كل طلاب 2 ثانوي ارجوا الدخول لو سمحتووووا

[كشختي في كشتي]

السلام عليكم

عندي سؤال
تكفون لا تطنشوني ... ...

انا طالبة بــ أولى ثانوي
وزي مايقولون صعععععععبه واصعععععععععب مراحل الدراسه 1 ثانوي؟؟

وانا مرة مرة خايفه
خاصه انه زاد صعوبه من بعد النظام الـزفت الجديد ... التقييم .. ووووووع
وانا من الفصل الاول وانا كنت ممتازة .. ودرجاتي حلوة نوعا ما ..
لكن ..... في الامتحان النهائي .... ززززززززفــفـــــــــــــــففففــــفــــتـــتـــــتــــــــــــ.....الخ
طبعا في بعض المواد .؟. بس
واللي هي .. الرياضيات والانجليزي . وانا اصلا ميولي ادبي ولا اطيق مواد علميه ...
فما فكرت اني ادخل علمي.. لذا مستواي في الرياضيات ماهمني
والمشكلة اني في الفصل الثاني... ما ادري نزل مستواي... .. ويوم طلعوا التقرير حق الدرجات صارت درجاتي تحوووم الكبد .. لدرجة اني مافكرت اوريها ابوووي
جد يعني
وقالت امي لو تستمرين كذا والله ترسبيييين .. وتعرفون النظام حق الدور الثاني وش صار . ..
صعععب
وضاق صدري مرة
حاولت اجد واجتهد بقوووة.. صرت اذاكر زين وما زين . .
ولكن الله يااااااااااااااااخذها حسبي الله عليها استاذة العربي... نذلة مرة مرة
كانت تقول دايم والى الان هذي العبارة اذا احتجينا على شيء ماتناقش تقول: - انا ظالمة ... انا ظالمة .. خلاص .. اجلسوا تحيسبوا علي خميس وجمعه .. انا اعرف . انا ظالمة -
ولا مرة وحده من زميلاتي راحت تناقشها على شيء كاتبه عنده ناقص بدون ما توضح..
مجرد سألتها وش اللي ناقص ..: قالت: قوووولي ناقص .. قووولي ناقص ..
قالت البنت:يابنت الحلال ناقص بس وشو النقص .. قالت:لاااء قولي ناااقص . قولي يالله

هذي استاذه بلاهي؟؟ مجرد مواقف وبعض منها ...كيف لو اقول لكم كلها كان تشيبون
احنا المفروض يساعدونا على كثر المواد 16 مادة ولااااا هااامهم
الله يوريها انا شاء الله اللي مسويته لنا كله
وووه منها
المهم
نجي للزبدة
انا يوم هزئتنا استاذة الرياضيات اليوم وقالت والله على مستواكم ذا بترسبوووون والدور الثاني احلمووووووووووووا فيه .. بهالقوانين الجديدة ... وراسبين راسبين .. وو..وو..
رجعت البيت بصيح
حسيت برسب وبعيد سنه .. ووووووااااااااااااااااااااع
الصراحه بيني وبينكم صحت والله ...
ومرة مرة تأزمت..
الحين كارهه الدنيا .. احنا نجتهد ونتعب والاستاذات يحطمون وينقصون
استاذة العربي ... انا يدي دايم مرفوعه عندها ... واذا مرة مارفعتها تقووول: لاااتقووليلي اشاارك ؟
لاتقوليلي اشارك وانتي ماتقوميني انتي ماتشااركي ..
ووووووووووووففففف منها الـــ؟؟
تقهر
والله

الحين انا اخترتكم انتم ... لانكم 2 ثانوي
ابي اشوف ..
كلكم تجاوزتوا 1 ثانوي بسهولة ؟؟؟
ريحوني شوووي تكفون ولا احد يمر ومايرد عشاااني

[King 3Ds max]

أهلين

ليييييييه !! كل هذا ضايق صدرك وتعبانة
ترا ماله داعي كذا

هوني على نفسك وأنا سراحة إجتزت أول ثانوي بسهولة وأنا الآن بثاني ثانوي
وكانت أول ثانوي ممتعة بالنسبة لي..

وعلى ما أعتقد إن النظام الجديد مو مطبق عليكم بس على ثاني وثالث على ما أظن


بالتوووووووووووووووووووووووووووووووووووووووفيق إنشاء الله
وأحسني الظن بالله وإفعلي الأسباب وإن الله لايضيع عمل عامل منكم..

[كشختي في كشتي]

هلا والله
King 3Ds max
كيفك
المهم
شكرا على النصيحة و..سراااااااااحه ارتحت بقوووة بعد كلامك
وشكككرررراااا

لكن على فكرة ...
ترى مو النظام اللي اقصده هو المعدل التراكمي .. لأ انا اقصد =التقييم المستمر مثل الابتدائي والغاء الامتحانات الشهرية ... فهمتتتتت؟؟؟؟=
وشكككرا لك
والبقية مافي تجارب؟
افيدووني؟

[عاشقة الانمي]

السلا م عليكم ورحمه الله وبركاته



والله شوفي الترم الاول كان بنسبه ليا سهل واما بالنسبه لترم الثاني يعني مو مره صعب صعب والماده الوحيده الى كانت عليا انا صعبه الرياضيات وبتحديد في الباب الى قبل الاخير والاخير>>ماتنساها
ماشالله ومن كثر ما اقرا فيها سرت اذ1 قريت الصفحه اقطعها عشان مارجع لها مره ثانيه>>قمه في الغباء قصدي في الذكاء
والشي الثاني بالنسبه للمدرسات وش عليكي منهم ادي الى عليكي خليكي مؤدبه في الحصه دفاتركي كامله ومشاركاتك وخلاص ولا عليكي منها>>>>قولي لنفسك

واما بالنسبه للختبرات انتي ذاكري وادي الى عليكي والباقي على الله

لانك لو انك ذاكرتي وجبتي درجه طايحه لاقدر الله خلاص ربي رايد لكي كذ1 لانك انتي سويتي الى عليكي


وبعدين ايش الاختبارات ولا يش خايفه زي ماتجي تجي>>اتحمست

وذا تبغي مساعده في ايش انا مموجوده

[TiTaN]

يا بنت ايش هذا الكلام ?
أولي ثانوي كانت سنة حلوة ‏! الهبل فيها كثرة المواد , بس نص المواد تذاكرها مرة وحدة تكفي ‏ <‏< نص المواد ما فتحها الا ليلة الأمتحان
و انت تقولي ميول ادبية اذا خلاص توكلي على الله و ذاكري قد ما تقدري و السنة الجاية ادخلي اللي يريحك .
و الرسوب , الايام دي ما يرسب الا اللي يغيب كثير و ما يحضر حصص , غير كدا الرسوب صعب .

[كشختي في كشتي]

هلا عاشقة الانيمي
مشكوورة على طرح تجربتك..
وجزاك الله خير وبالتوفيق


اخي
TiTaN
ثانكس على المرور وطرح تجربتك اخوي وبالتوفيق

[حمد 333]

ممممممممممم

أول ثانوي مر بسهوووولـــــه !!!
وأنا ما فكرت أصلا أدخل أدبي ( شرعي ) لأن مستواي بالموااد العلميه زين

إذا هـ الكلام تقولينه بأول ثانوي .. أجل الله يعينتس بثاني ثانوي وثالث
كارفينا كرف ومحومين تسبودنا ومقطعين ثيابنا من الصعووبه حتى المدرسين ما يساعدوون
وكل واحد يتفنن لي بالنذاله ........
الله ياخذهم بجهنم قولوا آمين.... آمين هههههه

خيتوو أفضل نصيحه انتس لاازم تكرفين كرف الحميير ولازم تقتنعين باللي انتي فيه
لأن الإعترااااض ماراح يسوي شيء ...
ذاكري وذاكري إلين ما تنفقع مرارتس
الإختبارات على الأبوااااب ،، والله يعين الجمــــيع

صحيح أن الوزاره فاشله هي وقرارتها الغبيه اللي دابلتن تسبودنا
وكل يوم طايحين لي بتحفه جديده
بس هذا واقعنا المرير ، ولازم نتقبله بغينا ولا ما بغينا

وبالإختبارات .. انتي مكروفه مكروفه
إضغطي على عمرتس كلها اسبوعين وتفتكين من الغثى والهم
ولا تسوين تصرفات غبيه ...
<< زي الأخ الكريم هههههههههههه
بإختبارالفيزياء جبت علبتين بايسن وحطيت فيها 4 حبات بندول
وشربتهم وقعدت يوم كمل مانمت
والمصيبه كان علينا أختبار انجليزي باليوم اللي بعده ، ما بديت إلا 11 الليل
عشان طول العصر نااايم

وبعد الإختبارات والحوسه والصياح والنكد والهم والقرررف
عندتس 3 شهور إجازه
طلعي فيها كل حرتس .....
خذي الكتب بالشنطة وبالأقلام والدفاتر وكبي عليها بنزين 91 ولا ديزل واحرقيها وتفلي عليها

هههههههههههههههههه وخلصنا وبلصنا
هع هع هع

اتمنى اني كنت خفيف ظل
<< ايه هين

تشاااوز

[الأمير القلق]

تقريباً قصتك قريبة من قصتي أنا << ما عدا قصة معلمة اللغة العربية...

كانت أسوأ سنين حياتي.. نزل فيها مستواي بدرجة - متل ما قلتي - حد الرسوب ...

والله لا ورجيكي أديش كنت آكل بهادل من أهلي...

بس بعد ما عديتها الحمد لله هانت الأمور...

التاني ثانوي اسهل بكتييييييير من أول ثانوي..

خصوصا انو المواد العلمية معتمدة تماماً على الأول ثانوي..

والحمد لله رب العالمين ماشي تمام..


يعني حالة الاكتئاب تبعتك طبيعية... وانا نفسي مريت فيها...

انتي شدي حيلك وقولي يا معين..

وانشالله الله ما بيضيمك..


تقبلي تحياتي الحارة..

الأمير القلق

[king speed]

امممممممممممممممممممممم

انا اول ثنوي كنت بمدرسه بايخه المدرسين رهيبين اغلبهم الا واحد ناشب بحلقي كان حق فيزياء يالله مانفهم منه شي ..........

ويجيبلنا اختبار مدري كيف بس زين جبة نسبه زينه والفصل الثاني نقلة لمدرسه ثانيه كل اصدقائي فيها والمدرسين فله ..........

فا يااختي انا انصحك تتئدبين معه ودفاتر وواجبات كامله وكل شي مظبوط والعربي الفصل الثاني اخبر اول ثنوي مو صعب ........

الله يوفقك .........

[C O N A N]

والله أولى ثانوي أسهل سنه ^^

تقريباً كل المواد ما فيها صعوبة ما عدا الرياضيات و الأحياء ><"

إذا كانت أولى صعبه عليك , ايش بتسوين في ثانيه ؟!

المهم انتي شدي حيلك وما عليك في المدرسات

بالنسبه للأدبي كل المواد الأدبيه يبيلها حفظ وبس

أما العلمي المواد يبيلها فهم وحفظ T~T

شوفي اللي يناسبك وتوكلي على الله

وحالات الإكتئاب و الأمراض النفسيه هذي , كلنا مرينا فيها

لأن هذي ثانوية , ما يبيلها لعب..

[GT-R lover]

هلا اختي
ليش كل هالهم و الغم
بالنسبه لاولى ثانوي فإنها سهله
لكن فيها مشكله
هي الرياضيات
سهله لكن المشكله الكبرى هي اللخبطه
و اهم شي اخلاقك و احترامك للمدرسات
انا ما اقولكي احترميهم مصلحه لا
لكن احترامك لهم و مشاركتك و تأدية الواجبات
تخليكي تنجحين غصب عن اللي مايرضى
و ما أظن ان المدرسات مايساعدونك
لكن ركزي على الرياضيات
مذاكره اول بأول
هي سهله لكن تلخبط
لكن باقي المواد سهله <<<<< بس انتبهي للشرح و شوية مراجعه
و بالنسبه لي انا جايب 94% <<<<< هذا و انا ماشديت حيلي
و بالتوفيق

[kokez]

كيييييييفكون؟؟؟؟؟
أنا طالبة ثاني ثانوي بس مو متلكون يعني رح ضل وحيدة يمكن يعني أنا بدرس بمدرسة تقنيات الحاسوب يعني هي المدرسة بس بإختصاصات الحاسوب متل البرمجة ونظام التشغيل وعندي مواد متل الرياضيات والفيزيا والكيميا بس مالون أهمية حتى يعني الكتاب لكل مادة صغير لهيك أنا مارح أقدر شارككون بمواضيع هالمواد لأن بعتبرها مواد مساعدة فقط بس رح إدخل وشوف وبتمنالكون التوفيق

[menalbi]

السلام عليكم و رحمه الله وبركاته

يا أختي الرسوب صعب جدا خاصه لليذاكر ولو مره بالإسبوع
أول ثانوي جبت فيها أسوأ معدلاتي على الإطلاق 96%
لا تقولي نسبه عاليه لأن بالنسبه لي ولأهلي دمار وإلحين أنا أدرس
في أسوأ مدارس الشرقيه على الإطلاق واللي ساكن في الشرقيه على طول بيعرفها
تصدقي أنا إلحين ثاني علمي بدأ فصلنا من عدد لا يقل 70طالبه في الفصل الواحد
وبعد التهديد من المعلمات وطرد من هنا وهناك لأدبي صرنا 59 طالبه
وكل ما تجي معلمه جديده تقول:لا انا ماأقدر أدرس بهالعدد الهائل
وهو صح بالثانوي يخيروكم بين الإقتصاد المنزلي والفنيه والخياطه؟
لكن حنا جابرين كل الفصل يدخل فنيه لأن مافي معلمات كفايه حق كل الفصول
للعلم عدد فصولنا خمس يمكن مالي خلق أروح أعدهم وطبعا كل فصل فيه على الاقل 50 طالبه
فقولي الحمد لله والله لا يبلاكي بما أبتلى به كثير من خلقه.

[خيـ KhyaL ـال]

الله يوفقك خيتو ,,
وانتبهي لدراستك ما بينفعك الا هي
والا الضحك والا و الوناسه ما بتفيدك

[ولهانة]

مرحبا اختي "

انا خلصت الدراسه من سنه "

بس اول ثانوي من احلى السنوات عندي .. خاصه كتاب تاريخ اوروبا الحديث "

واحنا بسلطنه عمان .. ماشي عندنا ادبي وعلمي "

احنا عندنا .. نختار المواد في ثاني الثانوي "

يعني نختار مواد .. مثلا نقدر نختار يا فيزيا ولا كيميا ولا احيا .. ونقدر نختار جغرافيا ولا تاريخ ..ولا نختار عربي مهارات ولا انجليزي مهارات "

بس انا اخترت ((فيزياء وكيميا واحيا ورياضيات بحته وتاريخ وثقافه اسلاميه ومهارات انجليزي وعربي اساسي وفن مسرحي "

وصدقيني صف اول ثانوي من احلى السنوات عندي .. واجد حلوه "