احد منكم اشترى البلاي ستيشن 3 الاوروبي ؟

[The Deadly Shadow]

السلام عليكم.....

كما تعلمون البلاي 3 نزل رسميا في الشرق الاوسط يوم الخميس الموافق 22 مارس

انا اتصلت على احد فروع سوني في الرياض ((بالتحديد فرع الفيصليه)) وسألته عن السعر قالي: الجهاز 2499 ريال 60 جيجا ((اصلا مافيه الا ابو 60 )) والالعاب على 229 ريال ... يوم سألته هن الاقبال على الجهاز قالي ممتاز جدا


اي واحد اخذ الاوروبي وياليت يقول لنا عن رأيه فيه ؟ هل تسجيل الاون لاين معقد ؟ , فيش الكهرب ابو راس ولا راسين (( شئ مهم )) الخ...

وسلامتكم ان شاء الله


والسلام عليكم....

[X11]

انا شريته.. او بالاصح كنت حاجزنه من اسبوع و اليوم ان شاء الله بيكون عندي...
بعد ما العب فيه راح اجاوب على اسالتك

بنسبه للسعر نفس السعر 2449 والالعاب 229

[zeezo.7]

الحمد لله شريته
وسويت احتفاليه بهالمناسبه
لاني انتظره من زمان
والحمد لله تحقق الحلم وشريته وكنت اول واحد خذته في الدمام على كلام راعي المحل
وكان في تاريخ 21 في الليل
والف شكر

[][-][Mr.ZeNoN][-][]

ديدلي شادو صدقني البلايستيشن بإذن الله رح ينجح عندنا

كل اللي سألتهم وش رايك بالبلايستيشن3 قالولي والله دماااااااااااااااااار

يعني أبشرك بيمشي حاله هنا

[khalid2001]

أنا أشتريته
بس فيه شيئيين ماأعجبني بالجهاز
أول شي إعدادات الأنترنت عجزت عليها يعني تخيلوا أشتريت الجهاز أمس الصباح وقعدت لين الظهر ولا ظبط معي
وقعدت اليوم 3 ساعات بس بالنهاية الحمد لله ضبط معي
العيب الثاني وهو اللي قاهرني صراحة البلاستيشن ستور مايشتغل معي يقول أنه الخدمة ليست متوفرة في
بلدك وأنا متحمس علشان جي تي عموماً إن شاء الله ناوي أغير الدولة وأخليها بريطانيا لعل وعسى يظبط
معي

[The Deadly Shadow]

شكرا يااخوه , الا اقول فيش الكهرب حقه ابو راس ولا ابو راسين ؟!

[][-][Mr.ZeNoN][-][]

شادو أنت ليش شايل هم الفيشة؟؟

تقدر تروح عند كهربائي وتشتري أبو راس إذا اللي عندك براسين

هدي اخوي الموضوع مايستاهل

[][-][Mr.ZeNoN][-][]

أنا أشتريته
بس فيه شيئيين ماأعجبني بالجهاز
أول شي إعدادات الأنترنت عجزت عليها يعني تخيلوا أشتريت الجهاز أمس الصباح وقعدت لين الظهر ولا ظبط معي
وقعدت اليوم 3 ساعات بس بالنهاية الحمد لله ضبط معي
العيب الثاني وهو اللي قاهرني صراحة البلاستيشن ستور مايشتغل معي يقول أنه الخدمة ليست متوفرة في
بلدك وأنا متحمس علشان جي تي عموماً إن شاء الله ناوي أغير الدولة وأخليها بريطانيا لعل وعسى يظبط
معي

والله هاذي عاد مشكلة

ليه البلايستيشن ستور غير متوفر بالدول العربية؟؟

ماراح تتوفر قريبا؟؟

[BOGEYNIGHT]

انا امس جربته فله صراحه

ويده وزنه خفيف جدا

وصراحه شكله تحفه

وشفت السيستم يبغاله تعود شوي خصوصا انه ايقونات اكثر من البي اس بي خصوصا انه يشبه في السيستم

نسيت اقولكم شيكم بين فتره فتره على الهاردسك لان الجهاز الي في لمعرض باقي فيه 47 جيجا وهم شغلو 3 العاب بس

يعني الي شتريه بين خمس العاب جديده يشيك على الهاردسك هذا طبعا اذا ماهو محمل عروض من متجر البلاي ستيشن او العاب اركيد

وافلام البلو راي بتجي اسبوع الجاي وفيه اربع العاب نزلت في الوكاله

[The Deadly Shadow]

شادو أنت ليش شايل هم الفيشة؟؟

تقدر تروح عند كهربائي وتشتري أبو راس إذا اللي عندك براسين

هدي اخوي الموضوع مايستاهل

اخوي لو تدري كيف تبهذلت مع الاكس بوكس 1 علشانه ابو ثلاث روس , وزيادة كهرب 220 يعني لازم اجيب له محول كهرباء + توصيله ابو راسين ... بديت ازمل كل مابغيت اشبك الاكس بوكس

وهذا من الاسباب الرئيسيه لعدم شرائي الاكس بوكس 360 (( من جد والله))

[hamad_007]

عقبالنا ان شاء الله .
على فكرة دام ان البلاي ستيشن أوربي يعني ما يباله محول .

اخوي لو تدري كيف تبهذلت مع الاكس بوكس 1 علشانه ابو ثلاث روس , وزيادة كهرب 220 يعني لازم اجيب له محول كهرباء + توصيله ابو راسين ... بديت ازمل كل مابغيت اشبك الاكس بوكس

وهذا من الاسباب الرئيسيه لعدم شرائي الاكس بوكس 360 (( من جد والله))

والله أنا وايد أعاني ويا هالمحول
كبييييييييييييير
و وزنه وايد ثقيل
بس عاد شو نسوي
عشان المتعة كل شي يهون .

[الفاهم99]

واووووووووووووو

أجل خلاص الدنيا بتولع ^^

[Magnum]

أنا شريت الجهاز أمس بالليل وكانت أول مرة أشوفه قدامي ( شكله أحلى من الصور بكثير ).
إلى الان عجيييييب, طبعاً ما أخذت معاه إلا Resistance Fall of Man <<<<<<<< جنون اللعبة بعد شوي بدخل الأونلاين إلى ما أتمرس شوي ما أبغى وجهي يطيح
الجهاز نفس نظام الPSP وتسجيل الأون لاين بسيط جداً يطلب منك تعبئة عدة فراغات والموافقة على عدة شروط " ما ياخذ منك وقت " !
أنا صنعت لي حساب لكن إلى الآن ما دخلت الستور يقول الخدمة غير متوفرة في بلدك ... بس ما عليه أحاول أغير الدولة.
ونصيحة مني الجهاز ما يتفوت لا تهتم للمواضيع بالمنتدى وتعليقات الأعضاء انفكت حصرية اللعبة الفلانية للجهاز الفلاني ترى هالشيء ما يعني أن اللعبة ما راح توصل للبلاي 3 !
أما فيش الكهرب شبيه للبلاي ستيشن 2 لكنه صار اضخم شوي كأنه فيش مكنسة
شريت الجهار ب2500 واللعبة ب230 ريال وإذا وصلت ديف جام راح أخذها إن شاء الله.

[The Deadly Shadow]

بارك الله فيك ماجنوم والله طمنتني على سالفة الفيش , والله يهنيك بالبلاي3 وعقبالنا ^^ , الا اقول لقيت Motorstorm في المحل اللي شريت منه الجهاز ؟

[zeezo.7]

شنو الحل حق مشكله البلاي ستيشن ستور؟
لان بصراحه مقهور لانها ماتشتغل