجعيني عليهم
ما أنسى فضلج

أما عن التعليق إذا ما كنتي تبين تقولينه كيفج وما راح أحن عليج... لو أنج ما قلتي أن عندج تعليق بالأول كان أحسن بس عادي ما في مشكلة

أما عن الاستمرار أفكر احطهم في موضوع جديد وبحط هالتصاميم بعد علشان يكون موضوع شامل للتصاميم ومب بس البداية

وشكراً حبيبتي على ردج

وبشتاق لج.... << شفيها ذي؟؟؟ "لي قصد ثاني بس ما بقول لج "

[SawadaShin]

اعرف قصدج مافي داعي تقولينه


بس شوفي... اذا تبين تفتحين موضوع خاض كمعرض
خلي التعليقات عليها في هالموضوع
علشان ما يعفسون لج المعرض

[BURNING FIRE]

تؤتؤتؤتؤتؤتؤ(متذكرة؟؟)...........ما توقعتيني ارد؟؟؟؟:vereymad: معلش مقبولة.........و ما قلتلي الشي ........سلام

[sensei]

تؤتؤتؤتؤتؤتؤ(متذكرة؟؟)...........ما توقعتيني ارد؟؟؟؟:vereymad: معلش مقبولة.........و ما قلتلي الشي ........سلام

...............<مافي رد بس <<ابتسامة

[BURNING FIRE]

لاااااااااااااااااااااااااااااااا...........أنا مصرة...........بدي رد.........على كل حال مش مشكلة........احنا رجعنا عالمدرسة ( قصدي ما في حد يخلصك مني ).......سلاااااااااام