سؤال بخصوص GT5 .. ونقاش حول اسعار الالعاب والتحديثات

[عاشق الأصفر]

الســــلام عليـــكم

بصراحه انا شريت اللعبه يابانيه

وانصدمت ان الشركات قليله والسيارات اقل

هل اللعبه كامله او ديمو

واذا كانت ديمو ليه تعرضها المحلات بـ 290 ريال

انا اشتريتها من محل جيم ماستر

وبصراحه تحطمت كثير .. سيارات قليله

وسمعت ان اللعبه تحتاج لتحديثات للحصول على

الاضافات الموجودة باللعبه مثل السيارات والمضامير .. الخ

يعني فوق اننا نشتري اللعبه بـ 290 ريال كمان نشتري التحديثات

هل هدف شركة سوني من اصدار سوني 3 فقط للمكاسب الماديه

اي لعبه تحتاج تحديث وبنسبة 80 % بفلوس

يعني العمليه صارت قمار عيني عينك

لاتتضايقو مني بس هذه الحقيقه واتمنى توضيحها

للعلم سويت يوزر ياباني ولقيت تحديث للعبه ومكتوب

600 اعتقد ين

اتمنى تفيدوني بخصوص لعبة جي تي 5

والله خوفي اسلحة ميتل جير تنزلها كونامي بفلوووس ههههههه

وبعد ماشفنا بطء سيرفر برو ايفلوشن اقول الله يستر لايكون ميتل جير اون لاين بطيئه مثله

اسف للاطاله

اخوكم

عاشق الاصفر

[التانغو7]

الديمو 290 ريال

ويش ادا نزلت كامله
999 ريال
$$$$$$$$$$$$$$$$$$$$$$$$$$$

[عاشق الأصفر]

والله ماادري اخوي هي ديمو او كامله

عشان كذا نزلت موضوع

بصراحه كنت منتظر اللعبه

وبالنهايه اكتشف ان المضامير والسيارات والشركات جداً قليلة

حتى تويوتا ماهي موجودة تخيل ..!!

اتمنى احد يعرف شيء عن اللعبه يعطينا خبر

[tobaid]

اخوي هدء من روعك اللعبه اللي نزلت مو كامله ديمو واللي بالستور الياباني هذا مو تحديث هذي اللعبه نفسها اهما يسوولها داون لود احنا يبيعونها cd عرفت واللعبه الكامله شهر 4 على ما اعتقد تنزل كامله بس يباني يقولون شهر 8 او 9 الانجليزي كامله وفيها 900 سياره حتى سياكل فيها اخوي لا تعصب وانت الله يهداك لو سألت قبل لا تاخذ

[jsz]

طيب كيف يبيعون لعبه مو كامله
والله مشكله كذا انا لو اني مكانك اروح ارجعها
290 ريال على ديمو و الله مشكله صحيح

[عاشق الأصفر]

الله يعطيك العافيه اخوي tobaid

ومثل ماقال اخوي jsz

كيف يبيعو لعبه مو كامله

حسبي الله ونعم الوكيل وبروح اشوفهم

يعطيك العافيه

اخوكم

عاشق الاصفر

[kingx11]

من قالك اللعبه ديمو؟؟ نفس اجزاء gt السابقه الشركات نفسها ماتغيرت بس السيارات اقل واذا تبي سيارات اكثر افتح اللياسن كلها a-b-c-s وبتفوز بسيارات قويه مب موجوده في المعرض للشراء

طول بالك لاتحكم عليها بسرعه

[SUPER HUNTER]

اللعبة مانزلت وكيف تحكم عليها ياحبيبي

انتظر عليها وهذه اللعبة من اوضح العاب السيارات حتى الان كما نشوف العروض لها

وهي حصرية فقط لاغير على الوحش

[ahat45]

اللعبة مانزلت وكيف تحكم عليها ياحبيبي

العبة صار لها نازلة اكثر من شهر بس النسخة اليبانية وعشان تحصل السيارات كلها لازم تخلاص اللياسن كلها نفس ما قال اخويkingx11

[msm]

اللعبة ليست ديمو (الديمو سبق طرح مجاناً للتحميل لكنه الآن غير موجود في متجر البلاي ستيشن الافتراضي على الشبكة) ..وهي في نفس الوقت ليست كاملة أو إصدار رئيسي في سلسلة GT ..

هي لعبة جانبية Prologue تقدم بعض الميزات الجديدة التي ستظهر في الإصدار الرئيسي القادم GT5 ..
صدرت يابانية حتى الآن بسعر يقارب 40 دولار .. طبعاً محلات الألعاب تتحكم بأسعار الألعاب المستوردة كما تريد للاسف ..

ستصدر أوروبية (سوقنا الرسمي) خلال الأشهر القادمة ..أتوقعها بسعر أقل من 200 ريال ..

أما الجزء الرئيسي GT5 فغير معروف تاريخ صدوره ..يتوقع بنهاية 2008 ومن المحتمل أن يتأخر إلى بداية 2009 ! ..

[][-][Mr.ZeNoN][-][]

أما الجزء الرئيسي GT5 فغير معروف تاريخ صدوره ..يتوقع بنهاية 2008 ومن المحتمل أن يتأخر إلى بداية 2009 ! ..

كل تأخيرة وفيها خيرة

[عاشق الأصفر]

مشكورين للتوضيح

واللعبه ناقصها شركات كثيرة عكس الاجزاء السابقه

وننتظر صدورها

اخوكم

عاشق الاصفر

[q8pro]

السلام عليكم

الاصدار هذا قدمته شركة سوني لانه اللعبه راح تطول على ماتنزل
فمثل ماتقول نزلوه تصبيره على ماينزل ولعلمك عدد السيارات الي فيه 50
ومن خلال يشوفون العيوب ويتلافونها
فكرة ذكية من شركة سوني
لانه اللعبه هي راح تكون اسطورية بكل معنى الكلمه

[zidane.10]

اللعبه ديمو وليست كامله وعلى الاسعار هذا مو عيب من الشركه العيب من اصحاب المحلات وانا اتوقع صدور الاصلي بعد شهر اي شهر 2 القادم والله اعلم وشكرا

[The Snipers]

الكوبي هو الحل لأرتفاع الأسعار