كتابة موضوع جديد

[AOD]

السلام عليكم
وانت جالس تفكر بكتابة موضوع جديد وجالس تكتب وتضيف الموضوع وتجلس تستنى الردود والنقاشات حول ما كتبت من موضوع وتريد تبادل الاراء وتتطمح وتتمنى بان تجد موضوعك مثبت او في قائمة المواضيع المميزة
لكن تجد رد او تعليقان على موضوعك والباقي تعليقات على الردود نفسها متجاهلين الموضوع نفسه ويمكن يصير هوشة ونقاش حاد يتوقف فيه احد الاعضاء ويمكن تروح فيها ويتقفل موضوعك
وتتراجع عن كتابة اي موضوع اخر الا بعد فترة
ما هو شيء يعصب ويزعل
اما انا الي افكر بهذا الشيء فقط لان مواضيعي ما تساعد

[Electro M]

كأنك جالسة تذبين علينا ؟

احلا ما في الموضوع النقاش اصلا
لكن اذا فعلا صار نقاش ما له علاقة باساس الموضوع ففعلا هالشي يكون محبط احيانا

بالنسبة لي الحمدلله ما سبق و واجهت هالمشكلة
يمكن لاني اخوف ؟

[AOD]

يا هنيك اما انا كتبت مرة موضوع عن صور فتيات سعوديات صارت مشاكل بين الاعضاء وهوشات بره الموضوع وتوقف عضو وحسيت بتأنيب الضمير لان الموضوع كان حساس شويه على اخواني العرب
ولله الحمد نسينا الموضوع
مشكور اخووي على التعليق الطيب

[Son_OF_Liberty]

بهالمنتدى بالذات معظم المواضيع تواجه هالمشكله

على قولة واحد من الاعضاء لو اكتب سيرتي بهالمنتدى راح القاهم يتهاوشون ويختلفون بآرائهم

والسبب يرجح لأن الاعضاء ماشاء الله بهالمنتدى من كل الفئات سنه شيعه علمانيه مجانين صاحين كل شي
وبكذا شي طبيعي تحصل خلافات والاعضاء الي ماهم متفهمين للأسف تلقاهم يغلطون ويشتمون ويتبلون
نسأل الله السلامه

[AOD]

صحيح كلامك سوون
الله يهدي الجميع

[KLD]

شنو المانع اذا كانت التعليقات على الردود لان الردود هذي جزء من الموضوع

وهذا ي}دي الى النقاش والنقاش له فوايد تزيد المعلومات وتعدل اسلوب البعض لما يشوفون اسلوب الناس المحترمين
وانا رايي غالبية اهل المنتدى من الاعضاء المحترمين