ليش مايصير احط الهاردسك الخارجي بسوني3

[Kazuya]

السلام عليكم


الهاردسك الخارجي الي يكون مع الوصلة يو اس بي


ليش يوم اوصل اليو اس بي بالسوني3


مايطلع الافلام والانمي مثلا الي مخزنهم انا بالهاردسك


سمعت الاكس بوكس فيها



لان التحديث الجديد على سوني3
يشغل

جميع الصيغ=صيغات

فا يوم اشغل دسك كوبي يخرب العدسة

فا ليش مايصير بهاردسك الخارجي عن طريق الوصلة بيو اس بي


سلام

[tobaid]

اخوي يصير تركبه انا كله استخدمه

[Kazuya]

شلون يصير زين اركب اليو اس بي وبعدين شلون اعرف


اذا مركب ولا لا


ممكن اتعلمني الطريقة

سلام

[MR.ASSASSIN]

وعليكم السلام
انا عندي HDD WD 300GB USB وشغال تمام علPS3
تأكد انه الفورمات حق الهارد دسك FAT32 لأن الPS3 ما يشغل NTFS
تقدر تحول الفورمات عن طريق الكمبيوتر

[Kazuya]

اسويلة فورمات؟؟؟؟

انا ابي اركب الهاردسك الخارجي بالسوني وبشوف الانمي والافلام الي قي


فا ليش امسح واسوي فورمات


انا ابي اركبة على طول بالسوني واشوف الانمي الي بهالهاردسك

بشوفة على تلفزيون اج دي



سلام

[MR.ASSASSIN]

*لتحويل الفورمات من NTFS الي FAT32
طبعاً العملية ستمسح كل المعلومات المخزنة على الUSB HDD لذا قم بعمل نسخة احتياطية

*كيفية عمل الفورمات
1.حمل الملف المرفقfat32format.zip
2.قم بفك الضغط على قرص ال :C
3.شغل ال CMD
4.اكتب الأمر :c:\fat32format fat32format X حيث X اسم ال HDD

باذن الله رح يشتغل معاك 100%

[Kazuya]

انزين سؤال اخوي


شنو استفييييييييييييييد اذا نسحت كل المعلومات الي بالهادرسك


انا ابي اهلاردسك لان في انمي وافلام اجنبية بشوفهم على طول


ولا احط دي في دي كوبي ويخرب العدسة


اكررر


شالفايدة اذا مسحت كل الي في

انا ابي المعلومات والملفات موجودة




سلام

[MR.ASSASSIN]

اقصد انك تعمل نسخة احتياطية للمعلومات المخزنة على الهاردسك الخارجي وتخزنها على الهاردسك حق الكمبيوتر لين ما تعمل فورمات للهاردسك الخارجي وبعدين ترد ترجعها
الهاردسك الخارجي ما يشتغل عل ps3 الا اذا كان الفورمات FAT32
وما في طريقة انك تحول بدون ما تمسح المعلومات

[][-][Mr.ZeNoN][-][]

*لتحويل الفورمات من NTFS الي FAT32
طبعاً العملية ستمسح كل المعلومات المخزنة على الUSB HDD لذا قم بعمل نسخة احتياطية

*كيفية عمل الفورمات
1.حمل الملف المرفقfat32format.zip
2.قم بفك الضغط على قرص ال :C
3.شغل ال CMD
4.اكتب الأمر :c:\fat32format fat32format X حيث X اسم ال HDD

باذن الله رح يشتغل معاك 100%

أشبك الـHDD بالكمبيوتر (الويندوز)

إضغط على إبدأ>جهاز الكمبيوتر>وبالزر الأيمن على الـHDD المطلوب وبعدها تهيئة أو format

وخليه FAT32

وإنتهينا..ليش كل هالعناء؟؟

[MR.ASSASSIN]

ما يقدر يخليه FAT32 من الوندوز مباشرة وجرب بنفسك

[فوق المستحيل]

مايقدر لازم برنامج يسويها له

وانا سمعت ان الي يسأل واجد مايقدر يحولها لــ FAT32

[maxi]

اخوي اول ما توصل الهاردسك في ال PS3
جرب روح على قائمة الفيديو في ال PS3 بيكون كاتب نوع الهاردسك الموصول في ال PS3
المهم اضغط عليه مثلث بعدين Display All وبعدين بتشوف ملفات الهاردسك وخاصه ملفات الفيديوز لانك دخلت على قائمة الفيديو.

يمكن تكون تعرفها من قبل, بس انا حبيت اوضح لان واجهتني نفس المشكله من قبل.

[z 5]

شكراMR.ASSASSIN على الطريقة لاني كنت ادورها من زماااان

[ROSWELL]

^^^^^^^^^^^^^^^^^
شدعوه شدعوه

بس أشر على الهاردسك تحت قائمة videos و قبل لا تفتحه اضغط مثلث و اختر show content و راح تطلع لك كل الملقات