المشاركة الأصلية كتبت بواسطة الهوفي
....وعليكم السلام ورحمة الله وبركاته ....
المصائب التي تحدث في المستشفيات وخاصة الطوارئ منها ماتبكي الاعين وتشيب الرؤس ، فلا لامور سمعتها بل عايشتها واكتسبتها من خبرتي .
فتلك المصائب وان تعددت فهي ترجع لسبب رئيسي واحد ، هو الروتين الرقابي والاداري وفساده .
فللاسف اصبح الشخص يحسب الف حساب عندما يهب ليساعد طبقا للمثل "خير تعمل شراً تلقى"
صدقت اخوي ..
تعرف يامى ناس كانت حالتهم مو خطرة حيل بس بسبب الاسعافات الغبية تصير مشاكل خطيرة
وانا عانيت من هالشيء حيل ..
بسبب الاسعاف الزفت والاطباء الأزفت انا اعاني للحين...
روتين رقابي زفت والمدراء نفسهم زفت الا من رحم ربي
وجرب ارفع شكوة بالأخير انت تطفش وتقول خلااااص بسحب شكوتي
تعرف فيه سالفة صارت لي من سنوات عالقة ببالي للحين !!
وقتها كنت بالعناية وكنت لحالي مو مسموح يصير مرافق وكنت بموت من الألم ناديت الطبيب قال لي هاااه قلت تعال قال اطلبي بأدب !!
يعني مو بس علاج زفت حتى النفسيات زفت كنهم يشغلون ببلاش الله حسيبهم ...
المشاركة الأصلية كتبت بواسطة الهوفي
ارجوا ان نكون اكثرا حذر عند هذه النقطة ، فلا ندخل العنصرية ، فالانسان لشخصة وليس لجنسية يحملها .
فهناك منهم من يخلص اتم الاخلاص في عمله ومنهم الفاسد الشقي .كما من السعودين والعرب المخلصين ومنهم الفاسد الشقي .
وعندما نرجع لقصتك اخي نجد النظام هو السبب ،فاين رقابته؟ وكيف يعطى الموظف مفتاحا يذهب به ويعود كأنه منزله ؟!
وايضا يكون الموظف بين نارين ، فيكلف بمسؤولية مخزن فاذا فُقد منه شيء تحمل مسؤولية و ان استكفى به اضر مريضا . فهو قصورا بالنظام
صحيح كلامك هي على حسب امانة الشخص نفسه بس لاارداياً يااخوي لمن يغلط معك واحد من بلدك رح تكون نظرتك له غير يوم يكون اجنبي خليجي عربي غربي الي يكون
بالحالة الثانية رح تكون على طول ايش همه مو عيال بلده صح ؟
وفعلاً انا معك مثل ماقلت لأخوي فلسطيني الغلط يتحمله المدير برضو لازم يكون معه نسخه عن المفتاح !!
بس السالفة ياخوي ان مسؤلات الضمادات كانوا موجودين يوم جت البنت بس طلعوا بسرعة علشان الدوام خلص ... ماكلفوا نفسهم يجلسون نص ساعة علشان البنت المسكينة
حتى الموجودين بالمركز مانتبهوا لطعتهم توقعوهم واقفين معهم ...
المشاركة الأصلية كتبت بواسطة الهوفي
في السنوات الاخيرة هناك اتجاه كبير لناحية التخصصات الطبية وتم زيادة استعابها ، ولكن يبقى كفاءة المتخرج منها .
والامر يعود للنظام ، فهناك اطباء حديثوا التخرج واخصائي بالمجالات الطبية لم يجدوا وظائفا بالمستشفيات أو لم يتم توظيفهم على رتبهم ... وانا على علم ببعضهم .
ومازال المجتمع يرفض أو يتحفظ على دخول الطالبات بالمجالات الطبية ، رغم انخافض حدتها في السنوات الاخيرة . ولكن تظل مشكلة اجتماعية بين الرفض والقبول .
وبما يخص المجال الطبي الخاص ، فهؤولاء همهم الاساسي هو الربح ولك ان تتصور اذا ضعف الرقابة عليها ماذا يحدث .
فالمشكلة الاساسية تعود لعدم وجود حسيب ولا رقيب "ومن امن العقوبة اساء الادب"
بالعكس الحين البنات اتجهوا للأقسام الطبية حييييل
بس القهر انهم يوضفونهم على رتبة اقل رتبة فني وهو متخرج من جامعه
الصيدلة طب الاسنان العلوم الطبية كلهم على رتبة فني الا بواسطة او بره المنطقة
والحين اكتفوا من طب الاسنان وبعض اقسام العلوم الطبية والصيدلة
الدفعات الجاية كلهم بره المنطقة مثل المدرسات والقهر تشوف بالجرايد نقص خريجين الاقسام الطبية ...
عموما المستشفيات الكبيرة مايبغون سعودين تعرف ليش ؟؟
اختي تدربت بالحرس كانت معهم وحدةمش سعودية صيدلانية راتبها 3000 الألف
يعني يعني يوضفون ثلاث صيادلة ونص اجانب بدل سعودي واحد
والمراكز الحوكمية بدت تتغير هاليومين وصاروا يفضلون السعودي عن الأجنبي
انا طلعت من الموضوع حيل
السالفة والي فيها لازم لنا انقاذ صاحي مدرب صح مو اي واحد يدخل فيه + رقابة عليهم ... مع ان المدراء يبغى لهم من يراقبهم
حياك الله يالطيب ^^
