لماذا لا تشارك الفتاة بالمنتدى؟؟؟؟

[Empress uae]

السلام عليكم و رحمة الله و بركاته





ألاحظ بين فترة و آخرى إختفاء بعض الأخوات الفاضلات عن المنتدى. صحيح أنهن قد يكن منشغلات في أمور الحياة أو الدراسة أو الخطبة و الزواج و غيرها من الأسباب. و لكن أنا أعتقد أن هناك سبباً آخر أحب أن أكتشفه.




فإذا إحداكن عرفت السبب، أتمنى أن تخبرني حتى لو كان مختلفاً عن أختها. أنا لا أقصد عدم تواجدها في قسم المرأة و لكن أقصد في المنتدى بشكل عام.




و إذا كان لديكن بعض الملاحظات أو الآراء أو النقاط المهمة التي تودن قولها لي أنا أو حتى الأخوات الفاضلات

ابتسامــــــه, ~~ RaHoOoMa ~~, ~*~سحابة صيف~*~

فإننا على إستعداد لسماعها منكن سواء في هذا الموضوع أو عن طريق الخاص.



هذا و بارك الله فيكن جميعاً.

[المزيووونه]

وعليكم السلام ورحمه الله وبركاته ..

اممم .. أختيه امبراطوره .. يمكن بنوتاتنا مشغولين .. يمكن ما عندهم وقت ..

تسلمين أختيه .. والله يكثر من أمثالج ..

^__^

[Empress uae]

وعليكم السلام ورحمه الله وبركاته ..

اممم .. أختيه امبراطوره .. يمكن بنوتاتنا مشغولين .. يمكن ما عندهم وقت ..

تسلمين أختيه .. والله يكثر من أمثالج ..

^__^

خلاص أنا ببيع لكم الوقت. مشكورة يا الغالية على الرد.

[بنت الشيبه]

وعليكم السلام ورحمة الله وبركاته ..

تسلمين الغاليه ع الطرح ..

وانا ابصراحه من الفتيات اللي تحب النت ..

وتقريبا .. يمكن عندي أكثر من 10 منتديات ..

بس طبعا اخويه ما يرضى اني ايلس ع الكمبيوتر ..

ولا يبغيني اتعلم اي شي يخص الكمبيوتر ..

ما يعرف انه نحن في زمن السرعه والتطور ..

وانه الكمبيوتر صار شي اساسي ..

حتى اذا عندي بحوث او واجبات ابغي اخلصها ..

واستعين بالكمبيوتر .. ما يرضي .. اونه سيري دوري بالكتب ..

^________&

شفتي العقل انتي ..

والمشكله انه دارس ..

وتخصصه .. يعني .. اونه انسان واعي ..

بس شو انقول ..

والحينه انا اتعلم تقريبا ع الفوتوشوب ..

هو راضي ..

بس ابشرط ما افتح ولا شي ..

لا منتدى ولا مسن ..

يعني .. شكله راضي تقريبا ..

بس مب لوجه الله ..

يقولي اتعلمي .. عدل .. لانه اذا اختج عرسة بخليج اتصممين لي تواقيع .. وشعارات .. حق المباريات ..

^________________&

نعيب زماننا .. والعيب فينا ..

وما لزماننا عيب سوانا ..

ونجهو ذا الزمان بغير ذنب ..

ولو نطق الزمان لنا هجانا ..

والسموحه ع الاطاله ..

بس من الغصه ..

طبعا هو الحينه فالدوام ... لو يعرف اني يالسه ..

امممممممممممممممممممممممم

فيها شل رقاب ..

خخخخخخخخخخخخخخخخخخخخخخخخخخخخخخخخ

سلااااااااااااااااامــ

أختكمــ الدبه ،،

بنت الشيبه

[~*~سحابة صيف~*~]

وعليكم السلام ورحمة الله وبركاته
تسلمي إمبراطورتنا على فتح هذا الموضوع
أنا بلاحظ الأغلب بسبب الدراسة، وفي الأسباب اللي ذكرتيها كمان
وفي البعض بتصيبه حالة ملل ،بحس المواضيع مثل بعض ما في شي جديد
وممكن كمان يغيبوا إذا زعلوا من حد أو تضايقوا من حد
هذه بعض الأسباب
واللي عندها إضافات فكلنا آذان صاغية
ومشكورين

[*همس الورد*]

بسم الله نبتدأ

أهلين وسهلين أختي الامبراطوره ...مشكوره لجهودك الطيبه

ولسؤالك عن الجميع واهتمامك

بالنسبه للاسباب اللي تمنع بعض الفتيات عن المشاركه اول

شي عامل الدراسه

وتيجي بعديها عوامل متل الوقت وتانيا يمكن تحس بعم

ارتياح لبعض الاقسام او العكس انو هالقسم مو متفاعل مع

مشاركاتها

فتبدا تبطل يمكن


انا عن نفسي عندي شوية ظروف ورح تنتهي هاليومين ان شاء

الله
ورح ارد اكون زي اول لاني فعلا افتقدت كتير من الاقسام

اللي مشاركتي فيها ارت تقريبا شبه معدومه

ومشكوره مره تانيه ..........كل عام وانتي

بخير .......متاخره بس معلش

[Nnoshah]

مممممممممممممم هناك أسباب وايده
أولا الدراسه تاخذ منا وقت أكبر
وبعدين على ما أعتقد طبيعة البنت تكون إنها تتعلم أشغال يدويه مثل الطبخ والخياطه والتطريز وغيره
يعني مثل هالأشغال عسب تنفع عمرها في المستقبل ..
الأهل اكيد ما بيرضون ان البنت تقعد عالنت 24 ساعه لأنها اتضيع وقتها في شي ما يستاهل
وفي أشياء تستاهل بعد أنها اتسويها عالنت
مثل البحث عن معلومه تريدها أو انها تنصح خوانها المسلمين ...

أنا عن نفسي " أشوف النت يضر البنت " في أسباب عديده
أولا في الصحه : لا تاكل ولا تنام وأشعة الكمبيوتر يأثر على عيونها
ثانيا : الدراسه ..أنا إن يلست عالنت عالأقل باخذ 6 ساعات ..لأني احب النت لدرجه ابى اقعد يومين متواصلين

عسب جي أنا الحين أعود نفسي إني اقعد عالنت عالأقل ساعتين أو ثلاث
عسب ما أضر عمري
وبعدين صراحه الثانويه خلتني معقده
بعد اللي شفته صعب ماظني بقعد عالنت الحين ابدا الا الاربعاء
لازم نجد ونجتهد
الدرجات ماتيي بالبلاش

عندي سؤال لو سمحتوا ... انتو اكبر عني واكيد عندكم خبره
بالنسبه للمتزوجات هههههههههههههه
كيف الزوج يخلي زوجته تدخل النت وتشارك في المنتديات؟؟ يعني سؤال كان ودي أسأله
يعني ما بيخاف عليها ؟؟ ما بيغار لأن زوجته ترد على موضوع وصاحب الموضوع رجل يرد عليها من بعده
ما بيغار لما يشوف كلام الإطراء والمدح من شخص ثاني غيره لزوجته

وبس ,,,
ومشكــــــــــــوره اختي امبراطوره عالطرح الجميل
تسلمين وما قصرتي

[dana_2005]

مممممممممممممم هناك أسباب وايده

أولا الدراسه تاخذ منا وقت أكبر
وبعدين على ما أعتقد طبيعة البنت تكون إنها تتعلم أشغال يدويه مثل الطبخ والخياطه والتطريز وغيره
يعني مثل هالأشغال عسب تنفع عمرها في المستقبل ..
الأهل اكيد ما بيرضون ان البنت تقعد عالنت 24 ساعه لأنها اتضيع وقتها في شي ما يستاهل
وفي أشياء تستاهل بعد أنها اتسويها عالنت
مثل البحث عن معلومه تريدها أو انها تنصح خوانها المسلمين ...

أنا عن نفسي " أشوف النت يضر البنت " في أسباب عديده
أولا في الصحه : لا تاكل ولا تنام وأشعة الكمبيوتر يأثر على عيونها
ثانيا : الدراسه ..أنا إن يلست عالنت عالأقل باخذ 6 ساعات ..لأني احب النت لدرجه ابى اقعد يومين متواصلين

عسب جي أنا الحين أعود نفسي إني اقعد عالنت عالأقل ساعتين أو ثلاث
عسب ما أضر عمري
وبعدين صراحه الثانويه خلتني معقده
بعد اللي شفته صعب ماظني بقعد عالنت الحين ابدا الا الاربعاء
لازم نجد ونجتهد
الدرجات ماتيي بالبلاش

بسم الله الرحمن الرحيم
كيفك اختي الغالية
شكرا لك على الموضوع المهم
انا رأيي من رأي الاخت الغالية دينجر غيلر
البنات عندهم اشغال اكتر من الاولاد
وراهم دراسة طبيخ هههه و شغل بالدار ازا في حدا بشتغل برات البيت
وان البنات بهمتو بالدراسة اكتر من البنات صحيح

وشكرا حبيبتي دائما متوفقة بموضيعك ومشاركاتك
ووجودك دائما بالمنتدى
الى اللقاء
يلا ننتظر جديدك
ما تتأخري اوكي
بحفظ الله

[Rave Master]

السلام عليكم روحمة الله وبركاته

شحالج اختي امبراطورة ... واختي دينجر قيرل ... ليش تكتبين باللون مالي

اولا حبيت أسأل مثل سؤال الاخت دينجر قيرل ... شوفوه في نهاية مشاركتها <<< متعايزة اكتب نفس الكلام ^_^

ثانيا ... أوافق اختي دينجر قيرل ... على اللي قالته ان البنت لازم تضمن مستقبلها وتتعلم الخياطة والتطريز والطباخ اهم شي الطباخ ...

و انا عن نفسي ... ما احصل وقت وايد ... و أهلي يحبوني ايلس معاهم مش ايلس جدام الكمبيوتر 24 ساعة ... ترا والله السنه اللي طافت كنت أسويها ايلس 13 ساعة على المنتدى عادي ما في مشكل حق أنا ... بس بعدين قلت مش زين ... ولازم أعدل نظام نومي ... لأن امي قامت تتظايج من اللي أسوي بنفسي ..

فما بغيت اشوف امي متظايجة ... واخواني يعرفون اني ادخل المنتدى يعني نو بروبلم بس مرات يقولون لي خل عنج هالخرابيط ... مب زينه لج

وغير هذا انا لما اشغل الكمبيوتر مرات ايلس اشوف المواضيع ... أغلبيتها مش لين هناك نفس قبل ... يعني قبل تحصلين 10 مواضيع تمام تردين عليها ... أما الحين يالله يالله تحصلين 3 او 4 بالاسبوع

وغيره أني يوم ادخل النت ايلس انزل حلقات انيمي ... واخلي الكمبيوتر شغال لين ما تنزل الحلقات وما يكون لي نفس افتح شي ثاني ... اروح اشغل نفسي بالخياطة ... أو طبخ ... أو اسولف مع العائلة الكريمة ..

والدراسة تراها مهمة علشان جذي الاغلب ما يدخل إلا في الاجازات ...

وغير هذا في ناس ينتظرون الاجازات علشان الطلعات و تزاور الاهل فيما بينهم ... يعني هذه أسباب ..

وفي غير أسباب ... بس ان شاء الله ارجع مرة ثانية ... واعطي فرصة لغيري للرد على الموضوع

يعطيج العافية امبراطورة على الموضوع الشيق ... وتسلمين

[abeeressa]

السلام عليكم ورحمة الله وبركاته

موضوع حلو ومناقشة في الصميم

كل بنت لها ظروفها أكيد ، بس أنا باجاوب عن المتزوجات - أنا زوجة وأم لطفل واحد - وهذا السبب اللي يخليني مبتعدة عن النت والمنتديات والمشاركات الاهتمام بالزوج والطفل والبيت مسئولية كبيرة ، رغم إني مدمنة نت وكمبيوتر يعني أحب أتعلم كل شي مو بس النت حتى أركب كمبيوترات وأنظمة تشغيل وأفرمت وأترجم أفلام وأتابع إنمي وأصمم بالفوتوشوب و ...... و.....و

المهم بالنسبة لي زوجي واثق فيني لأبعد الحدود وأنا محترمه هذه الثقة يعني ما لها داعي الرمسة الزايدة لأن هذه منتديات محترمة مب شاتينج ... أتمنى إني أكون جاوبت على أسئلة البنات الحلوات والله يرزقكم زوج مثل زوجي ^_^

[Nnoshah]

السلام عليكم ورحمة الله وبركاته

وعليكم السلام والرحمه ^^

كل بنت لها ظروفها أكيد ، بس أنا باجاوب عن المتزوجات - أنا زوجة وأم لطفل واحد -

الله يخليه لج آميييييييين ^^

وهذا السبب اللي يخليني مبتعدة عن النت والمنتديات والمشاركات الاهتمام بالزوج والطفل والبيت مسئولية كبيرة ، رغم إني مدمنة نت وكمبيوتر يعني أحب أتعلم كل شي مو بس النت حتى أركب كمبيوترات وأنظمة تشغيل وأفرمت وأترجم أفلام وأتابع إنمي وأصمم بالفوتوشوب و ...... و.....و

هيييييه أشووووف انا التوقيع اللي سويتيه
تراه حلو عيبني

المهم بالنسبة لي زوجي واثق فيني لأبعد الحدود وأنا محترمه هذه الثقة يعني ما لها داعي الرمسة الزايدة لأن هذه منتديات محترمة مب شاتينج ...

أهاااا حلو حلو
صح

أتمنى إني أكون جاوبت على أسئلة البنات الحلوات والله يرزقكم زوج مثل زوجي ^_^

خخخخخخخخخخ نحنا بعدنا ندرس بس آميييييييين الله يسمع منج

مممممم ابصراحه أبى اسألج سؤال بعد >>> ماتخلص هالبنت
ممممممم لو السؤال محرج مافي داعي تردين عليه يالغاليه
في خاطري بعد اعرف أن الأزواج عادي يخلون زوجاتهم يدخلون النت بعد الليل ؟؟
خخخخخخخخخخخ
ادري سؤال عبيط

ومشكـــــــــــــور عالرد ^^

[abeeressa]

أفا عليج يا لغالية أرد عليج ليش ما أرد
زوجي مسافر - الله يحفظه - سفرة عمل وأنا أترياه على الماسنجر ..... ^_^ وشفت هالموضوع الحلو قلت ادخلي يا حرمة جاوبي البنات ... وأي استفسار ثاني ، مايردج إلا كيبوردج على قولتهم

[ابتسامــــــه]

الغريب في هالقسم إنه قسم المرأة

ونحن ما نشوف غير الشباب إلي يشاركون فيه

لا وبعد مواضيعهم مميزه

يمكن من الاسباب الدراسه

...

أو من الاسباب إلي ذكرتها الاخت بنت الشبه

[Empress uae]

أنا أعتقد أن البنت ما تشارك بالمنتدى أنها ملت من الوجوه اللي فيه.



يعني كل يوم نشوف نفس الوجوة. يا ناس نريد نغير هذه الوجوة، يعني ما في طريقة؟؟



لذلك الأخت بنت الشيبة تشارك ما شاء الله في أكثر من 10منتديات حتى ما تمل.

[بنت الشيبه]

ههههههههههههههههه ..

الملل يلعب دوره في كل شي ..

شو اسوي بس ..

^__________&