شوف حبيبي بما يخص انك بتزيد وزنك يعني انك لازم تاكل سعرات حرارية اكثر مما تاكله حالياً وطبعاً مع اللعب راح تبني جسم جميل جداً إن شاء الله ومنسق .. ولكن ابتعد عن حاجتين اللي هي كلمة في اقل او اسرع وقت ممكن لانه اللي يجي بسرعة يروح بسرعة .. فالمرأة لو حملت لو ولدت في الشهر السابع تطلع مشاكل اغلب الاحيان في الولد صح ولو ولدت بشكل طبيعي في الشهر التاسع تكون الامور تمام غالباً ولكن هل تستطيع أن تلد في الشهر الخامس او السادس تصور لو هذا يمكن كيف سيكون حال الطفل ؟؟
لذلك الصبر مطلوب وجعل الامور تاخذ مجراها الطبيعي مطلوبة ايضاً .. هل يستطيع فريق الفوز بالدوري بمجرد تصدره ولا لازم يحافظ عليه لين ينتهي الدوري ؟؟!!
اذاً شيل موضوع باسرع او اقل وقت
بخصوص الميجا ماس ابتعد عنه فهو يعطك 4000 سعرة ولكن بيطلع عليك بالسلب ويا الايام وبتشحم وبتتحسف انك اخذته .. تصور في ناس اللي تاخذ البروتين الجنر اللي يعطيك 1000 سعرة يفرحون من النتايج شوي ولكن ويا الايام يشوفون تجمع طبقة الدهون اسفل الجسم فيتحسفون لذلك ابتعد عن الامور اللي تضخم هذي ولكن تستطيع اخذ مكملات من اسمها مكملات يعني تساعد او بديلة لوجبة ولكن ليس تعطيك كميات عالية من السعرات وتضرك مستقبلاً بالدهون في جسمك والشحوم
فأنت تبي تزيد الوزن بطريقة سليمة وجسم متناسق وعضل وليس تزيده اي كلام دهون وبلاوي .. لو كنت تبي تزيد شحوم ودهون ما في اهل منها ما تحتاج الميجا ماس
عليك بالرز الابيض والخبز الابيض والاكل بالليل كثيراً والاشياء المقلية ستزيد عديد الكيلوات ولكن شحوم ودهون
وطبعاً مافي شخص يريد ذلك
يعني مثل الوي بروتين يعطيك 120 سعة حرارية وفيه 24 غرام بروتين مثلا بالاضافة لبعض الاحماض الامينية لذلك تقدر تاخذه كوجبة صغيرة او تضيف له امور على شكل خلطات وتعطيك وجبة متكاملة العناصر
وابتعد ابتعد شوف احطها لك باللون الاحمر عن الابر او الهرمونات او مسائل التسترون والبرشامات وهالامور اللي تضر اكثر مما تنفع وممكن تأثر على صحتك وكليتك وجهازك التناسلي وغيرها واللي يقولك انها مافيها ضرر فهو يخدع نفسه او يكذب عليك فعليك بالابتعاد عن هذه الامور
عموماً علشان تزيد وزنك لازم تاكل اكثر مما تحرق وترفع شوي من الكربوهيدرات والاكل لازم يكون اكل سليم وصحي وراجع ردي بخصوص الاكل هنا
هذي وحدة ثانياً هل انت مارست كمال الاجسام ولا لسه مبتدأ علشان اضع لك الجدول المناسب للخطة اللي تمشي عليها
فاولاً مثل ما قلنا تاكل اكثر مما تحرق وتقلل الكارديو يعني مرتين في الاسبوع كارديو كويس علشان تحافظ على نشاطك ولياقتك وتقلل الدهون في الجسم
فعندك الاكل السليم راجع الرد وتاكل 6 وجبات يومياً وتزيد من الاكل وسيصعد وزنك تدريجياً فلاحظ كل اسبوع الوزن يعني لو فرضنا بدأت السبت وزدت اكلك شوي ويوم السبت اللي بعده وزنت وزاد نصف كيلو او اقل بشوي يعني انت ماشي صح لو مازاد شيء يبقى تزيد برضوا زيادة على الاكل اللي تاكله
ويبقى موضوع التمرين فقولي لو لسه مبتدأ اضع لك جدولين لو انت تمارس حالياً كم اخذلك علشان اضع لك المناسب كذلك
لو حبيت تستخدم مكملات تنفع ما تضر
ملتي فيتامين
وي بروتين
امينو اسيد
تحياتي لك
