!!هــــــــوايتـــــــي!!

[3aShqat^aljenan]

السلام عليكم ورحمه الله وبركاته

شخباركم ... ان شاءالله بخير وعافيه ؟

بقولكم قصة قصيرة .....

الساعه 6 الصبح قعدت من النوم حق الدوام وكنت بقمة سعادتي وفرحانه مادري ليش

." بالعادة كله مالي خلق .. مو متعوده على قعدت الصبح"

وبالسياره طول الطريج اتبسم ...و كنت اسمع برنامج على الاذاعه اسمه "تباشير الصباح" ..
سبحان الله كان موضوعهم عن الابتسامه

وقال حديث شدني مع اني حافظته دايما اسمعه بس مادري اليوم أول مره احس فيه يمكن لاني مستانسه
قال الرسول صلى الله عليه وسلم " تبسُّمك في وجه أخيك صدقة "

فقلت حق نفسي من قعدت وانا ابتسم! مافكرت انويها صدقه ليش أضيع علي هالحسنات والاجر !!!!! فـ قررت خلاص اليوم كله ببتسم بنية الصدقه ....

وبعدها فكرة ليش ما اهلي ورفيجاتي يشاركوني هالاجر!!!!! ... وطرى على بالي ادزلهم مسج واذكرهم بهالشي ....

خاصه احنا " البنات " محتاجين الصدقة ....

لانه الرسول عليه افضل الصلاة والسلام قال : يا معشر النساء تصدقن ، وأكثِرن الاستغفار فإني رأيتكن أكثر أهل النار ....." .. اللهم أجرنا من النار ....

ومنها انطلقت حملتنا الصغيره

" هوايتي جمع الحسنات "

فكرة الموضوع :

اهي حمله عن طريق الرسائل القصير " SMS"
ومضمونها فقط يكون كيف تحصل على حسنات طول اليوم.. وبكل رسالة تكون هناك فكرة يديده ....
ويفضل انها ترسل كل يوم او حتى كل اسبوع عشان ما يملون منها الناس واهم شي ترسلونها ((( الصبح ))) ... فـ يتم الاستفاده منها اليوم كله ...

الفكرة اليديده واللي اهيه وليدة اللحظه ان غيرنا الاسلوب صار خفيف وطريف وبنفس الوقت يحمل معاني كبيرة... واللي يفرح القلب صج انه نالت استحسان الكل الحمدلله هذا من فضل ربي ... وحبيت خواتي اشاركم فيها ... وبإذن الله تلقى قبول ويكون لها تأثير والاهم ان الله يتقبلها منا ويرزقنا الاخلاص فيها ...

هذي القصه باختصار ....

وكل اللي اتمناه منكم خواتي نشرها ... وترى حقوق الطبع محفوظه حق الكل اهم شي تنشرونها واطبقون اللي فيها اذا عجبتكم ...

وهذي المسجات الي كتبناها
...

1 new message

" اليوم وزعو ابتسامات حق البنات فقط

بنية الصدقة _

حملة:
( هوايتي جمع الحسنات )"

2 new message

" باجر عطله
وفي ليل الشتا يحلا السهر مع رب العالمين

حملة :
( هوايتي جمع الحسنات ) "

4 new message

300 حسنة عالماشي ....

قول السلام عليكم ورحمه الله بركاته
_بدال _ جود مورنينق ;>

حملة:

(هوايتي جمع الحسنات)

5 new message

قال الحبيب صلى الله عليه وسلم ( مثل الذي يذكر ربه والذي لا يذكره كمثل الحي والميت )

اليــــوم انا ذاكــر اليـــوم انا حـــي

حملة :
( هوايتي جمع الحسنات )

6 new message

(تبين تكونين اجمل من الحور العين ؟

خلي همج اخرتج ..

" اللهم اجعل الاخرة همي "

حملة :
هوايتي جمع الحسنات )

7 new message

(اذا كنت تقضي وقتا فاقضه بأفضل طريقة ممكنه:

اذا كنت تصلي فأخشع
واذا كنت تقرأ كتاب فأستفد منه
اذا كنت تعمل فأعطي من قلبك

حمله :
(هوايتي جمع الحسنات )

8 new message

جم مره دسنا فوق ال 120 لان خايفين نتأخر عن الدوام ؟؟؟

بس ما خفنا ...!!!

نأخر الصلاة عن وقتها....!!؟

الا صلاتي

حملة :
( هوايتي جمع الحسنات )

حبيباتي .....
اذا عندكم أي اضافات او ملاحظات ياريت تبلغوني؟ ..

والسلام عليكم

ملاحظه : اعتذر لان الكلام باللهجه العامية :> .. اذا فيه شي مو مفهوم قولولي

[ابتسامــــــه]

و عليكم السلام والرحمه

الحمد الله طيبين


فكرة الموضوع حلوه واعجبتني

ومن كم يوم وصلني مسج من انسانه غاليه علي
اعتقد متعمده ترسله لي لانها تعرف نيك نيمي >> ابتسامه << وتعرف إني لو قريت المسج بفرح ^__^



المسج
...


لماذا نبدأ حياتنا بنكد وضيق؟!
لا شيء في الدنيا يستحق هذا الضيق
إن الحياة اجمل مما كنا نظن
لـ نبدأ يومنا بـ ابتسامه وننهيها بمثلها
وسوف ترى كيف تكون الحياة أجمل , بسبب ابتسامه!


يعطيج العافيه أختي عاشقة الجنان أتمنى تفاعل باقي الاعضاء

[فريـــســـكـــا]

السلام عليكم و رحمة الله و بركاته

ما شاء الله على موضوعك الرووووعه اختي عاشقة الجنان

ربنا يجعله في ميزان حسناتك ان شاء الله و يسعدك بالخير دايما

أنا هبتدي ان شاء الله ارسلهم غدا

فكره رااائعه فعلا

... تسلمي والله يعطيكي ألف عافيه يا اختي ^^

[مستر حريقة]

جزاك الله كل خير اختي عاشقة الجنان

فكرة حلوة

جعلها الله في ميزان حسناتكم


يقول تعالى: (( يَوْمَ يَبْعَثُهُمُ اْللهُ جَمِيعاً فَيُنَبِّئُهُمْ بِمَـا عَمِلُواْ ))



شكرا لك..........


N R

[سبويلد]

مشكوووووووووووووووووووره على الموضوع القيم جدا جدا

ولكن لاحظت شي

وانا مثلك على غير العاده ابتسمت ذات يوم في وجه احدى معلماتي بقصد الصدقه فقط<<<<<بصراحه كنت مبسوطه

وبعدها قعدت تهزئ فيني تقول انتي بلهه عشان تقعدين تتبسمين....حضرتك توزعين ابتسامات

وعصبت ومن يومها وانا اذا طالعت فيها بنظرات احتقار

اما غيرها بنظرات عاديه بارده لامعنى لها

تحياتي :سبويلد^^

[naturegirl]

السلام عليكم ورحمة الله تعالى وبركاته تسلمين
أختي عاشقة الجنان عالموضوع والفكرة بعد
والله عجبتني
بالنسبة للابتسامة ما تفارق وجهي حتى وانا قاعدة قدام الكمبيوتر
تسلمييييييييييين
^_____________^

[مرعب الإمارات]

الفكرة رائعة جدا


لو تكتبيها في المنتدى العام يكون احسن لزيادة عدد القراء

وانا مثلك على غير العاده ابتسمت ذات يوم في وجه احدى معلماتي بقصد الصدقه فقط<<<<<بصراحه كنت مبسوطه

وبعدها قعدت تهزئ فيني تقول انتي بلهه عشان تقعدين تتبسمين....حضرتك توزعين ابتسامات

وعصبت ومن يومها وانا اذا طالعت فيها بنظرات احتقار

اما غيرها بنظرات عاديه بارده لامعنى لها

كرريها وقوليلها لوجه الله

[sweet Mio]

شكرا لج اختي عالموضوع الحلو والفكرة الاحلى
وانا مع اخوي مرعب الامارات لو يكون هناك افضل
وشكرا مرة اخرى ^.^

[سبويلد]

من عيوني ابتسم لهامره ثانيه عشانكم

ولغيرها...........

سي يو

[3aShqat^aljenan]

ابتسامــــــه

اهلين اخيتي ... ماشاءالله خوش مسج بنحطه حق الحمله

مشكوووووره عالمرور والمشاركه الحلوه ولا تحرمينا من افكارج

^_^ فريـــســـكـــا ^_^

وعليكم السلام ورحمه الله وبركاته

مرورج الاروع اختي

ربنا يجعله في ميزان حسناتك ان شاء الله و يسعدك بالخير دايما

اللهم اميييييين

وجزاج الله خير

نكاش روس

وياك ... بارك الله فيك اخوي

سبويلد

العفووو
ماشاءالله عليج ... صفه حلوه فيج واستمري حبيبتي ولا تاخذين على كلام احد ...
صدقيني اغلب الناس بتكسبين قلوبهم فيها بس الي ماعندهم ثقه بالنفس اهمه اللي بيردون عليج مثل رد "المعلمه " الله يهديها

naturegirl
وعليكم السلام ورحمه الله وبركاته
الله يسلمج عزيزتي .... وتبارك الرحمن عسى دوم الابتسامه ما تفارقج ... دايما اول ما تقعدين من النوم قولي يارب كل ابتسامه اليوم ابتسمها بتكون صدقه وتقبلها مني يارب ... عشان ما تضيع منج الحسنات

مرعب الإمارات

جزاك الله خيــر اخوي ومشكور عالتنبية

والله ياريت ينقلون المشرفين الموضوع ؟؟

sweet Mio

العفو وحياكم الرحمن

والله اذا فيه مجال ينقلونه ما عندي مانع واذا لا ارد اكتبه اهناك ان شاءالله ويستفيد منه الكل

سبويلد

عفيـــه عليج
احتسبيها اجر وصدقيني ماراح تضيع ربج كريم

[::.SnOw.::]

السلام عليكم و رحمة الله وبركاته
..
من انقطعت عن المنتدى لمدة شهر تقريبا... و هذي أول مررة ادخل
فيها منتدى المرأة بعد انقطاعي عنه ..وسبحان الله وقع اختياري على موضوعك
... كأنه الهام من الله لي على الخير ...
أحب أقولك أختي عاشقة الجنان
جزاك الله الف الف خير.. و يوفقك فدنياك و آخرتك .. و مشكورة على الموضوع
الرائئع ... و فعلا كلامك عين الصواب
ممكن .. أي وحدة او خلونا نعمم .. أي شخص.. ممكن يستهين بصغائر الأمور
و هي فالواقع ليست صغائر.. مثلا الابتسامة
الابتسامة شي جمييل جدا جدا و بإمكان كل شخص ان يفعله .. و لن يحس بإحراج.. او اي شي من هذا. و ممكن حنا نبتسم و ما ندري بإبتسامتنا هذي
وش زرعنا فكرة بعقول الي نبتسم لهم
و اعلموا ان الابتسامه طرييييييق لأي مراد او منال .. للشخص المبتسم
أنا مثلا اقولكم قصة صارت لي.(( بالابتسامه))
فالجامعة .. معروف عندنا بالجامعة دكتوورة عصبية جدا جدا يعني ماحد يحبها
و دائما تعصب..على الطالبات..
و الغريب فالأمر انها ما تتكلم علي او تحططني فموقف احراج
تخيلوا و الله العظيم. انا نفسي ما كنت عارفة السبب.. اكتشفت وقتها ..
أني دائما ابتسم لها .. انا من عوايدي اني دائما ابتسم مع الناس الي اكبر مني لو
وقع نظرهم علي. انا والله ما امدح نفسي .. بس حبيت أقولكم
ان الابتسامه فنظر الجهلة هي حقيرة و لكن فننظر الله كبيرة

مشكوووووووووووووووووووره على الموضوع القيم جدا جدا

ولكن لاحظت شي

وانا مثلك على غير العاده ابتسمت ذات يوم في وجه احدى معلماتي بقصد الصدقه فقط<<<<<بصراحه كنت مبسوطه

وبعدها قعدت تهزئ فيني تقول انتي بلهه عشان تقعدين تتبسمين....حضرتك توزعين ابتسامات

وعصبت ومن يومها وانا اذا طالعت فيها بنظرات احتقار

اما غيرها بنظرات عاديه بارده لامعنى لها

تحياتي :سبويلد^^

و أحب أعقب على كلام ... أختي و حبيبتي سبويلد
فعلا.. يعني في ناس.. يستحقون الابتسامه و ناس لأ
لكن دائما خلونا حنا الي نبدأ بالخييير .. معليش صحيح انها حزت في نفسك .
لكن ان شا الله تحسب لك اجر الصدقة لأنك نويتيها بنية صادقة
و لازم نحط ببالنا ان الابتسامه طريق للصلح و الصلح طريق للأمان